正常的情況下，一部電影正常地會在一家戲院播足場次，即使拆場，也只會在同一間戲院播放。然而，有些戲院，卻排出令觀眾看得眼花撩亂的放映時間表。
上圖所見，便是旺角百老匯戲院周四和周五的排陣，結果各片排到的場次如下：
《極速賽車手》 ：一院五場、二院兩場、三院一場
《鐵甲奇俠》 ：一院一場、二院兩場、三院三場、四院一場
《一夜賭城戀大咗》：二院一場、三院一場、四院三場、五院一場
《華麗孽緣》 ：二院一場、三院兩場、四院兩場、五院一場
《我老婆係賭聖》 ：四院一場
《冒險鱷園》、《六樓后座2家屬謝禮》、《功夫之王》：五院各一場
縱觀而言，頭四部播放的電影雖然都有至少六場播放，但竟然可以不同時段在不同戲院播放，電影明明在旺角百老匯播，竟然可以排到橫誇四間影院，看到這個時間表，亂到真係考大家眼力，方能尋出各片放映時間。而旺角百老匯排陣之亂，可算是香港戲院界的翹楚，令其他院線望塵莫及。
排這個亂陣，不只觀眾辛苦，相信編排時間表的人士亦頭昏腦漲，而放映室職員亦無所適從，看來唯一目的只是為求賺得最多而扭盡六壬而已。換來的結果，就是觀眾、編排時間及放映員三輸，值得麼？
Ryan
shtmanhk：的確如此。
Ryan
shtmanhk：九十年代初也不是這樣的。
Ryan
Dony：但排個咁既表，唔想俾人亂的感覺都唔易。
Ryan
Dony：其實另一個問題在於，各間戲院票價不一樣的，細小的四院及五院平一點，而且座位相差很大，恐怕要列的話，要列埋票價了。
Ryan
ju：相信大部份觀眾的習慣也是這樣。
Ryan
JJ：十多年前，旺角百老匯排戲開始「跟紅頂白」，如《鹿鼎記》的優先場，可以一個拷貝排足三間（當時未有四院及五院），開場時間係15:30, 16:00及16:30，密到成一個奇觀。
Ryan
MM：不過真係得個亂字囉。
Ryan
snapme: 可是已買少見少了。
Ryan
bbon99：稍後要看看拍攝好了。
Ryan
Someone：做到走畫其實很囉命的。
Ryan
Someone: 多謝指示實況，真的嚇死人。
Ryan
shtmanhk：且看情況吧，片太長的又不一定有四點的。
shtmanhk
RYAN:百記從來都是 profit means everything.
扭盡六壬 ,觀眾、編排時間及放映員三輸冇問題,只要能賺到盡,就一切都值得,百記態度一貫如比,也因此傲視同群.
shtmanhk
問:八九十年代初的百記場次是否也是如此頻密?
trailer 又是否也是一條起,兩條止,甚或無?
Dony
其實只要以電影為中心去睇時間~~而唔好以影院為中心去睇時間~~
就一d都唔亂架喇~~
例如你想睇iron man~~你咪只係睇iron man o既時間囉~~其他戲你唔使理架~~
Dony
再補充多一點~~
百老匯又的確係蠢o既~~以影院為中心去張貼出黎~~睇到觀眾眼花花……..
佢應該寫每套戲放幾點場~~而唔係每間影院幾點放咩戲……….
佢將簡單事情複雜化囉………
ju
這個時間表, 供內部參閱還可, 但若是給觀眾, 則當然是以(1)戲名為首, (2)列出時間, (3)然後才是列出在那院放映.
普羅觀眾, 多數心目中有想看之電影, 然後就著想看的時間去選擇.
若是某一間戲院的”識途老馬”, 則會再留心在那一個映室放映. (可能某一個映室的大小, 坐位編排及斜度, 音響合乎戲迷的心頭好)
我有時會先上網, 參看心目中的場次, 現餘下多少位才決定是否去買票. 相信亦是不少觀眾的習慣. (特別是多朋友一起去看時/大片的上映的首個星期)
JJ
其實這樣的排片方式,應只是在旺百出現的特有情況.
本人印象中,90年代中開始排片出現不同的變化為,同一間院盡迫滿場次(不會一間院排多過一部片),有時什至連廣告和TRAILER都無.第一部的代表作是”狂蟒之災Anarconda”,由於片長只有不足90分鐘,而在旺百一向的習慣是夜場特旺,因此,本人記得當年夜場的場次為19:00,20:45,22:30.大家可以留意到,這樣的排片時間,夜場能多映一場,無形中是比起其他戲院收多一場的收入.以上是排片改變的第一個階段.
至於何時出現版主提到的1間院排多過一部片的情況,大約應也有近10年了,但目的只有一個,是profit maximization.而且,是只有旺百才能做到這個效果.因只有旺百的夜場(21:30後)特旺,西洋菜街越夜越旺,朗豪坊都被比下去.
至於版主刊出旺百的列表方式,反而本人十分接受,因本人對在那間house看電影十分著重,這個方式一目了然.
MM
其實百老匯既排片不嬲都係咁走畫，
即係套片播到一半就拎去第二間播，
基本上除左又一城同 AMCPP 4-6 院係冇得走畫之外，其他戲院基本上係可以行走畫，
放映員係會辛苦o的，
但係咁樣又未至於對觀眾唔好，
至少o的戲可以密o的，
觀眾既選擇權亦都會多o的~
有時O的戲成130分鐘，
如果唔行走畫而間戲院又得一個拷貝既話，
真係要等兩個鐘頭先有一場~
咁行走畫至少三十分鐘後可以開多場，
而唔駛等咁耐~
至於時間表問題，
正如有人都提及過，
因為旺角百老匯 1-3 院票價同 4-5 院票價唔同，所以咁樣以院黎 show 出黎亦有佢既原因。
同埋第二個原因係
有o的客係會鍾意特定既院，
好似又一城一院咁，
好多時o的客都會了解套戲會唔會放o係大院，
咁以院黎作排列都有佢既好處~
至於有人提及淨係得旺百係咁，
其實又唔係，
最主要真係要睇下o的戲本身個片長係幾多~
因為有時排片主要係排 12、3、5、7、9 點場，
如果一間院排一套戲既，
有可能中間間場時間有多過二十分鐘以上，
咁某程度上都幾浪費，
既然係咁，
好多時會將一套戲放o係一間院做下午場，
之後同第二套戲交換院做 7、9 點場，
咁樣時間配合會好o的，
同埋冇咁浪費間場時間~
That’s why 留意百老匯會有一o的戲上左好耐都仲有得上一場，
仲要係放下午冇乜人睇既場次就係咁既原因~
snapme
我一直有幫襯舊式戲院，例如銀都，
好處就是，放映時間永遠都是正正常常，
不用上網check，不用打電話問。
其實方便得很。
bbon99
今日星期四下午去旺百，時間表已經改了格式，左邊列了戲名，右邊在對應相同地方列出播放時間，不過就沒有列出在哪個院播放，對觀眾而言應該比較易看得明。
Someone
放映員點止辛苦D, 直情係勁辛苦,
想象一下, 一本拷貝大約20分鐘,
一間戲院有兩部放映機,
第一本拷貝播到差唔多時,
放映員就要走去第二部放映機捕住,
當第一本拷貝播完, 第二部機就要立即接上播第二本拷貝, 之後又要翻帶,
然後就搬去第二間院o既放映機,
如果一場需要6本拷貝, 兩間院要做成12次, 好似上面咁, 《極速賽車手》八場, 《鐵甲奇俠》七場, 《一夜賭城戀大咗》六場, 《華麗孽緣》七埸, 真係做到人都顛, 唔好唔記得旺角每間院都唔同樓層, 又要上落無數次, 仲有, 放映員每20分鐘要手動過機, 時間一定要配合得好好, 咁觀眾先會唔發覺, 如果miss o左, 咁就會突然無畫面兼開燈, 到時戲院經理, 職員, 放映員都會好麻煩,
另外, 條拷貝使用率比其他戲院高好多,損耗好高, 套戲就黎落時, 條拷貝可能已經好殘, 畫面花哂, 好似睇粵語殘片咁
所以走畫唯一好處就係場次可以密D, 觀眾多D選擇, 戲院賺多D, 但做死放映員同戲院職員啦…
Someone
基本上淨係百老匯院線先有走畫,
除左:
數碼港, IFC, 嘉湖銀座, APM, 電影中心, 奧海城, AMC 又一城, AMC PP(4-6院)
UA皇室都有得走畫, 但已結業了, 同埋UA 唔會咁做, UA放映員亦都唔識做
shtmanhk
曾於93-95年光顧了旺角百老匯數次,看了 方世玉2,梁祝,speed 及 die hard 3,依稀記得當時場次已相當密(每日必有四點場)而 trailer 也只得一段,當時安樂旗下的京華也是如此,相信京華是始作俑者