行政會議於本周二通過臨時最低工資委員會的建議，將首個最低工資的時勢定於二十八元，雖然有關消息看起來主要影響如飲食、保安及清潔等行業，不過其實對於戲院行業亦具一定程度的影響。
近十年來，香港戲院的票價水平雖然已上調百分之十至二十，可是兼職戲院事務員的薪酬仍維持於每小時廿一元至廿三元的水平，比起現時的時薪廿八元最低工資水平有一定距離。其實勞工處對於這個情況也有關注，當中因應制訂最低工資推行指引的「商會、勞、資」三方小組中，其中一個行業便是戲院業。
不過，雖然最低工資水平昨天公佈，可是旺角百老匯戲院門外的招聘通告，時薪仍是廿一元。
當時薪廿八元開始實施時，對於經營成本必定有所上升。到底最終院商如何應對則有多種方法，有些可能直接索性借勢將票價上調，不過上調對於戲院收入不一定是上升，因為有些本周入座偏低的戲院，上調票價後整體收入會不升反跌。
另一方面，有些可能因應戲院營運，縮減平日日場非旺場時間的員工數目，甚至將工作時間調整等等。可是，今時今日幾乎所有戲院都是多個影廳營運模式，很多戲院的人手其實已經十分緊張，還有沒有空間減少人手則是另一問題。
無論如何，即使是時薪廿八元也好，其實即使每日做足十小時，每月工作廿六天，最終薪酬也只是七千二百八十元，能否真的可以糊口，真的值得思考。但對院商而言，恐怕要好好想想如何面對。
迷逃小書童華安
當然喇，因為做戲院，相對不太勞力…
123
我二十年前做暑期工帶位, 月薪約4千, 六日每約十個鐘, 但如果做午夜場有另外津貼, 做足既話有4500度, 在當時其實已經算幾OK.
而且好得閒, 只係開場做一陣, 散場拉布, 中間仲可以入去睇戲, 我當時就喺戲院睇咗審死官廿幾次, BATMAN RETURNS廿幾次, 隱形怪傑廿幾次…
話說回來,雖然$28都未必夠用, 但殘忍講句, 市場從來冇責任保証一個人份糧夠用, 而係平衡出一個願俾一個願做既價錢, 大家接受到(記住係雙方接受, 唔係工人希望幾多或老闆願意俾幾多, 老闆如果覺得你人工貴但冇辦法用同一價錢請同一素質既人, 佢都要俾, 這就是市場)
薪酬係市場根據各個原因互動後的結果,你值幾多人工自然反映出來(老闆出古惑欺騙/專登計少人工另作別論)
即係會考都有A至U, 即使你U咗都唔可以話個考試唔公平, 首先你真係U咗, 第二你可以諗方法令自己好啲, 如果真係冇方法表示你真係只值U,冇理由係要人升GRADE架俾你係咪?
而家最低工資就希望要D, F, U既變晒做E, 但職位少咗, 首先淘汰既最大機會既係之前F同U, 但政府唔俾佢地做$23既工, 但又做唔到$28,唯有連原本少少既人工都冇, 或迫佢(或老闆)犯法, 或去攞綜援.
唔係話反對幫低收人士, 只係最低工資唔係有效方法, 好心做壞事.
戲院人
以戲院事務員工作量來說 如果時薪28會算筍工一份,因為現今入職21 起碼要做幾年先會加到時薪28
但係下年最低工資入職就28 相信會多左人考慮戲院事務員
P.S:但係我相信戲院會減人手多過加價
迷逃小書童華安
減幾多都係果幾丁友…
小明哥
三個字,諗多左
chris ho
如果連合理既人工都拎唔到出黎,不如執左佢
123
俾番三個字你,問吓啦
唔知你幾多歲, 但估你應該仲讀緊書,試吓問吓你身邊任何一個識經濟既人啦
戲院
以我所知, 戲院人工開頭有$21-$25
開頭係$23, 可能過左試用之後就有$25
差唔多一年之後”可能”會有$26
差唔多3-5年”應該”會有$27
如此類推
不過份工又唔辛苦, 先仲有咁多人做
如果辛苦, $21咁少就無人做啦
MCC
做帶有樣免費娛樂係唔洗錢睇戲,如果以百老匯院線計算,每日有3-4套或更多不同新戲上映,平均一至兩個星期換一次畫,保守估計一個月可以免費睇到十幾套片,假設一張戲票$60,當一個月15套片計,一個月戲商提供了$900的娛樂消費俾你,員工福利可能每個月會有三幾張贈劵,你可以請朋友睇戲,咁又可以慳回一筆唔洗買飛請女朋友睇戲,還有,做戲院帶位好困身,人地星期六日公眾假期放假你返工,朋友一般好少會約你,差不多斷六親,所以基本上你唔多機會用錢,仲有,做帶位有製服著,慳番買衫錢,如果包埋呢幾條數落去會唔會順D呢?呢D都係我所見,唔好話我無人性wor….