行政會議雖然通過了首個最低公資水平為時薪廿八元，並預計於明年五月一日起實施，不過至今仍有戲院繼續以低於時薪廿八元招聘員工，繼日前揭發旺角百老匯戲院公然以時薪廿一元貼出招聘告示，最終要將薪金隱藏後，最近又有戲院公然以低薪請人。
「講。鏟。片」情報人員日前於MCL康怡戲院所見，該戲院正在「誠聘」兼職員工，不過所謂的「誠聘」，提供的薪金只是時薪廿二元正，比起最低工資標準水平低至少兩成。
的確，不少戲院一般時薪只有廿一至廿三元，要達至廿八元的最低水平實在不易，不過到今時今日仍公然只以時廿二元「誠聘」，雖說是商業市場，不過不知大家有何感覺。大家也請猜猜日後該戲院又會否像旺角百老匯一樣，拿走了時薪的一項「遮醜」呢？
小學生
明年五月才實施最低工資，所以戲院現時以低於$28時薪請人無違規。我諗戲院方面只係想於條例實施前「慳得一蚊得一蚊」啫。
路人
對 相比起一般行業 戲院時薪相比起工作量的確不大 但是如果22蚊又賺不多 是2難 所以大部份都係學生兼職賺零用賺經驗吧 加上旺季就會人山人海 其他時間是拍烏英 22蚊還可以吧
不過我知嘉禾是23 華懋可能更高 因為不用交租 成本底很多
小明哥
冇野做都唔好做,費事做壞個市,請唔到人佢焗住都要提高人工,唔理咩工,時薪冇27,28根本唔合理!
Briend
戲院行業人工比其它服務業人工一向偏低,要求又甚高,人事管理極差,因為人工少好難請到一D好嘅管理人,只有由低進升的經理先體會下屬嘅苦況,我現只發覺AMC經理較為好,經理好體諒同事,經理永不會黑面擺款,對下屬言談有禮,也不會經常出警告信及炒人來呢打壓員工,公司培訓員工最重要,員工不是奴隸,我曾做過圓方一間大戲院,戲院女經理如女王,佢最叻就係擺出一副威嚴的面孔,經常黑口黑面對住我地.佢到職不夠一年已炒了好多個同事,亦迫走好多個同事,又經常出警告信威嚇同事,經常換人請人,呢間戲院D管理可以比喻為香港(富士康),真係好可怕,自從呢位劉女經理上任後,亂咁定D規矩要我地執行,例如要求我地每套三級片都要查閱每位客人身份証,不論任何年齡,包括老人家,都要查身份証,証明夠18歲,另我地每次都會比客人鬧,甚至用粗口問候,最近好似比人投訴太多先作出改善,戲院內有薯條售賣,但係規矩唔准觀眾帶入場內進食,又累我地比人痛罵,真係好無故,每次我地比人鬧,需要求援,佢都係扮作聽唔到,都唔出來協助,她最愛有人擁戴佢,擁戴佢嘅同事遲到同做錯事都當無事發生,佢都隻眼開隻眼閉,重可以升職加人工,真係黑暗,有好多同事都忍受不住而離職,有D同事為保住份工繼續噁忍,好多同事同觀眾亦曾經在版主的討論區投訴此人態度甚差,但呢間公司D管理層好似睇唔到聽唔到,支持佢嘅做法,仍然唔理會D員工受嘅委屈,你話我地呢班前線員工點會無怨氣呢.人工少又要比人咁樣對待.今時今日都有呢種管理方式..$22怎能夠低消咁大怨氣呀,幾多多錢都唔得啦,人係有尊嚴.
Apple Mo
唔係呀, 呢D公司重可以生存落去…
據我所知,呢間戲院由邵氏同MCL合作經營的,邵氏負責管理,如果據你所講發生這樣事情,這名女經理及管理層好有問題,你可以向有關投資者作出控訴,例如邵氏方小姐,佢絕對唔容許有人一權獨大喎,你睇無線就知啦,佢以前亦曾經管理成條邵氏院線,好有管理經驗,近來佢怕忙於電視台工作,無閒打理戲院事務,你亦可以向MCL黎小姐反應,佢亦係MCL院線老闆,佢地兩個都係好開明嘅老闆,一定會體諒D基層員工,點會郁吓就要炒人呀.緊係從中有人揸住雞毛當令箭啦
戲院人
圓方戲院經常會請人,顯示出流失率很高
其實戲院業流失率同餐飲業差唔多,因為人工太低
1年先加得1蚊,晒氣
路人乙
mani
其實唔止MCL係咁,好多間都係咁
依家好多戲院都走好多人,人又唔係好請到,人工太低係有關係