正當洲立發行Disney與Pixar合作的《五星級大鼠》連續兩星期成熟票房冠軍，收得盤滿砵滿之時，另一部同公司發行的Disney電影《魔法小葫蘆》上映在即。然而，單看海報宣傳及預告，相信大家入場意慾已心中有數。
奈何，發行公司如何為此不用過於「蝕本」或票房上太難看呢？結果想出一招來！
這一招，叫做「拉上補下」。大家可以拿著《五星級大鼠》票尾去看《魔法小葫蘆》，票房減十五大元。五十五元一票變成四十元，希望可以「吸引」觀眾去看迪士尼出品的另一部電影。不過，由於涉及戲院拆賬問題，故此優惠只在洲下旗下的ＪＰ銅鑼灣及機場４Ｄ兩家戲院實行。
然而，這些「小恩小惠」，對於觀眾入場意慾，影響十分有限。
發行公司可能因為要買正片搭「豬頭骨」，但觀眾卻有得選擇每部電影看或不看。提供優惠，根本無助票房。極其量，只為那些使用優惠的人士令票房稍好看而已。
不知各位看過《五星級大鼠》的朋友，會否嘗試享用這個「優惠」呢？
Alex
看來洲立對此片信心很低…. 還要全線只上粵語配音版, 不上映原裝國語版呢?
不過見到女主角… 同埋果隻野, 有無數碼我都唔會去睇啦…. 問心果句~~~
★KuRuMi★
40蚊，但係要計埋車資呢，加上電影本身又不是十分吸引，所以我諗會睇既人有限。
Q
好鍾意你用「豬頭骨」來形容個個狀況。
睇還睇，但一定唔會貪個雞水錢去睇。
VinVin
我都未必會睇, 始終個故事character好大陸feel…
順帶一提, 我都有去JP睇個數碼版五星級大鼠, 效果十分好, 值得捧場..
Alex
豬頭骨 呢樣野都唔止一次發生, 當然, 亦有試過豬頭骨係比買果部片收得勁好多~~~
尤以當年買搭, 既票房真係少到… 但反觀豬頭骨就大收~~~ 基本上係少之有少既例子.
Alex
更正: 係買 不夜城 搭 午夜凶鈴, 不夜城 票房少到… 反 午夜凶鈴 則大收…
歐十十
我相信這就是如你所說，買套好野，食幾套垃圾；《魔法小葫蘆》死路一條，上幾日落畫出VCD算吧！
OLY
好多同事睇左”小葫蘆”都覺得唔錯，不過，當然適合小朋友多啲，小學生最啱!
Ryan
Alex: 上國語版便不能「享受」劉青雲的配音了。 😛
至於女主角，大可先看《女人.本色》。
Ryan
屯門的巴倫紐米有選映，相信屯門區居民即使要看也不用這個優惠了。
Ryan
Q: 不過有時都要睇埋票房先知，但咁宣傳法似乎打定輸數囉
Ryan
VinVin: 內地動畫的水平，似乎難以吸引香港觀眾。但至少不會到《藍貓》的下限吧!
Ryan
Alex: 基本上叫得「豬頭骨」，也要看條款，沒規定一定上戲院，發行商會選擇直出碟。
Ryan
Alex: 已日後於「講。鏟。片」提過了，大家也可翻查一下。
Ryan
十十兄：現在也只排十多間戲院，信心可想言之。
Ryan
OLY: 咁即係教育電視水平? >.OLY :
好多同事睇左”小葫蘆”都覺得唔錯，不過，當然適合小朋友多啲，小學生最啱!
河馬仔
呢套真係好唔吸引下,特別話係一個港式DISNEY戲………….
★KuRuMi★
嚟套其實唔係動畫咩？點解又會有梁和劉兩人在裡面演角色既？？
Ryan
河馬仔：港式迪士尼，等於細雞兼無野睇？ 😛
Ryan
KuRuMi: 係真人加動畫人物，梁詠琪真人演出，而劉青雲只是配音。
歴蘇
港式… 亦可能係指當年「方中信, 大島由加利, 胡慧中, 及李賽鳳」系列嘅猛片呢?? (想死…)
★KuRuMi★
真人？又有動畫？咁點拍架？可以mix埋一齊？
Ryan
歷蘇：想懷舊一下，不如拿隻《黃金惡夢》來，包保發噩夢。:P
Ryan
KuRuMi: 咁西片《夢城兔福星》同《太空也入樽》點拍？
★KuRuMi★
恕我孤陋寡聞，兩套我都無睇過，第一套更沒聽過喎。︰(
Ryan
KuRuMi: 即時去看好了。
★董小玥★
無咩興趣喎，出咗碟我連租碟都無MOOD囉嚟套嘢。︰(
Ryan
董小玥：以十分童真的市場，相信吸引力較《美麗酒吧》更低。