基本上，上周只是另一場「以本傷人」的遊戲。《魔盜王終極之戰》周日百幾間收四百幾百，結果開畫四天收逾二千萬，不過要追現在已收五千三萬的《蜘蛛俠３》而言，相信並不容易。
《魔盜王》始終群情不及《蜘蛛俠》般一家大細，而周潤發的演繹亦事前被一致看淡。片超長怎加票價亦無補票房。不過《蜘蛛俠３》亦見証近年大片極速「陽萎」的現象。
最令人驚喜的，反是《降頭》。
雖然是開畫第三周，而新寶線並無推出新戲，但降頭的上映戲院已縮剩八家，周日收七萬，累積過二百萬。有點像《雀聖２自摸天后》的情況，就是不經不覺有二百多萬。《降頭》坊間評價也許毀譽參半，但作為近年標準三級港片，仍值捧場。
同樣是一百三十九分鐘而沒加票價的《海猿：終極海難》，結果令《海猿》變「玩完」，最終應該難過二百萬票房。
至於跟《魔盜王》同日開畫的動畫《名偵探柯南》及田壯壯的《吳清源》齊齊做炮灰，四天收六萬。
至於配音韓片《醜女大翻身》雖有二百多萬，但首映請到韓星來，看來仍未回本。希望不會蝕得太「入肉」。
小夢
嗰日到收音機，有兩個主持人都話魔盜王好悶周先生無咩作為，叫觀眾如果唔驚眼瞓就入去戲院度睇啦。︰p
其實而家d片話有幾多千萬百萬的投資，其實大部份都只係用哂係d演員的片酬上，真正用係拍戲上實質不多。
而家既片愈係所謂的大製作，反而愈係內容不堪，倒是有些小製作用心經營，反倒是有心作品，不過也不多就是了。
大堆頭﹑多星撐係無用既，最緊要係劇本掂﹑內容好，咁至吸引到觀眾的。
愛花
有點想替魔盜王3呼冤呢,
呢集係三集之中我最鍾意嘅, 第二集變到大路得好緊要, 仲有唔少「成龍」feel 的打鬥, 其實唔係好係我杯茶. 反而, 咁大投資, 第三集佢仲敢玩嘢, 甚至有啲位竟然有「劉鎮偉」feel, 就令我有啲驚喜.
可惜好多人話悶, 甚至有人話睇唔明, 諗落都幾灰…
當然, 發哥戲短係令人幾失望, 但呢個失望都係基於大家有錯誤期望啫, 畢竟, 喺呢套戲佢只係配角嘛.
Ryan
《魔盜王》不是港片，故此不打算另題討題。
想知點睇，留意今晚影畫春秋。
發哥要做的做了，但真的少得可憐。
承啟