講戲、鏟戲、片戲

電影節薄待王晶?

香港電影評學會將於明晚舉行座談會,出席嘉賓便是被不少影評人低估了的王晶。其實姑勿論王晶的電影如何計算,但不能否認的,是他對香港電影市場作出了一定的貢獻。

王晶被低估的情況,不限於電影評論界,還有電影節。

某程度,電影節會跟影評人掛釣,於是王晶電影即使曾有如《賭神》或《龍在邊緣》的作品,一般影評人對王晶的印象還是他製作得較多的通俗電影,甚少放他於眼內。結果,王晶真的被邀請的,只得數年前的意大利烏甸尼斯遠東電影節。

那年該電影節邀請王晶,原來有一個頗有趣的故事。

當年該電影節主席問相關的顧問團,要選一名香港電影人作專題,就是在王晶與梁朝偉中取捨。結果,該電影節出乎意外地捨梁朝偉而取王晶。而當年王晶亦獲邀前往意大利出席影展,並在討論會中與觀眾交流。

聞說當年選擇王晶,主要原因是對他於香港電影市場的地位作出肯定。而且,過往的電影節,亦沒有將王晶放在考慮之列。

不過,繼烏甸尼斯後,近年亦不見有甚麼影展曾以王晶作專題。不知哪個電影節下回會有這樣的膽識和勇氣去選擇這類被低估的電影製作人了。

Previous

郭富城新片《C+偵探》九月底開畫

Next

Blog Day 2007:推薦與被推薦

32 Comments

  1. Nic

    王晶,他的作品雖然被人批評的多,但他對香港電影史上真是作了很多貢獻…
    別人不開拍的片種,由佢來開…
    其實佢所製作的電視及電影,有某部份作品是蠻不錯的..

  2. ryanlob

    雖然質素不穩定, 但敢於創新題材亦應該一讚… 另外, 他提攜幕前幕後新人亦貢獻很多…

  3. 可能經你講完之後, 08年的HKIFF的焦點導演就係王晶. 😛

  4. 七城

    邱禮濤做了,晶哥還會遠嗎?

  5. Nic :
    王晶,他的作品雖然被人批評的多,但他對香港電影史上真是作了很多貢獻…別人不開拍的片種,由佢來開…其實佢所製作的電視及電影,有某部份作品是蠻不錯的..

    —同意,他拍既電視電影質素唔錯,至少比無記既好…可惜佢既電視電影就只係亞記度播,冇辦法..

  6. 佢套小魚兒與花無缺和八大豪俠都叫好?大大浪費了好演員。

  7. Nic: 坦白說,早幾年沒有王晶的話,香港電影也許已經「玩完」。

    Nic :
    王晶,他的作品雖然被人批評的多,但他對香港電影史上真是作了很多貢獻…
    別人不開拍的片種,由佢來開…
    其實佢所製作的電視及電影,有某部份作品是蠻不錯的..

  8. ryanlob: 王晶旗下的幕後新人不少,導演有鄭偉文、林慶隆、麥子善、梁宏發、張敏。日後真的可以詳談。

    ryanlob :
    雖然質素不穩定, 但敢於創新題材亦應該一讚… 另外, 他提攜幕前幕後新人亦貢獻很多…

  9. 大腦:要做王晶專題,其實對那些要揀片的人是很痛苦的。

    大腦電波 :
    可能經你講完之後, 08年的HKIFF的焦點導演就係王晶. 😛

  10. 七城:王晶的電影數目遠較邱禮濤為多,要怎樣做已經是問題一個。

    七城 :
    邱禮濤做了,晶哥還會遠嗎?

  11. 祁佳仕:當年的《縱橫四海》,其實收視不算差的。

    祁佳仕 :
    —同意,他拍既電視電影質素唔錯,至少比無記既好…可惜佢既電視電影就只係亞記度播,冇辦法..

  12. 董小玥:那些,有時真難估,是否真的操刀者問題?

    ★董小玥★ :
    佢套小魚兒與花無缺和八大豪俠都叫好?大大浪費了好演員。

  13. ★董小玥★ :
    佢套小魚兒與花無缺和八大豪俠都叫好?大大浪費了好演員。

    除了Ryan所講既縱橫四海,其實去年既”慾火鳳凰”都拍得唔錯架…

  14. 祁佳仕 :
    ★董小玥★ :佢套小魚兒與花無缺和八大豪俠都叫好?大大浪費了好演員。

    除了Ryan所講既縱橫四海,其實去年既”慾火鳳凰”都拍得唔錯架…

    佢係偶有佳作既,縱橫四海係good,仲有情陷夜中環1和2,慾火鳳凰都ok,美麗傳說1和2,義無反顧(嚟套都係王晶的吧?唔係好記得)都不錯,大家有無發現王晶的時裝劇好看過古裝或民初劇?應該係話佢既正經劇好看過搞笑劇?

  15. 而家播緊嗰套盜海豪情(原名A計劃)都麻麻地好睇咋。

    佢都係走正經路線好D。

  16. 祁佳仕:還是《浴火鳳凰》?《慾火鳳凰》好像兒童不宜喎 😛

    祁佳仕 :
    ★董小玥★ :
    佢套小魚兒與花無缺和八大豪俠都叫好?大大浪費了好演員。
    除了Ryan所講既縱橫四海,其實去年既”慾火鳳凰”都拍得唔錯架…

  17. 董小玥:王晶畢竟觸覺較強,拍時裝效果較佳。

    ★董小玥★ :
    佢係偶有佳作既,縱橫四海係good,仲有情陷夜中環1和2,慾火鳳凰都ok,美麗傳說1和2,義無反顧(嚟套都係王晶的吧?唔係好記得)都不錯,大家有無發現王晶的時裝劇好看過古裝或民初劇?應該係話佢既正經劇好看過搞笑劇?

  18. 董小玥:總覺得是否張衞徤已用殘了。

    ★董小玥★ :
    而家播緊嗰套盜海豪情(原名A計劃)都麻麻地好睇咋。
    佢都係走正經路線好D。

  19. Ryan :
    董小玥:總覺得是否張衞徤已用殘了。
    ★董小玥★ :而家播緊嗰套盜海豪情(原名A計劃)都麻麻地好睇咋。佢都係走正經路線好D。

    就係,唔該佢唔好成日同dicky合作啦,好煩,係因為佢哋同一間公司的原因就要成日用dicky嗎?真係好煩,仲有譚耀文,唔該唔好成日用佢啦,講起佢就記得自己漏咗講近期佢套雪山飛狐,救命,有夠爛的,佢都係拍多d時裝劇好過了。

    Ryan :
    祁佳仕:還是《浴火鳳凰》?《慾火鳳凰》好像兒童不宜喎 😛
    祁佳仕 :★董小玥★ :佢套小魚兒與花無缺和八大豪俠都叫好?大大浪費了好演員。除了Ryan所講既縱橫四海,其實去年既”慾火鳳凰”都拍得唔錯架…

    哈哈,係浴火鳳凰,唔怪得我打嗰時都覺得怪怪地。︰p

  20. 王晶聰明,直接,唔扮野少廢話
    最重要係幫老闆搵到食

    不招人妒是庸才呀

  21. Nic

    Till La Ma :
    王晶聰明,直接,唔扮野少廢話最重要係幫老闆搵到食
    不招人妒是庸才呀

    同意,以港人口味為先呀…
    而不是深究電影的藝術或欣賞性,所以佢未曾拎過導演獎…

  22. ★董小玥★ :
    Ryan :董小玥:總覺得是否張衞徤已用殘了。★董小玥★ :而家播緊嗰套盜海豪情(原名A計劃)都麻麻地好睇咋。佢都係走正經路線好D。

    就係,唔該佢唔好成日同dicky合作啦,好煩,係因為佢哋同一間公司的原因就要成日用dicky嗎?真係好煩,仲有譚耀文,唔該唔好成日用佢啦,講起佢就記得自己漏咗講近期佢套雪山飛狐,救命,有夠爛的,佢都係拍多d時裝劇好過了。
    Ryan :祁佳仕:還是《浴火鳳凰》?《慾火鳳凰》好像兒童不宜喎 :P祁佳仕 :★董小玥★ :佢套小魚兒與花無缺和八大豪俠都叫好?大大浪費了好演員。除了Ryan所講既縱橫四海,其實去年既”慾火鳳凰”都拍得唔錯架…

    哈哈,係浴火鳳凰,唔怪得我打嗰時都覺得怪怪地。︰p

    —哈哈哈哈,呢個同我個腦裝咩有關….sorly sorly ^^”

  23. 董小玥 : 佢拍古裝是否為迎合國內市場既原因呢 ?
    另, 我覺得其實譚耀文做戲做得唔錯既…至於張偉健既問題,我想,係因為佢依然要做一d年輕角色既問題…但佢其實又好似唔細..

  24. 祁佳仕 :
    董小玥 : 佢拍古裝是否為迎合國內市場既原因呢 ?另, 我覺得其實譚耀文做戲做得唔錯既…至於張偉健既問題,我想,係因為佢依然要做一d年輕角色既問題…但佢其實又好似唔細..

    n年前的小寶與康熙已是譚和d兩個人,n年後又是他倆,其實真的很厭。

    國內已開始減產古裝劇好耐,所以我估應該唔關事卦。

  25. 留這個言係因為剛剛睇緊金紫荊派獎典禮,成晚派獎嘉賓既表現實在強差人意,唯一係王晶既一句最好笑,就係”咁仲係唔係寰亞果個瘦佬同歡姐果個職員上黎攞獎唧..?”…哈哈….成晚有八成既獎都係果兩位人士代為領獎…

    ps : 我覺得出埃及記係借呢個典禮做宣傳..

  26. 董小玥:有時也許自己也未必可以控制吧

    ★董小玥★ :
    就係,唔該佢唔好成日同dicky合作啦,好煩,係因為佢哋同一間公司的原因就要成日用dicky嗎?真係好煩,仲有譚耀文,唔該唔好成日用佢啦,講起佢就記得自己漏咗講近期佢套雪山飛狐,救命,有夠爛的,佢都係拍多d時裝劇好過了。

    哈哈,係浴火鳳凰,唔怪得我打嗰時都覺得怪怪地。︰p

  27. Till La Ma: 王晶的文學根底,其實為他度笑料時可調至合適程度,十分重要。

    一直覺得王晶被業界低估或定型化,有點不值。

    Till La Ma :
    王晶聰明,直接,唔扮野少廢話最重要係幫老闆搵到食
    不招人妒是庸才呀

  28. Nic: 我想王晶是有能力拍拎獎的電影,只是他有自己的堅持而已。

    Nic :
    同意,以港人口味為先呀…而不是深究電影的藝術或欣賞性,所以佢未曾拎過導演獎…

  29. 祁佳仕:倘若那部電影真的存在,你無否有興趣呢? 😛

    祁佳仕 :
    —哈哈哈哈,呢個同我個腦裝咩有關….sorly sorly ^^”

  30. 祁佳仕:張衛健年紀已不少,只是長相看不出吧!

    祁佳仕 :
    董小玥 : 佢拍古裝是否為迎合國內市場既原因呢 ?另, 我覺得其實譚耀文做戲做得唔錯既…至於張偉健既問題,我想,係因為佢依然要做一d年輕角色既問題…但佢其實又好似唔細..

  31. 董小再:我想現在觀眾看慣了古裝後,想看時裝來點新鮮感吧!

    ★董小玥★ :
    n年前的小寶與康熙已是譚和d兩個人,n年後又是他倆,其實真的很厭。
    國內已開始減產古裝劇好耐,所以我估應該唔關事卦。

  32. 祁佳仕:王晶的一句十分精警。完全將整個頒獎禮打一巴。

    祁佳仕 :
    留這個言係因為剛剛睇緊金紫荊派獎典禮,成晚派獎嘉賓既表現實在強差人意,唯一係王晶既一句最好笑,就係”咁仲係唔係寰亞果個瘦佬同歡姐果個職員上黎攞獎唧..?”…哈哈….成晚有八成既獎都係果兩位人士代為領獎…
    ps : 我覺得出埃及記係借呢個典禮做宣傳..

發佈留言

發佈留言必須填寫的電子郵件地址不會公開。 必填欄位標示為 *