在不少地方,票房數字紀錄方法可謂五花八門。部份地區有超過一家機構發佈票房消息,例如韓國。部份地區,則先進的電腦設備,可以在極短時間提供票房數字。
然而,香港環境特殊,至今也只得影協一家提供票房。到底何以會這樣?
雖然香港是一個先進的城市,但在票房發佈方面卻毫不先進。首先,香港戲院仍有不少以人手劃票,該等戲院的票房數字需人手報數。不過,即使是已使用電腦售票的院線,也不一定會跟影協聯機直接提供票房。
事實上,影協採用的票房報數方法,仍是以電話為主,每天在不同時段致電各戲院,以口述方法報讀戲院場次的票房數字等資料。人手報讀不只費時失事,而且很易出現錯漏。而影協的票房報表,也有傳聞曾有錯漏,但如果更正就不得言之。人手報數,亦一個結果是令票房數字製作成本暴升。
廿一世紀甚麼都講求快而準,但似乎香港在票房通報方面,仿如停留在七、八十年代般落後,與全球趨劫背道而馳。
Ryan
eddixendersson: 影協一日先至出一次,想快都難。至於「篤數」,現時各院商或片商的粉飾櫥窗已不靠這套,因為可選更有「體面」的方法。
其實聯網最大好處,係令票房報數更方法,長遠而言,倘若配合系統,票房訂戶理應可更快得到各地情況。
Ryan
eddixendersson: 該連結是貿發局,跟影協無關。不過貿發局登影協會周票房,理論上也要付費的。
Ryan
eddixendersson: 倒覺得倘若可以聯網的話,也會是好事。
Ben
乜咁原始….
ryanlob
起… 咁先可以漏個位比d人篤篤嘛…
Nic
估唔到香港會咁落後呀…
Q
MPIA 教人又愛又恨的原因,始終得一個:得佢肯做/可以做中間人,無法。
不過不大明白:「香港戲院仍有不少以人手劃票,該等戲院的票房數字需人手報數…」例如?
「自動」更改,除了因為當局或者戲院報數時有錯漏之外,跨日(通常22:30過後的場次)亦為其中一個因素之一。
初來報到,祈希指正。
Ryan
Ben: 沒有到過影協的朋友,應該無法相信咁既情況。
Ryan
ryanlob: 任何方法都有機會篤,但咁就大鑊少少。
Ryan
Nic: 人手高企,令到票價數字十分「矜貴」。
Ryan
Q:多謝指正,請你多多光臨。
說回MPIA,其實院商也有責任。倘若建立統一系統的話,就不會出現難以計數的問題。
至於2230截數時間,亦的確存在。不然的話,華懋播至深夜場,影協員工無四點都唔駛放工都得了。
eddixendersson
其實除0左影協會問數之外 , 好多發行公司都會自己再打電話問…一來影協又慢唔可靠…二來發行公司可即刻計數報比老闆或者即刻要求戲院改變之後放映場次…..所以聯網作用其實唔大….另外而家d 放映時間亂七八糟 , 影協十點半截數支歌仔都無得唱啦…. 例如戲院尾場十點九 , 戲院起碼十一點先收票房 , 重要對番全日條數先 , 攪得黎都十一點三四先有數比影協….
另外 , 片商要篤篤只要打個電話 , 戲院一樣可以係電腦座位表狂掃 , 聯網唔聯網其實無分別 .
不過我肯定打電話問數比聯網平 , 以前做戲院既時候影協負責問數既人兄不出二三人 , 重係輪更一人一兩日 , 唔使得幾多錢 . 聯網肯定大工程 , 條條院線又行唔同system , 手寫票戲院又點算 ? 無理由而家先upgrade …重有聯網個server同networking 絛數又邊個俾 ?
eddixendersson
oh sorry , 漏左條link :
唔知影協係咪併入呢度呢 ?
http://www.hkfilmart.com/weeklyboxoffice.asp?lang=cn
eddixendersson
明白明白 !