近年香港戲院的票價，雖引入了全球獨家首創的按片長收費的模式，過往片長逾一百五十分鐘的電影，票價較正常高出十元。不過這一套到了今年，卻變得十分模棱兩可，而片長一百三十九分鐘的電影，更是奇怪。
今年開畫的電影中，四部片長一百三十九分鐘的電影票價上便有不同待遇。五月開畫的荷里活電影《蜘蛛俠３》及下月中開幕的《哈利波特：鳳凰會的密令》便將票價提高十元。但是，片長一樣的《怪俠多羅羅》及《海猿２：終極海難》，卻沒有增加票價。當中《海猿２》更是較《蜘蛛俠３》片遲開畫。
若是說以片長作為分水嶺的話，何以四部片長一樣的電影，兩部加價，兩部又可以不加票價？是否現在票價又已經以地區區分，荷里活電影加價，日本電影不加價？若仍寫「片長關係，票價調整」，似乎難以服眾。
ryanlob
片長只是藉口, 都是大片與不是大片的分別, 好驚遲d會有一套不足兩小時都要加價…
小夢
《蜘蛛俠３》和《哈利波特：鳳凰會的密令》多人睇，就算加十元一樣大把人照入戲院睇，片商仲唔乘機掠水咩。
《怪俠多羅羅》及《海猿２：終極海難》唔好話加價，就算係原價都未必有人會有興趣入戲院睇啦，仲加價咩？
片長係藉口，片種和受歡迎程度才是真正原因。
Ryan
ryanlob: 看來是明屈居多了。
Ryan
小夢：但大家覺得呢種收費方法有無問題？
DMH
小小更正:片長為118分鐘.
DMH
更正的更正:《海猿：終極海難》片長為118分鐘.
Ryan
DMH: 多謝指正，幾乎俾條院線老點了
肥力
不如咁問：呢隻定價方式似乎發生o係一o的英語「大片」度，會係發行商想咁玩o丫，院線想咁玩o丫，定係兩家（以至多家）同意一齊咁玩，齊齊賺多筆？
如果係發行商主動要求，或者各院線一致加價，入場觀眾o係首輪期只得夾硬畀多少少，因為正版首輪片o既壟斷性質好重，往往只有一間發行商，佢可以決定畀你定唔畀你，而院線聯手亦令觀眾無得避。觀眾無錯可以睇第二部片，但係未必完全替代到睇第一部片o既樂趣囉。
Ryan
肥力：現在加票價是發行商要求的。不依隨的發公司只屬極少數。
肥力
睇怕呢個係發行商做獨市下o既駛盡行為。佢獨家發行，你而家唔睇部片又未必有翻版，一係等，一係就焗住畀貴價入戲院睇。更何況，真係入戲院睇o既話，而家往往得首輪期（通常一星期至兩三個月），「長片特別票價可能由上畫去到落畫，賺盡。
米奇
我認為應該有「可加可減」的票價機制，好片咪收貴一點咯，先排我都寫過呢個題目．
http://lau_wan_ching.mysinablog.com/index.php?op=ViewArticle&articleId=568752
Ryan
肥力：影碟同上映期相距太近，令二輪戲沒存在價值及市場了。
Ryan
米奇：問題來了，何謂「好片」？這類觀眾很不客觀，但用在非常客觀的標準上，是十分危險。
其實個問題源頭不在於大片與否或片長，源頭是票價因為不夠維持成本。相信當基本票價調整後，問題會有所改善。