當荷里活電影《哈利波特：死神的聖物1》已於全球多個地區公映，就連內地也已經熱播之，香港的發行公司仍將其電影視作聖誕檔期的電影，並將影期定於十二月十六日才開畫。從香港發行的取向，也反映了有關發行公司仍只拘泥於傳統檔期的概念。
傳統的香港旺檔，泛指的是臨近公眾假期的檔期，當中聖誕與元旦的檔期便是聖誕前一周到元旦那周為止。也許有著公眾假期的關係，旺季予人感覺票房收入較佳，因為要上班上學的觀眾均不用上班上學來去看戲。
今時今日仍想這個方向的公司，也許只看到了旺檔的一面。
現實的情況是，旺檔雖然看似吸引，可是同時卻有著大量大片來「群雄奪寶」，票房也會被分薄。在這個情況下，近年已發展到將有關的檔期向前伸廷。看看暑期的檔期，便由傳統的七、八月變成了五至八月。至於聖誕的檔期，不少地區已泛指十一月底感恩節至元旦。
回來看看《哈》片的情況，也許有關公司預期十二月十六日上映可以盡攬戲院，可是未到聖誕假期，便已有像《創戰紀》、《毛百萬》等片加入戰團，以為《哈》片可以像《阿凡達》這樣出現票房佳績，也許過於樂觀。
相比之下，若果《哈》片選擇上周開畫，雖然觀乎近日數字好像十分嚇人，但這也只是欠缺大片所致。觀乎現在的排陣，《哈》片可望有利之期相對較長，也會獲較多場次，票房隨時比於十二月十六日開畫還要佳。
當全球大檔已有伸延之時，香港電影發行商若果仍停留昔日的檔期概念，除了扼殺了觀眾可先睹為快大片之餘，也錯失良機。
fake
舉腳贊成!華納兄弟一向都係持大公司招牌,經常亂嚟排片,全個電影行內裡一直都甚有微言,不過佢哋總公司基地在香港,行家都唔敢亂出聲,俾返三分薄面.
對上一次係Inception,無啦啦突然宣佈早一個禮拜周末開賣飛優先場,完全漠視八大studio一早夾定嘅諾言 (每年暑假盡量排到一周一大片嘅安排), 令剛剛開畫嘅Salt陣腳大亂,賺少好多,聽講哥倫比亞非常不滿!
shtmanhk
inception 最早決定是 7.15 同步公映對撼 toy story 3 ,最後延期兩周不知華納是否心甘情願?
洛賢
究竟哈利仲有幾多集…
點解做極都唔完?
AhcheunG
因為佢仲未死
其中一個電影fans
唔知香港上果時外國係唔係出到DVD版GE偷拍呢
怕悶戲的人
哈利仔真係好悶，除左例牌特技之外真係連劇情都唔記得，今次仲要分上下集，真係死唔斷戲
fake
記得果時係好last moment華納先宣佈呢個決定, 好明顯係內部睇了, 信心十足, 認為不同步不會影響票房, 先出此策. 如果楂住skyline喺手, 會唔會咁呢?
另一問題當然出自班院商, 肯咁樣幫華納, 俾著片主係獨立發行商, 真係睬佢都戇. 牛唔飲水唔噤得牛頭低.
fake
記得果時係好last moment華納先宣佈呢個決定, 好明顯係內部睇了, 信心十足, 認為不同步不會影響票房, 先出此策. 如果楂住skyline喺手, 會唔會咁呢?
另一問題當然出自班院商, 肯咁樣幫華納, 俾著片主係獨立發行商, 真係睬佢都戇. 牛唔飲水唔噤得牛頭低.
Neolife
哈利波特現已開始預售. IMAX 3D場次在兩間IMAX戲院排得密密麻麻直到出年1月. 咁在23/12開畫同樣標榜IMAX 3D的”創世記”點算呢?
Neolife
創戰紀
Ben
睇番而家HP7預售既時間表，應該得MegaBox IMAX每日有兩三場
Ben
其實23號開始HP7同Tron各佔一間IMAX咪好lo
講牌面、氣勢Tron根本仲勁過HP7唔少，套戲既定位係做今年既阿凡達，分分鐘真係可以係另一套阿凡達，而且有3D，仲有得名正言順收貴D，而HP7最主要都係靠fans，票房爆發力始終唔大，都唔明UA點解咁安排，搞到IMAX既Tron咁少場，要搵啱時間去睇都有D難度=.=
以視覺效果而言，係IMAX度睇Tron比起睇HP7有意義得多，Tron 既3D特技係大銀幕睇真係會正好多，HP7其實去普通戲院睇係視覺效果方面亦都真係唔會話爭得幾多
就好似阿凡達既視覺效果好好，有D人話未入過IMAX睇過阿凡達都唔算真係睇過，呢個情況下IMAX既意義就真係會大好多，令人覺得非睇IMAX不可，咁樣IMAX先真係吸引到人入去；但如HP呢類其實唔多強調呢方面既話，反而冇咩太大誘因要入IMAX睇，最起碼唔會比到人一個真係非睇IMAX不可既感覺，唔少人都未必會選擇一張飛比……普通戲院貴幾十蚊既IMAX而效果未必好得幾多
我覺得UA既排片真係有D本末倒置，將本來最適合IMAX播既Tron搞到咁少場，浪費左個IMAX，都係奉勸UA考慮下將一D仲未有人買既場次重新分配。
shtmanhk
創戰紀 表面上太側重男性口味,對女性欠吸引力? (阿凡達起碼有一條愛情線)
HP7 坐底有一定女性或家庭觀眾始終易評估得多,香港發行及院商保守行先或許是本地宣傳或經營成本比外地高得多.
shtmanhk
説的也對,而且IMAX排期也有利.(當然這不是重點所在.)
但延期兩周對暑期A級大片始終有一定風險,尤其是作決定時北美公眾反應如何仍是未知數,加上現時PPS盛行,05年暑期華納也曾為 THE ISLAND 延期但最終反應一般.(此片也是上映前周末優先場)
以 Salt 的水準,票房和六七月 knight & day , predator ,A team 差不多也算合理.(wanted 二千萬因為勁多CG).其實 SALT 因 INCEPETION 延期有利多些,抑或在 toy story 3 及 inception 一周後上映賺更多?
shtmanhk
1.前年11月的 新鐵金剛之量子殺機 及 去年 的2012 , 充份証明11月和12月開畫沒多大分別,11月可變成另一個5月,檔期確實對荷李活大片根本不太重耍.
2012 + christmas carol 証明11月開畫對票房的負面影響不大,harry potter 最後一篇(上集)理論上根本無須延至聖誕才上映.
每年五六月都是考試期,荷李活大片票房照樣大賣,不見得大受影響,11月開畫對票房的負面影響亦不見存在.哈利波特延遲一個月開畫最大問題是令PPS/盜版 乘虛而入 或 索性北上 觀看,可能根本得不償失.
華納去年底最先決定 哈利波特最後一篇(上集)首次非暑期檔香港同步公映,無須延至聖誕才上映.但不足一個月改變初衷,原因不明.
2.除了 華納的 HARRY POTTER, 高先的兩集 Twilight 本地也是延遲一個月聖誕才開畫.明年聖誕強片極多(MI4, Tin Tin,福爾摩斯),第四集映期會否有所改變?
3.04年 shrek 2 本地首次有荷李活動畫五月尾同步公映,第二集比首集少收與全球走勢有異.往後荷李活動畫不見有五月尾同步公映,最早也是六月尾學生考試完結.
4.這是一個謎思(迷信?),Harry Potter一定要放在聖誕檔 ,取到最大的香港票房收入.
有人去年如此解說:
發行的公司把Harry Potter放在Christmas檔，票房數字就已大約及得上以前的數字，放在11月，就變成要冒險，冒這一個險會增加了多少票房呢.? 根據推測，原來亦只是會票房收入一樣，那麼這個冒險，這個行動，當然會不實行…
http://hongkongfilms.mysinablog.com/index.php?op=ViewArticle&articleId=2025481
比你誅
正在認真考慮是否去深圳看harry potter, 我住新界北, 去大劇院可能比去銅鑼灣快. 不過,萬象城的票價比香港更貴 🙁
siu yan
無錯,大片在淡季上映對票的影響不大.
123
唔係話一定要聖誕節做, 而係HP7根本無需要考慮11月同步, 因為佢根本唔怕聖誕時被分薄! 幾時上都有一定大把FANS, 反而冇需要因同步錯過大檔期, 少咗批假期先睇戲既人…雖然我覺得HP套戲勁拖, 特技都麻麻(以同級大片計), 以戲論戲, 之前每集只值千零萬
JJ
個人十分同意版主的意見,發行排片應與時並進.
成功的生意是天時,地利,人和.
地利,人和對於HP7完全無問題,但何謂天時?天時是適當的時候做適當的事.現在是互聯網全球同步資訊發達的世界,重點不是怕盜版的問題,而是電影上映時間早晚的問題.是要跟全球競爭的問題.
很簡單,香港遲了3-4星期上映,如果常去中國大陸的香港人,很容易就會想到上大陸戲院看,香港有一群居民因工作和學業的關係長居內地,這批人若想看還會等香港戲院上映時才會看嗎?大陸戲院價錢比香港戲院貴也不是問題,重點是先睹為快.雖然很難統計這批觀眾佔了香港整體觀眾有多少,但在遲了上映的日子,也會流失不少香港戲院原本可以吸納得到的觀眾.
還有,早早看,早早有話題,電影口碑也會很快流傳開去.香港觀眾很快就會知道電影好看否.對於想看與不看之間的觀眾少了新鮮感和增了攤凍感.
另外,如果昨年的2012末日預言和AVATAR同期對撼,2012的票房仍會是昨年收得的數字嗎?對於十拿九穩的大片而言,獨食始終勝於競爭.還有機會開創單日票房最高紀錄.
JJ
個人認為延遲至12月中上映才是真正的冒險.
shtmanhk
如果今年 harry potter (2D) 撼的是 avatar (3D), 反而 harry potter 有可能同步公映.
harry potter 肯延至聖誕,相信是認為今年聖誕檔的其他對手無一具威脅,而且今年華納北美聖誕正檔並沒有大片需要同步公映(去年福爾摩斯,今年 YOGI BEAR),評估過後才會有此決定.
shtmanhk
shtmanhk
保守行先或許是本地宣傳或經營成本高不容有失(或迷信?),資深如WINNIE TSANG 的高先發行 twilight 也是如此.