相信不少觀眾也遇過在戲院觀攪電影時,有觀眾在講手提電話。可是,昨天的蘋果日報一則新聞報導,也許令大家啟發該如何長遠處理有關的事件。
蘋果日報昨天的一則新聞,大致是指一對父子在周日於UA沙田戲院觀看電影時,其間有觀眾手機響起便傾談,被父子干預發生口角,散場後對有關觀眾拳打腳踢,結果報警,警方拘捕兩名涉案疑兇。
問題來了,到底遇上這個情況,該盡力容忍還是真的勸喻?
其實,要徹底解決這個問題,單靠觀眾自己並不可能。可是,若要由戲院事務員負責的話,也同樣不可能。一來現今戲院運作不可能有事務員長駐於院內,二來若果勸止受傷,其實屬工傷類別,需由戲院承擔責任,戲院也不想因此帶來潛在危機。
多年前曾有一個提議,就是在戲院內安裝裝置,令院內不能接收到手機電話訊號。可是此舉又會令人擔心萬一發生火警時未能時因場內手機不能致電而影響救援。最終雖有建議可容許在場內打求助電話,但戲院要花錢改裝,最終不了了之。
也許,要解決這個問題並不容易,可是作為戲院內觀眾的一員,己所不欲勿施於人,最好還是在觀影前關掉電話,以免影響自己觀影情緒。即使需要的話,也請較至沒聲音的模式,真的要致電或回覆電話時,暫時離開影廳以免影響其他觀眾好了。
小明哥
鍾意破壞規矩的多數係惡人,算吧啦,
obi-den
其實好似劇院咁截斷收發訊號就最好!都咁多年啦!要嗰啲人關機唔講電話,要改一早改咗啦!
凡
其實手機個屏幕咁光都好影響
Ryan
這點是認同的,其實過去也曾探討過這類「光害」。
AIMAR
我睇葉問2又系沙田UA,又系有人講電話,仲要有人帶埋個BABY入去睇,個BB系度猛喊,
父母就扮下野鬧佢叫佢唔好嘈,咁細個仲食緊奶,鬼知你講咩?鬧完咪一樣喊,囧!
你要個BB睇,系折磨佢之餘仲折磨埋我地,
我係MEGABOX UA睇左兩次志明都未遇過咁架事.
沙田UA?真系要列入黑名單!
armao
葉問已經IIB,父母係咩心態帶個”BB”入場呢??
我係金鐘amc睇Ironman2又係成場細路,但就係得我前排果個特別嘈!大大聲由頭講到尾,阿爸阿媽無動於衷-_-
有觀眾叫佢細聲D佢都唔理
唉,諗住佢咁細個(4~5歲)忍忍佢啦
點知佢竟然轉身向果位觀察舉中指
真係冇家教!!!
kitkit??
好耐以前,又係UA沙田,我都試過睇睇下戲有人係到講電話,重要大大聲講,講左好耐都唔收線,之後比人大大聲問候佢母親先至收聲,只可以話哩D係要靠自律
戲院人
咁耐以黎 睇戲既客人95% 都係好自律
往往就係小數既5%人 唔自律令到另外95%觀眾受罪
pal
講真, 真係電影友根本就唔會開電話, 就算係都會開震機, 聽都行出去.
睇戲唔開電話其實係一個公民智識, 你唔識? 咁就真係無公德心囉. 番去小學重新黎過啦!
等如大陸人咁之嘛,番大陸睇戲仲勁呀,講野,傾計,食野,咩都有.
你咪話睇戲,有幾單係聽演奏會都開先勁! 演奏者忍唔住退場都有啦,哈哈,香港人!
最討厭d 人仲話咩”唔開電話有咩事點算?!”
o靚模
香港不嬲都多呢D廢柴ga la….
kit
香港現時未有 “合法” 截斷收發訊號的方法
無名
唔少中國人入戲院係特別冇品德可言, 成日以為入場同喺屋企睇冇分別, 行為放肆
tud
我二月嗰時响淘大影藝睇9點幾嗰場錦衣衛,我就同個朋友坐响尾二嗰排。睇睇下戲我就發覺我後面有收音機聲同有人講電話既聲。但係我擰轉頭睇係沒有人坐我後面的。最後嗰排再後面就係放映廳,咁我就知道一定係戲院員工响入面聽收音機聲同講電話。頭頭我地都沒有理會,但係收音機聲越開越大聲,我同朋友好清楚聽到係播跑馬,又聽到入面電話投注的聲音和幫馬匹的打氣聲,坐我們前面的觀察都聽得到,幸好情況維持了十多分鐘便結束。不過,我們睇戲的心情受到影響,以後都不會和提議給朋友不要到淘大影藝睇戲,以免又會再聲到跑馬聲出現。
MovieMania
我覺得影院觀影廳內部還是有必要安裝手機信號屏蔽系統,畢竟大家去戲院是看電影,而非煲電話粥。