由杜琪峰及韋家輝再次合導的《神探》將於下周開畫。而電影的宣傳，跟同日開畫的《塚愛》反有著不同的宣傳策略。《神探》除了一般戲院所見以英文為主配上中文字幕的預告片及於雜誌《Milk》送贈紀念品外，還有以上那個宣傳！
請別誤會，上圖所見，並且是戲院盜錄，而是在某戲院外大型屏幕所見！先來的，就是上子彈的場面。
跟著看到劉青雲出場。
再看，林家棟也出場了。
兩隻大字，寫著「狡猾」，形容的是指林家棟？
再來林雪戴帽著神探款式乾濕褸。
再來大字，寫著「恐懼」，還好沒有配上「元素」兩字成為大爛片。
開槍場面一個。
再來「狡猾」，難度真的要開始重覆？
場面繼續維時數秒。
跟著又來兩字「心計」，不過不要誤會，那不是為麥迪文與祖迪羅的電影宣傳。
跟著畫面再轉到另一個人。
鏡頭一轉，又有一個槍戰。
原來，那一場叫做「兇殘」。
兩人碰頭，右下角也出了電影級別是三級來！
杜琪峰式數人行行企企來！
帶出主題，就是「誰是真兇」？
跟著便有片名出來了。
最後，當然要打出開畫日期。
Ryan
yoyo: 係, 更正了。
Ryan
tinue: 係林雪來的，原文打的時侯呆得太緊要了。
Ryan
Don Quijote: 感謝對電影的解說，這個宣傳片看起來的確不易理解。
Ryan
靚靚: 劉青雲有時也可下限得緊要，稍後真的要介紹 下該等作品了。
Ryan
Paul: 藝人回想過去，總會有曾接拍爛片的時候，只是肯不肯去承認而已。
劉青雲倘若覺得沒有的話，相信各位不妨留言談談看過的劉青雲爛作好了。
Ryan
shtmanhk: 劉青雲近年電影票房不濟，其他演員也未到有星味，賣導演兩人，也可能是電影最重要的賣點而已。
Ryan
文少：有所不知了，逢農曆年果陣，影碟店往往會在電視播《嚦咕嚦咕新年財》，因為該片在銷情十分不俗。
Ryan
文少：更爛的還有，稍後會專題介紹。不過《大三元》已夠經典了。
大家又怎看《山雞變鳳凰》？
Ryan
Paul: 不知兩人會否不願提起這部電影呢？其實《金玉滿堂》部份情節不算難看，不過到了《大三元》，真的很爛。
Ryan
ashita no joe: 高志森的，後期爛得很。不過恐怕不及《運財智叻星》吧!
Ryan
MC: 面對逆境, 的確是《嚦咕嚦咕新年財》主題。其實未必很上乘,但至少夠熱鬧。
Ryan
文少：黃秋生的演出向來飄忽，日後將介紹更頹表現電影。
Ryan
文少：徐克拍笑片或賀歲片一向唔多掂，可能只是某些原因頂住。
Ryan
文少：也許你看完更爛的《雀聖3自摸三百番》後，就會覺得《雀聖2自摸天后》而不算太爛了。
Ryan
文少：《打雀英雄傳》已被喻為去年的經典電影了。
yoyo
乾濕褸果個好似係林雪~
tinue
我也觉得是林雪~
Fat boy slim
林雪雪雪雪雪…
Don Quijote
那些”性格大字”, 不是場景名稱, 而是那個角色扮演的分身的性格…
林雪, 張兆輝, 劉錦玲等, 是扮演林家棟不同性格出來的陰暗面, 總共七個… 數人行行企企那場就應該是所有性格”曬冷”的場面
這段片, 應該是杜韋二人解畫的宣傳片; 這應該是二人合作最難明白的影片
靚靚
杜氏和青雲,
應該好睇播…
希望唔好太多家棟,
希望青雲記得自己唔係Mr Bean…
Paul
“喜馬拉亞星”上映後, 有人問劉青雲他的接戲質素, 劉青雲反駁表示由他演出的全部電影中, 沒有一套是爛片.
其實吳鎮宇, 黃秋生也被問過類似問題. 吳鎮宇表示他有在爛片中參演, 但從未演過爛角色. 黃秋生則表示接爛片為搵食.
btw, 我個人覺得”神探”絕不是杜韋合作最難明白的影片; 起碼比”大隻佬”易明得多了.
shtmanhk
電視廣告劉青雲的名字從未提過或顯示過,只有提及是杜韋二人作品,在香港只賣導演名,得佢地咁夠胆
文少
題外話﹐其實杜生都拍過唔少爛作﹐例如嚦咕嚦咕新年財﹐就真係睇到人反晒艇…
文少
講起”嚦咕嚦咕新年財”﹐劉青雲係入面真係做得太”好”﹐當然佢拍D垃圾片仲有”大三元”同埋”寶貝炸彈”…當然﹐呢個只係個人意見﹐我唔排除有人覺得呢三套片好睇…
Paul
《大三元》有強勁的幕後拍檔組合 :徐克導演+杜可風攝影. 可算難得 :p
ashita no joe
《嚦咕嚦咕新年財》也不算爛吧,以賀歲片來算,相比起高志x以往所的拍賀片
MC
嚦咕嚦咕新年財點會係爛片呀?套戲有紋有路,
最難忘係講點打逆境牌…
文少
未睇過”山雞變鳳凰”﹐但係睇過”寶貝炸彈”﹐仲係去百樂睇(已執)﹐成套戲係垃圾版Speed﹐黃秋生表現亦頹到嘔…不過其實黃秋生以前拍親D片都係廢廢地﹐唔係扮痴線﹐就係扮奸角…
文少
咁先離譜﹐強勁幕後但劇情垃圾﹐拍得住徐克爆笑代表作﹕“東方不敗之風雲再起”…果句”你有科學我有神功”﹐到而家諗起都笑…
文少
講雀片鬥爛的話﹐當年大把代表作啦﹗單係晶哥雀聖+雀聖2﹐已經爛到無朋友…當然唔可以唔記得垃圾之最﹕打雀英雄傳…查實我鍾意睇賭博片﹐但《嚦咕嚦咕新年財》我覺得真係唔得呀嘛﹖套戲係教人要有牌品﹐但係都唔洗誇得咁誇張啦﹖搞得誇又唔搞笑﹐我覺得就係懶搞笑囉。
文少
我有睇﹐但比起打雀英雄傳﹐垃圾程度仲有少量距離。