（「講。鏟。片」按：本篇文章由讀者「Director2046」投稿刊出，特此鳴謝。）
在復活節的旺季期間，一般戲院都會增加電影播放的次數，如早場、四點場及午夜場，來催谷票房。不過，新寶旗下位於紅磡的寶石戲院卻出現疑似「放快格」的情況。
以下是紅磡寶石戲院四月三日的播放時間：
主片《火龍》，連早場共播放七場，開場時間如上。
特別場下午四時十分，選映《歲月神偷》。
當你查看電檢紙中兩套電影的片長（《歲月神偷》為117分鐘、《火龍》則為106分鐘）後，就會發現下午二時三十分、下午四時十分、下午六時正及下午七時四十五分的場次根本不可能把電影完整放完。究竟戲院如何在不足的時間下把電影完整放完？本人觀看上午十時四十分的早場，準時開場，電影開始一出現製作公司商標，就發現速度比平時快了、聲調高了，就知道問題所在，原來這間戲院出動了「放快格」的絕招來縮短播放時間！完場時再看手錶是下午十二時十八分，即是一套106分鐘的電影，只用了98 分鐘便播完。
甚麼是「放快格」？「放快格」是以往戲院為了增加場數，透過調校放映機，把原本正常的菲林播放速度加快：如每秒鐘放廿四格，改為每秒鐘放廿五格。這樣一齣一百分鐘的電影便可縮短四分鐘。快了廿四份一的影像活動並不易察覺，不過，由於聲影同步關係，播放出來的聲音速度會同樣加快，聲調也會變高，甚至會出現「雞仔聲」。
本人計算過寶石戲院「火龍」的播放時間(106分鐘 * 24 / 26 = 97.87分鐘)，估計戲院將正常每秒24格的播放速度調升至26格，如果用這個速度來播放《歲月神偷》，估計可在108分鐘便放完，剛好下午六時前便可完場。因為播放速度提升了差不多10%，所以聲調變得更高，本人甚至覺得十分礙耳。看完這段文章後，閣下會問，為甚麼上述上午十時四十分場次應該有足夠時間用正常的速度播完整套電影，為甚麼仍有播快格？原來電影放映機一經調校，最好不要經常調整，即是一經「放快格」，戲院會有一段時日都是場場放快格。
「放快格」的情況在新式戲院則絕少出現，因為新式戲院大多採用數碼音響系統，聲音資料會儲存在光碟上，如「放快格」的話便會聲畫不同步，不過寶石戲院是舊式戲院，音響更是單聲道，因此便可使用「放快格」的絕招。在未來，戲院將會陸續安裝數碼放映系統，聲畫和聲音資料都會儲存在硬碟上，理論上可以調整播放速度（如電腦播放軟件可以將聲音或影像檔的播放速度加快或減慢），不知戲院有沒有可能為了安排緊密的場次而鋌而走險「放快格」呢？
Fei Lo
現時最流行嘅杜比SRD系統數碼聲是紀錄在菲林拷貝上，所以唔知放快格會否有影響……
只有DTS系统聲音才紀錄在另外的光碟上，但DTS目前並不流行
joan
有試過慢格放的情況
filmer
god…
阿K
<a href=http://hongkongfilms.mysinablog.com/index.php?op=ViewArticle&articleId=2234691>感謝分享</a>
sc
good report!
nbachung
thank.Director2046同ryan.原本想去寶石戲院看《火龍》..宜加唔去了..寶石戲院就算假日得2.30人看.咁少人搏你唔投訴嘛.
謝拉
放快鏡, 未播完字幕熄機呢D都係好多現今舊式戲院的惡行, 同侮辱觀眾冇分別
Rat
所以人人都話呢d係濕鳩戲院囉
戲院人
咁樣真係有d取巧…唔要得
華仔
寶石一向都有呢個情況,舉例一套106分鐘的電影星期六,日都加開四點場放映時間:12:30 2:30 4:10 5:55 7:40 9:30(其實可以12:30 2:20 4:10 6:00 7:50 9:40 不明舊戲院咁鐘意開整數時間12:30 2:30 接下來的場次唔夠時間)現在有ryan兄開此題目我都在此講少少野,明眼人就知咩事,幸好我在豪華看火龍早場無出現呢種情況,但我都有計過10點32分開場照計應該12點18分散場但上次12點15分散似終都係早左3分鐘.
寶石我經過會影張相但叫我入去睇就唔會啦,經過上年在寶石看過東邪西毒簡體字版經驗我都已經唔敢再去了.
想問ryan兄寶石做火龍時有無拉闊銀幕上映,有沒有立體聲音響.
談起快格,當年天后的百樂戲院可算是播慣快格,接近兩小時的驚攻動地都開四點場 12:15 2:10 4:00 5:55 7:45 9:40 臨結業前播的第五元素都係咁.
Director2046
係無拉闊銀幕上映的，音響只是單聲道。
以15元的價錢，單聲道、螢幕out focus同有花痕我仲啃得落，但係放快格我真的無法接受。
(唯一欣賞的間戲院完整放晒字幕無提早熄機……)
其中一個電影fans
我想講疑似放早場,我係星期日係ua朗豪坊到睇5:10pm人.神.魔戰 但係在6.55分左右完場,但係我睇番imdb個片長為1小時58分鐘,咁算唔算放快格
如果片長有錯,請更正,可能小弟錯了
Geoffrey
根據TELA的電檢紙顯示，人‧神‧魔戰於香港上映的版本片長為106分鐘
Tony
“照計應該12點18分散場但上次12點15分散似終都係早左3分鐘.”
那三分鐘是否片尾roller?
“當年天后的百樂戲院可算是播慣快格”
本人當年讀樹仁時, 理應去得最多, 因為就在山下巴士站, 結果多年來真的一次都冇在該院看過戲 (不過, 當年入場意欲反而冇現在咁高, 因此黃金年代, 反而經歷很少.)
Eddie
新寶屬下影都戲院都有影片走怏格情况出現
shtmanhk
百樂和寶石同一系,某些戲院結業其實可增加票房數字的可信性.
Geoffrey
估唔到今時今日仲會有戲院有「播快格」的惡行，十多年前就很普遍了，想當年小弟亦「有幸」領教過！98年11月於元朗樂宮觀看「G4特工」，片長109分鐘，21:30開場，大約23:12分鐘就完場，散場後才想起全齣戲演員的聲音也是「雞仔聲」，才知這是「播快格」的技倆，頂！
岔開少少題目，其實當年很多香港電影公司為了所拍影片上映時能上多一場4點場，以增加戲院收入，若遇出品的影片過長，普遍的不成文規定都將影片強行刪剪成約105-110分鐘，以便不用勞煩戲院經常播快格。不過時移世易，因現時戲院安排上映場次的模式已變得靈活，所以不太注重每日上映場數，改為注重影片質素(口碑太差反而可影響票房下跌引致拆場)。除了少部份電影公司之外，現在已很少片商沿用此舉了，所以近年便出現了很多片長超過兩小時的華語片了…
Tony
“照計應該12點18分散場但上次12點15分散似終都係早左3分鐘.”那三分鐘是否片尾roller?
“當年天后的百樂戲院可算是播慣快格” 本人當年讀樹仁時, 理應去得最多, 因為就在山下巴士站, 結果多年來真的一次都冇在該院看過戲 (不過, 當年入場意欲反而冇現在咁高, 因此黃金年代, 反而經歷很少.)
chris ho
以前係屯門睇,試過一開始果段冇聲,跟住重播
obi-den
估唔到依家都仲有放快格，小弟細路嗰陣，就剛開始流行四點場，正正夾響兩點半同五點半之間，而通常呢啲四點場除cut廣告cut roller，就仲要「放快格」去就時間．當年除寶石外，附近嘅金門亦曾有呢個情況出現，所以四點場真係免得就免！
Bud
Thanks for the article, Director2046. I think you should ask for a refund.
tommyknchan
放快格都得嘅?! 犧牲數碼聲音, 仲要變聲調, 我以為係睇VCD時因為telecine過帶加快格速, 點知戲院都咁嚟, 無恥!!!
(Note: 舊時Telecine, 特別轉成PAL 25p時, 就如版主所說, 將聲畫由原先24p加快至25p)
高劍
居然有這一招，厲害! 唔講真係唔知
Simon
八九十年代既”集體回憶”返左黎, 今時今日仲有放快格, 攪錯!
唔知幾時戲院會自己會cut短埋套戲黎就時間? 當年我喺新蒲崗英華戲院睇”賭神”, 佢竟然成段劉華意圖遺棄發哥嗰段戲cut走左, 我後來睇帶先知自己俾人搵左笨, 從此之後我無再去呢間戲院, 就算後來改名做麗斯都係咁話……
華仔
不是,我一向睇戲都睇晒字幕,我一直睇到劇終為止一路睇錶.我慣常在豪華散場時都坐向前面幾行望上放映室,每次放片員見有人仲睇梗字幕都唔敢熄機架即使個帶位員向上打手勢熄機.
百老匯電影中心和THE GRAND CINEMA係看畢字幕最好的地方,帶位員會等你看畢字幕後先開始清潔.
我曾在UA東薈城看最佳情敵字幕時俾個後生帶位員趕我走但我一於少理.我有我看字幕佢有佢撓住手望住我.
華仔
最記得90年代大部份的電影都是大約88-98分鐘左右,在我經常睇的金聲戲院星期六,日的放映時間都是12:30 2:30 4:10 5:45 7:30 9:30 11:30
直至97年時黎明的半生緣片長125分鐘上映,戲院的放映時間表就轉貼了 電影片長關係 請留意電影每天放映時間
12:30 2:45 5:20 7:30 9:40 11:45
當時這個放映時間表令我很深刻 之後的幾年偶然都有出現過片長的電影,01年新年鍾無艷上映,因123分鐘片長關係致戲院在新年期間不能加映四點場.
華仔
我98年都曾在樂宮看80多分鐘的非常突然12:30場票價45元.不覺電影播快格,可能電影片短和下場有充足時間 2:30開場的原因.
華仔
金門80年代屬德寶院線戲院上映的電影,小弟在好細過時曾在此看過萬梓良和李修賢的江湖,在上映時記得賣了好多廣告和預告片.
在我由小到大的印象中戲院的四點場感覺都是一係放映舊片一係星期日的新片推介,所以我由小到大都未曾在舊戲院看過四點場電影,我印象中戲院為了快快播完四點場放5點半正場在四點場時都會cut預告cut廣告即播正場以求電影盡快播完.
華仔
火龍係闊銀幕電影,無拉闊銀幕同無立體聲播映係非常離譜的一件事.寶石比影都更不如,我在影都看短暫的生命和再生號都有拉闊銀幕和有立體聲播映.
Eddie
更正 : 萬梓良,李修賢主演 “兄弟”
華仔
謝謝更正,是兄弟,當年對金門印象好蕪湖,只係記得一班人在食煙同影廳好黑無咩照明設施咁.
2745
金門在德寶之前係麗聲(金公主)院線;德寶之後係新寶院線
膠神
wow原來都有人睇埋字幕 , 我都係
華仔
剛剛看報紙,未來警察上映的戲院廣告,新寶院線戲院只有新寶,總統,豪華,寶石和凱都五間,不見了影都,可能影都影完明天的火龍就結業.如果事件真是屬實我決定明晚番通宵更工前到影都影影相.
請Ryan幫忙跟進此事 謝謝.
華仔
影都至少都不會像寶石這麼離譜播快格,剛剛翻查我3月6日星期六在影都拍過的照片:
當天有三部電影上映放映時間如下:
花田囍事2010:10:40 2:20 6:00
財神到:12:30
歲月神偷優先場:4:00 7:40 9:45 11:50
花田囍事2010片長92分鐘 財神到片長106分鐘 歲月神偷片長117分鐘 每場戲院都給予最少約4分鐘時間散場入場.
3月6日星期六三部電影在寶石放映時間如下:
花田囍事2010:10:40 2:30 6:00
財神到:12:30
歲月神偷優先場:4:10 7:40 9:40 11:40
歲月神偷4:10 一場距下場6:00只有110分鐘時間.
無奈影都戲院傳出了結業消息,但如果兩間戲院選一間結業,我會選擇寶石的,至少我在影都看過四次電影都未發生過不開心事件,至少我在影都看短暫的生命和再生號閎都有拉闊銀幕和有立體聲播映.
shtmanhk
影都結業,何時輪到寶石?