電影《我老婆係賭聖》雖然在票房和口碑上都不見得好在那處，不過日前舉行的首映禮上，卻大玩麻雀。
上圖所見，便是情報員於日前所見於首映場前出現的麻雀，單看上圖，大家認為電影是屬《賭聖》系列，還是《雀聖》系列？
其實所謂的麻雀，就是用來在首映禮上為搞氣氛而設的遊戲，結果找來了張家輝及孟瑤去「甩牌」。然而，電影開拍前據聞女主角孟瑤對麻雀全無認識，拍戲又趕拍，大家又認為她真的去認真地去「甩牌」的話，可以甩出甚麼來？
說穿了，也只是作狀地玩一下，跟著很順利地找出電影片名的麻雀來，炫耀一番。繼而來個例行公事的大合照環節。
《我老婆係賭聖》電影質素可算是難透，而今回的宣傳仿如《雀聖》一樣，到底是大家不想玩啤牌還是臨場找錯道具乎？
Ryan
Nic：也許根本不志在香港票房吧。
Ryan
Nic：唔一定等於爛的，不過機會較大而已。 😛
Ryan
bbon99：現在放花炮同簽名也成了基本動作了。
Ryan
Simon：當然啦，也許是想搞些「疑似」走光？ 😛
Ryan
熙少：暫時仍有消息，要大家匯報了。
Ryan
shtmanhk：恐怕都有機了，要找片懾期其實不易。
Ryan
Paul：可惜的是，現實每每不是這樣。
Ryan
shtmanhk：始終兩者不是等同的。
Ryan
Paul：某年意大利烏甸尼斯電影節做王晶專題，當時令不少人不明所以，不過觀乎他對香港電影的工作情況，其實也是值得作專題的。
Ryan
Simon：始終近年王晶難找到票房大收之作。
Ryan
Paul：可惜兩人近年「回塘」度不低。
Ryan
爛泥：也許市場不在香港。
Ryan
Simon：他不知有某處曾說過喜用TVB的「棄將」。
Ryan
Simon：恐怕要多看一兩個例子了。
Ryan
Simon：結果用到悶。
Ryan
hh：且看拍出甚麼來好了。
Ryan
閒雜人等：還望苗僑偉表現比《兄弟》好便好了。
**
《我老婆係賭聖》票房都好差,很多戲院己經落畫
Nic
王晶+孟瑤的搭擋=爛片…
票房唔好也是意料中事啦~
bbon99
搞首映禮有時都幾需要動腦筋，如果只是導演同演員接受主持介紹及記者訪問，十幾分鐘就已經可以入場睇戲。搞點玩遊戲開香檳簽下名放花炮等等才會有點意思。
Simon
主要目的係要孟瑤”烏”低身攞牌甩牌, 咁就有野睇
熙少
有冇人收到風我老婆係賭聖之後，新寶院線上咩戲呀？我前幾日行過影都未有下期放映既戲喎！之前好似聽過話上深海尋人，而家又延期，好想睇呀．．．
shtmanhk
新寶院線下期上泰國鬼片幽魂娜娜2-鬼剎攝期?
http://www.theatre.com.hk/next_showing_ch.asp
《青苔》似乎是上新寶院線,提前上映有可能因為冇片要攝期
http://www.theatre.com.hk/coming_showing_ch.asp
Paul
shtmanhk: 慘..而家內地政府暫停批片, 香港影壇差唔多無哂戲拍..(雖然陳慶嘉,邱禮濤都各自有新片開拍) 看來新寶院線將來要找更多外國片攝期 (而且”幽魂娜娜2-鬼剎”已經是2005年的舊片!)
我覺得其實大有大做, 細有細做…. 暫時無內地市場, 都可以拍d專注本土口味的細片…. 好似成本不高, 卡士不強的法國鄉土喜劇Bienvenue les chez Ch’tis,而家在法國都票房勁賣…. 證明偏重本土觀眾口味的的電影可能還有一線生機.
(
shtmanhk
近年王晶常令我想起四個字:時不予我
八九十年代王晶電影只會有人話cheap,但不會被人劃分為爛
Paul
其實王晶一直都比唔少人話係爛片王,在八九十年代也是如此…. 其實某程度上, 外國影迷可能較接受王晶的部分電影風格;像在香港被一些影迷/影評狂彈的”赤裸羔羊”,已經被不少外國cult片迷奉為港片經典; 而Aint It Cool News的網主Harry Knowles亦勁讚”滿清十大酷刑”….
我會覺得, 王晶一直都是[海鮮波], 時好時壞;以前也是如此, 現在也是. 但肯定的是, 王晶的票房叫座力已大不如前.
(btw, 在八九十年代時, 香港影評人中, 我覺得只有石琪對王晶電影的評價最公平…. 反而在現時, 王晶卻獲較多影評人公平對待….)
Simon
就算演員都唔多理佢, 早幾年尚且有劉華, 秋生, 吳鎮宇可以用, 依家用黎用去都係得張家輝……
Paul
上年”神槍手與智多星”都有秋生, 吳鎮宇….
爛泥
唔知點解,我覺得王晶+周潤發呢個組合先係可以發揮到晶哥o既創意~
呢幾年,黑白系列同臥虎算係唔差….再搞喜劇,未必真係迎合到觀眾口味上o既改變囉
Simon
提起黑白系列同臥虎, 鄧特希會唔會係王晶系電影的質素關鍵? 情形有啲似韋家輝有同冇杜琪峰咁樣
Simon
唔通真係要杜琪峰先打救到佢哋? 睇下呢幾年任達華同杜氏不離不棄就明我講咩……
hh
任達華 is in a new 王晶 production. (with 陳法拉)
閒雜人等
變種警察都有臥虎ge三哥苗橋偉
其實王晶搵配角相對地重複較低,大部份都搵d電視藝員(e.g我老婆係賭聖的張嘉倫同七色狼的黃祖藍)
Simon
杜氏亦都鍾意搵(前)電視藝員做配角, 不過係tvb多, 可能真係情意結啩, 例如許紹雄, 張兆輝等等