「講。鏟。片」除了講戲,還會講其他相關東西。今天趁周五下午時段,就來跟大家探討一個問題,就是戲院的行為。
也許很多朋友都減少入戲院。戲院不好坐或是票價貴也許是原因之一,不過亦有不少朋友不喜歡入戲院看戲的感覺。
其實看戲的感覺不好,可能跟戲院本身的先天不足有關,不過同樣可能相關的,就是很多觀眾在戲院有一些令人反感甚至滋擾的行為,例如在戲院內使用手提電話高聲談話之類。亦有一些雖然不是有意的行為,也會影響觀影的興致,例如片中不停地有嬰兒大喊等。
大家又覺得看戲的過程中,甚麼才是最令大家痛苦的酷刑?
Real Cheung
坐後面的觀眾踢前面觀眾座位,勁討厭 !!!
阿仔
有人每十五分鐘大聲講粗口一輪!
簡直想死…
Alex
最討厭一: 一定要聽電話同埋邊睇戲邊講野, 無公德
最討厭二: 觀眾遲到入場, 一入場一來阻住睇主片, 仲阻住睇預告.
最討厭三: 都係後面既觀眾頂住自己坐緊張凳.
★KuRuMi★
最詩厭d人打手提同埋大聲講嘢,都唔識尊重個場合,適當時候做適當的事。
歴蘇
MK戲院最嚴重…
shadowzo
有些超迷你戲院,坐位逼,我比較阻地方,坐了下去真係動彈不能,兼要比前面眼超超,以為我特登頂佢個背..
Ben
電話響+大聲講電話/傾計
踢椅背
眾本無相
(1) 依依哦哦討論劇情
經典回憶: Titanic, 沈船時放求生煙花. 院內某大叔突然嗌: “嘩~~有無攪錯, 呢個時候仲放煙火?!”
….乜 mood 都無哂
(2)不受控制的小朋友, 全場大呼小叫. 同佢地既家長好多時都係一樣失控/缺德, 全場不停叫 “阿B, 你睇下, 隻船幾大隻” “嘩你睇下…” 痛苦 x2
(3) 戲院座位設計問題: 前面d人遮住你. 如果前面o個個坐唔定, 恭喜你, 你要跟佢一齊郁. 睇場戲, 會以為去左跳舞.
(4) 坐你隔離三唔識七o個個三日無食過野: 全場不停咁食, 打開紙袋聲, 開薯片聲, 咀嚼聲…
(5) 又係隔離鄰舍 : “男人味”濃郁.
(6) 想去廁所, 但係又無得pause. 坐得入的話又唔想迫出去, 因為阻住其他人睇. 所以但凡3個鐘的戲都會認真考慮入唔入戲院睇.
歐十十
最討厭是背後的仆街情侶在討論劇情:男:「跟住主角會…」女:「咁點算…」喂,討論就回家吧,阻住其他人睇戲!
咖啡之心
除了講電話外,有些人更會自言自語…
有時一大班學生又會好吵,他們會不停傾計,好像十年沒有說話一樣.
Vond
曾試過睇戲時後邊對母子(age 5左右)不停出入廁所,好阻住睇戲。
第二係d人食野jep jep聲,好煩。有時d人又成日低音地依依哦哦,好煩。
第三,好憎戲院冷氣涷到死,都唔知點解成日都要咁涷!
噢 ~ Baby!!
No.1:電話響,接聽再 “懶” 細聲話睇緊戲 / 重揸住個電話係咁講;
No.2:坐後面果D缺德人兄用腳頂住自己張櫈;
No.3:食嘢食出聲 / (係戲院以外買咗嘢食)係咁整D膠袋聲;
No.4:戲院D冷氣凍到死;
No.5:睇睇下戲,D人係你面前又行出行入。
joe
試過同場有個傻佬,
無啦啦係度傻笑,又無啦啦拍手,
無啦啦講野,成場無停過,
果陣我仲要睇緊娛樂大享….
好心傻ge就唔好帶佢入戲院啦
celticshk
試過有次隔離兩個o靚妹食完包薯片,將個薯片袋丟過黎我度
完全唔覺得隔離係有人咁
之後仲要 sorry 都冇句…
寶連
至憎d人遲入場..
anonymous
少行座位,銀幕又大,轉2.35:1 ratio時screen mask向上移,攪到頭向上”ngok”,唉……
貓空子
最討厭排名:
1. 煲煙(而家應該冇啦)-密閉空間煲煙真係好自私.
2. 講手機
3. bb仔喊-我都知好難控制架啦,但點解一定要帶個bb入來睇戲呢?
4. 踢椅背
5. 前面的人郁身郁勢
Ohnus
我都好憎d坐o係我後面d人用腳或膝頭頂住我張椅
我可以教大家一個方法,如果佢踢你,你就企o係身睇戲,阻住成個screen,攬住一齊冇哂mood咁睇戲
本人亦試過在UA 朗豪坊睇 (韓片),成場得小貓三四隻,但我後面o個行就有對狗男女嘈住哂。我只係”o殊”左一聲,個男o既就好暴力咁踢哂椅望住我o黎鬧。我真係驚到要差d報警。
所以,我真係好憎o係MK呢d龍蛇混雜o既地方睇戲,十個有八個都係黑人憎o既人