雖然邵氏與無線在過去一年已有多部電影推出，可是其宣傳海報的「驚嚇」程度也同樣令人嘆為觀止。繼暑期推出雞冠款式的《翡翠明珠》海報後，十月廿一日上映的《抱抱俏佳人》的初版海報也已經出現，其驚嚇程度其實亦不遑多樣。
先來看看《抱抱俏佳人》的海報造型，主體包括了西裝形式的林峰配上著得算是性感的楊千嬅，兩人的形象即時令人聯想起《風月俏佳人》。不過奇怪的是，為何楊千嬅的耳要戴著咪高峰？難道是為年終的十大勁歌金曲現場獻唱開始準備？
未知是否佈局不夠豐富關係，海報的底部加入了周秀娜的位置，不過其形象怎樣看來，還以為是某家纖體品牌的廣告形象一樣，慶幸是由周秀娜而非盧海鵬拍攝而已。
不過，海報最為嚇人的地方，還是右方的「小門」。
先是右方的一扇門將八名配角放在一起，不過部份人士的剪裁明顯地未有配合其視線，看看葛民輝的造型沒有望進門裡，仿如自說自話一樣。可是，最為嚇人之處還是那扇門的效果，看起來幾乎看不出是一扇門，又不像一道屏風，而且手工差劣，未知是否反映了邵氏與無線合作下製作模式的特色來。
其實這類編排，在外語片《我的大o舊婚禮》也曾試過，不過效果卻高下立見。
看到這張「小門」海報時，大家又有何感想呢？
>.
http://www.youtube.com/watch?v=msNOT5Ud0Wg
預告也出了！為何邵氏最近出的作品也這樣驚人？？導演們拍其他戲又不見得特別差……一拍邵氏出品便……
shtmanhk
抱抱俏佳人棄重陽檔上映,同是針對女性觀眾 julia roberts 的 eat,pray,love 早一周重陽正檔食頭啖湯.
抱抱俏佳人棄重陽檔避過和 3D童眼 正面對撼,
但不知會否對撼戀人絮語?
Facts
“看到這張「小門」海報時，大家又有何感想呢？”
Ryan作家這一文章和以前無數攻擊TVB的文章，我的感想就是，Ryan大作家很憎恨TVB。
例如:
“慶幸是由周秀娜而非盧海鵬拍攝而已。”
盧海鵬都已經開了TVB許多年，無啦啦又要拉埋盧海鵬出來講，你話你為左乜野呢…
近期睇多咗港產片
我唔知Ryan係唔係好憎恨TVB，不過我知好多人都好憎恨TVB，TVB亦都好值得人憎恨。
Bud
“抱抱俏佳人”黃真真導演,鄭丹瑞監製. Will it become a hit like “分手說愛你”?
The poster reminded me of a Sandra Bullock rom-com: The Proposal.
Jerry
周秀娜啱宅男，日日陪伴女性觀眾的林峯，有觀眾緣的千嬅，加TVB廣告，時裝喜劇愛情片應收800萬。
7仔
牌面好過《翡翠明珠》少少啦！
See多夫
你冇睇過鵬哥扮既娜姐？
你見識小，我唔怪你。
哈smile~
梗係la. 人地都係日日都睇tvb 姐, 邊知姐.
話時話, 唔好講邊個出品, 淨睇肢體動作有d怪既poster , 都唔想睇
DonaldMa
古裝搞笑片，邊個演員做票房都可以立刻死得!
JK
Agreed! Poster looks like “The Proposal”!
叮噹
Really? 主要是一小群常常在Internet小小事化大來搞的港人?
過路
好多人都唔like TVB，應該搞全港一日擺睇TVB，好似禁煙日一樣！
秋芸
佢講盧海鵬係因為盧海鵬係亞視節目扮過周秀娜…
唔需要太小心眼GE
kwin
張海報真係好突兀,睇亞葛個look都多素做神父果類.黃真真同阿旦比較有印象都仲係六樓後座.
近期睇多咗港產片
Really!!主要是一群睇無線睇大，越睇越覺佢無heart、無好作品、只懂重覆成功過的題材、不求上進、置入式廣告過多、作風過於保守，因而心淡的香港人。
的確你懷疑這班人都係”一小群常常在Internet小小事化大來搞的港人”，我是部分同意的，我同意他們是一群常常在Internet的香港人，因為我們所身處的這個意見交流平台名為”Internet”，如果我不是一個在Internet上的香港人又如何能發文呢？再者正正因為這群”網民”在網上能收看其他地方的節目和香港的作比較，才令這群”網民”更不滿tvb的節目質素。
我們不是”小小事化大來搞”，只是恨鐵不成鋼。
Tam
批評可帶來檢討，推動進步！
愚見認為講。剷。片Blog做得到！
Bacon
楊千嬅一定好過容祖兒。
路人
同意，其實一台獨大已很有問題，問題是政府容許這樣……作為香港重要的傳媒機構，TVB的制作的劇集普遍水準很差，一點進步也沒有，他們有資源，而且獨佔市場，本應該可以（有能力）做得更出色，可惜沒有！現在的邵氏同樣給與這樣的感覺！他們的宣傳可以不停的在TVB日夜攻勢，可是拍出來的電影就……我還沒看《抱抱俏佳人》，應該也不會看，就此收筆！
Twister
TVB = lame, any person who has common sense will say that, lol
as for the movie, i m sure the wedding is gonna take place in mainland China, lol some hotel or some theme parks
Mr Bean
容祖兒唔係好但又唔見得楊千嬅有幾好? 成日扮細個又唔知自己就快40歲. 噁心!
55iw
ofcause!!
根本冇得比!!
一個係票房靈丹,
一個係票房毒藥…
邊有得比?
張POSTER係怪左D
但官網上另一POSTER靚好多!!
遲下應該會再有另一款POSTER
呢張POSTER影響不大!!
有楊千嬅坐陣又唔係三級片
一定坐底千五萬票房!!
我話既!!
stranger
不見得楊小姐成日扮細個
反而容小姐則見不少
楊千嬅拍戲唱歌瓣瓣掂
又有觀眾緣
呢點係同只得唱歌叫好少少既容祖兒冇得比既!!
票房已證明一切!!
stranger
“翡翠明珠”票房已證明一切!!
vega
[quote]我唔知Ryan係唔係好憎恨TVB，不過我知好多人都好憎恨TVB，TVB亦都好值得人憎恨。[/quote]
所謂“好多”，即係有幾多？！
預告ok bor, 張poster就算叫唔好，都唔係差得咁交關？
之
因為今天的邵氏已經不是50~70年代的那個電影王國.
今天的邵氏只是TVB旗下用來拍電影的一個附屬品牌.
「邵氏出品, 必屬佳片」這八個字已經不再適用…
aimar
驚嚇程度爆燈啊,
核突到無野好講!
shtmanhk
戀人絮語10月28日上映不會正面對撼抱抱俏佳人.
前度 vs 分手説愛你 重演?
Gary
球証
六嬸似乎真係想將邵氏打造番以前既盛世喎,響度狂開戲都支持電影業界…
但似乎佢真係唔知道依家電影業搞成咁,都係因為無記壟斷市場,結果搞到無電影人才…
電影業界原則上唔喜歡無記係事實黎架啦…
球証
依家邵氏同英皇真係兩兄弟…
舊邵氏Fans
唉 做乜千嬅個姿勢成個吹氣Mary o甘㗎! 林生就好似門小緊佢o甘以前邵氏出品必屬佳品 而家邵氏出品必屬膺品…
John Wo
一個有質素一個無，你點做球証?
sasa
上次嗰張已經嚇死咗, 唔知佢點解會仲係咁,難道做設計嗰個係自己人, 不到無朋友?? 定係唔得罪得,所以呢啲咁樣質素都照放,唉…無記啲劇的海外海報仲高水準過呢張…
T
Poster驚嚇程度極高，設計好隨便。都唔夠吸引人入場睇啦！
Ogaka
Ogaka
官網嗰張好好多, 靚過poster喎~唔同公司整架?
http://www.perfectweddingmovie.com
shtmanhk
10月21日也要對撼 死蠢鬥一番3D(Jackass 3D),重陽節 抱抱俏佳人 可能有優先埸
hellotvb1234
楊千嬅戴著咪高峰是因為她是wedding planner，開工既時要用咪高峰！吾好揾野黎講.
shtmanhk
比重陽節更早有優先埸,早多兩星期