近年香港經濟雖似看好,不過在百物騰貴的情況下,並不是人人也有薪金上調。不少團體關注在快餐店的店務員人工時,又有多少人關心戲院職員的人工。
近年戲院的工種已再沒有售票員或帶位員之分,統一為「事務員」或「院務員」。不過,大家其實有沒有想過這類職員的人工到底有多少?
上圖所見,是某院線集團聘語兼職院務員,但要求卻有點奇怪。中三程度,但又不一定要懂英語,幕非已預期該戲院不會有外藉觀眾前來購票?
另一個奇怪的地方,就是「有晉升機會」。既然是兼職的員工,試問有何晉升機會?還是整家戲院甚麼也是兼職,包括負責人?
最後,看看其薪金,時薪是二十至廿三元!相信這個人工,也許比起M記高了一點,可是一小時的人工,也許未必足夠到戲院購買爆谷一杯。以每月四天假期,每天工作八小時計,月薪最多是$4,784!看來這些事務員的工作,薪酬跟大廈保安差不多了。
這樣的薪酬,看來在現在的形勢難以找人,恐怕上圖的通告也要長期張貼。
大腦電波
這種職位的薪金和七十一相差無幾,但香港仍有很多中年低學歷失業人士,呢類工種仍然有很多人做。
aulina
都唔好話,會有幾多人做下架。特別呢期開始經濟好返少少,以前符碌中三都做緊大公司小領導而家四十幾歲完全唔掂果類,一個唔覺意冇得撈都不失為唔使領綜援嘅好工。
aulina
哦,忘了說,$20 – $23對低學歷嚟講唔低架喇!起碼呢份係冷氣工。有次見qq飯糰登告示請人,都係$21左右。
Nic
讀中學o個陣,都有些同學仔在戲院做兼職,其實這些兼職對於在學人士都算唔錯呀..
唔需要高學歷,而且工作量又唔算辛苦..
帶位o個陣仲可以睇下戲添~~
Ryan
大腦:的確,這類工種仍有市場,不過看來很多都要求較年青的,似乎未必可以選配到了。
Ryan
aulina: 的確係咁,但兼職的話,似乎真的無乜保障,少得連MPF都未必要供。
Ryan
aulina: 嘩,飯糰都只係廿一元時薪….
Ryan
Nic: 而家沒這麼幸運了。
一般戲院都幾個House,做完一院做二院,做齊跟住都要去爆下爆谷之類。
歴蘇
嘩, 揾食艱難呀… 四千幾, 點頂?
poonwinghang
我十年前做又係$21
宜家呢… 都係$21
rice
時薪21-23,只是比綜援好一點點
做得咁辛苦都未必兩餐溫飽….
Ryan
歷蘇: 那些是兼職來的, 全職咁計真的難搵食.
Ryan
hang: 介不介意講是在哪間戲院工作呢? 🙂
Ryan
rice: 這已是香港社會的結構性問題了.
★KuRuMi★
是兼職不是全職吖,而家好多人全職都係得7千8千咋,兼職有這人工差不多了,很多都是學生哥兼職,他們有此人工也差不多了,而且他們很多為賺取工作經驗。
Ryan
KuRuMi: 現在的情況,不知大學生會否仍炒股而不在戲院知事務員了。
★KuRuMi★
哈哈,而家d大學生基本上個個都走咗去炒股,務實d咪走去幫人補習囉,大學生唔會再做嚟d兼職架啦,中七都唔做,只有中五生先會做。
Ryan
KuRuMi: 中五生都只係一些些吧!
★KuRuMi★
咁又係吖,嚟d要輪班,唔係人人都受。而家補習大行其道,再加上又太多兼職的機會了,所以除非找不到更好的,不然不會希罕這份。
歴蘇
有時可能冇choice呢?! 如果係Summer job都算ok啦。
Ryan
KuRuMi: 反而這類戲院或想打中年人的就業市場
Ryan
歷蘇: 以前係, 現在真係一腳踢