當上周五談及電影開畫數字之時,從排陣上看到不同戲院的不同取態,到底現實情況又如何?特派員便於周一查閱多家戲院關於《色慾都市》及《魔幻王國:卡斯柏王子》的入座情況再作了點分析,且看大家的想法又會否正確。
觀乎賬面周一票房《魔》片為300萬,而《色》片為138萬,不過在每院票房來看,卻有三間戲院《色》片的周一票房收入較《魔》片為高。該三家戲院分別是Palace IFC、UA朗豪坊及UA時代廣場。
先談Palace IFC,兩片各在兩院播放,而當中座位數目較其他影院多近一位的五院安排播放《色》片,也許《色》片佔優是順理成章,然而當計算其座位及場次比較,以計算早場後平均每票約七十五元計算,《色》片的入座率約為九成,較《魔》片的八成為多,可見到該院觀眾傾向《色》片。而事實上,兩片在該院票房相差估計超過四萬。
再看UA時代廣場,《魔》片安排在一院播放,而二至四院則播《色》片,當考慮其座位數目,以平均票價七十元計算,《魔》片推斷入座率約八成,較《色》片的七成為高。故此雖然《色》片在該院票房也許高《魔》片近一倍,但實際上也許是「以量取勝」。至於銅鑼灣地區而言,同區的JP銅鑼灣戲院播《魔》片錄得逾十五萬收入時,《色》片在該區未必佔到甜頭。
至於UA朗豪坊,雖然安排了四院共15場播放《色》片,而《魔》片則為兩院共11場,可是在票房收入上卻是相若,反映了《色》片以較少戲院安排的策略並未奏效。以票價六十五元推斷的話,《色》片的入座率約為六成,比起逾八成的《魔》片為低。而同區旺角百老匯安排一、二院放映《魔》片,三院放映《色》片,但《魔》片票房卻幾乎是《色》片的三倍,似乎《色》片未算是該區主流。
從上述情況看來,《色》片明顯在中環一帶佔優,至於在銅鑼灣及旺區的情況,看似是發行公司與戲院關係的安排以推高票房的方法,也許入座情況不一定是最高,但看來對電影本身票房仍算是有所幫助的。當然,上述情況反映是假日情況,也許某程度上顯示觀眾群數目的情況。
票房分析之下,其實有很多不同類型的分析,大家只要多加留意,不難找到有趣之處。
Ryan
shtmanhk: 周一票房裡,計算起來《魔幻王國》較《色慾都市》多收超過萬四。至於九龍灣百老匯,據悉《魔》片開兩院、《色》片開一院,但推斷票房相距近四倍。
Ryan
閒雜人等: 要留意的是,票房收入是包括預售及即場情況,故此預售較理想未必等於最終票房較佳。
The Grand Cinema而言,數字看來是《魔》片較佳,但入座率以《色》片較高。
Ryan
bbon99: 然而,旺角百老匯周二九點許場次卻出現逆轉現象,也許跟九點半場完場後已過午夜,令翌日仍要上班觀眾卻步。
Ryan
shtmanhk: 稍後會更正,多謝指點。
Ryan
MM: 其實立基相關的UA院線在排陣上,可算是針對不同區域而設,特別在朗豪坊及時代廣場多院放映,也許是抗衡同區其他戲院多映《魔》片?
Ryan
維達: 其實該戲院的客源算是廣,只因算是打造了優質銀幕和音響的形象。
Ryan
Billy: 不過商場的消費似是走高檔路線。
Ryan
KK: 觀乎聲勢,要對《新變形俠醫》有信心亦不易。
Ryan
MM: 其實《魔》片好像即興觀眾多一點。
閒雜人等
此次地區性票房真的十分明顯
Sex & the city高票房主要集中於高收入之商業區,如IFC及九龍grand cinema便比魔幻王國高.(因為grant cinema在過去周五己出現色慾都市預售三天近乎滿座(兩院播放),而魔片則要近即場才接近滿座)
相反,於荃灣葵青共三間戲院則出現一家大細排隊購票,而色片大約只得5成入座率
由此可見Sex&the city主要都係吸引OL觀眾層同hard core電視劇迷為多
shtmanhk
Ryan:AMC PP的周一票房,色慾都市收入是否也較魔幻王國:卡斯柏王子 為高?
百記旗下九龍灣及新界三間戲院周四已大cut《色慾都市》的場次.
bbon99(Grand Theft Auto)
戲院附近是否商業區當然是一個很重要的因素,當然亦需要考慮另一個情況:是否需要考慮觀眾用哪一種購票模式。即是究竟親身去票房購票,或是用上網.電話訂票。
在職人士手拿幾張Credit Card,用Credit Card付款有折扣優惠及儲分,加上以香港人「Work Hard, Play Hard」的性格,時間是很寶貴,所以上網購票最為有效率。
相反,一家大細如果用電話/上網購票就很不化算,一張飛附加六蚊至八蚊,四個人就要多廿四蚊至三十二蚊,加上不可用換領券/贈券在網上用,不夠精打細算。
另一方面,對於座位的要求兩套片亦有不同。《色》片是令粉絲期待的,加上上班人士的要求較高,他們不甘於長時間坐在不利位置,所以一開預售就會上網購票。至於《魔》片放映地方及場數較多,觀眾是比較即興的,不用儲定錢第一時間買飛,所以會喜歡想睇時先買飛。
故此,《色》片預售較《魔》片好,但臨開場時《魔》片銷售力《色》片高。
今晚星期二晚放工六點經過UA時代,排隊排到出馬路,情況如Ryan兄所說情況一樣,七點經過旺角百老匯,《色》片七點場預售較《魔》片為好,《魔》片還有少許後排座位選擇,《色》卻只餘前排。
shtmanhk
旺角百老匯魔幻王國開兩院,色慾都市只有一院.
RYAN:用放映較為正確
MM
AMCPP 周一票房應該係色慾都市較魔幻王國為高~
其實睇番套色慾都市,
主要多人睇既明顯係中環、金鐘、數碼港呢o的外國人多既地方。
如果而家睇 IFC 預售星期四戲票,
都會留意到色慾都市較魔幻王國多人預售~
星期四 7 點場色慾都市係差唔多 full,
而至於同樣 7 點場魔幻王國就仲有大量位~
(百老匯亦都o係夜晚將原本 hold 左既 9 點場 4 院放埋做色慾都市)
不過講真o個句,
今次真係冇人諗過色慾都市會有咁多人睇~
相信連本身排片O個個都冇諗過~
維達
The Grand Cinema主要針對中產/有錢人士以及具消費力在職人士
「色」在前假期三日的銷售均機乎爆滿
反觀「魔」則只有英文版爆滿
但在週二優惠日(上班日子),則變成後者銷售最佳
可見兩片的觀眾源力不同
但個人而言,雖然「魔」有更大觀眾來源,卻估不到短短幾天亦能收過千萬。
可惜本人而言沒多大興趣
Billy
是嗎? 我是因為它便宜才去的呀. $60 加會員九折, 以有大銀幕及較好音響的戲院計, 它是最平的.(不計數碼港及機場4d, 它們完全在我的活動範圍外)
阿橙@我愛查之女
the grand有冇邊個院唔好嫁??
KK
起初我還以為PALACE IFC會把周四開畫的”新變形俠醫”放在5院上映(現在只有把9點半場排在5院),因為”新”片是安樂發行的,自家發行總是會排在大院上映. 殊不知百老匯繼續把第2周放映的”色慾都市”排在5院,可見百老匯對”色”片信心十足,認為該片適合中環區觀眾的口味.
但另一個角度來看,可能百老匯對”新變形俠醫”的信心不足.因為上一集(李安執導的版本)的反應不是太大,令院方在排片時稍為謹慎.
KK
12院的銀幕是最細小,應該是”壓幕”的. 所以,看電影時亦較辛苦.
對我而言,只有1院和6院(Manhattan Galaxy)是最好的. Grand Cinema的細小其實都是普普通通,質素不及AMC Pacific Place.
KK
更正:Grand Cinema的細院其實都是普普通通,質素不及AMC Pacific Place.
華仔
記得當年去旺角百老匯睇變形俠醫25元早場,戲院不設劃位.但觀眾不多.隨便可選擇座位.最大鑊係電影上映時冇拉闊銀幕.只係普通銀幕上映.有點失望.明日我去The Grand Cinema睇新變形俠醫.希望係闊銀幕啦.Grand Cinema首場三十元優惠明天開始取消.票價變回日場的五十元.
Billy
我和朋友都是在那裡看完戲就出佐敦or尖咀食晚飯.
Billy
同意, Grand Cinema1院和6院很好, 其他的很麻麻.
AMC Pacific Place 最細果間的銀幕很大的, 四十幾個位, 坐最前都ok的.
bbon99(Grand Theft Auto)
5院Gold Class亦是好坐的。
KK
“新變形俠醫”是闊銀幕電影,如想知道一部電影是不是闊銀幕,可以登上imdb的網頁就可得知.
http://www.imdb.com
另外,Grand Cinema的12點半加至50元,絕對是”趕客”之舉. 莫非Grand Cinema現在的生意真是上了軌道,無須用平價場來招徠觀眾? 我已決定重投PALACE IFC和AMC Pacific Place早場的懷抱.
維達
不過grand cinema的價錢亦的確令人吸引
以市區..還要在走高檔路線的商場..中午場數依然是30大元,實在相當便宜。
但6月12日開始便會取消早場優惠,卻實在令人摸不著頭腦
那兒的早場銷售不俗,這樣不單是趕客之舉,難道亦不怕被投訴嗎??
MM
講真,
新變形俠醫既宣傳感覺上唔太多~
至少其他大片會o係巴士賣廣告~
雖然話係安樂自己片,
至少自己百老匯院線一定上,
但係係咪放大院就真係睇票房~
睇番即場 + 預售,
個情況都真係麻麻~
IFC 同 PP 星期六開始放番去細院,
而大院就放色慾都市~
不過同時間佢地都 hold 左一間院,
IFC hold 左 1 院下午打後場次,
至於 PP 就 hold 哂 5 院,
4 院下午打後場次都 hold 左,
睇黎應該研究緊會唔會加多一兩場做色慾都市~
不過無獨有偶,
佢地 hold 左下午場次既都係破天.慌呢套戲,
我諗佢地應該都諗住套戲唔收得既
就求其開夠佢 full show 就算,
中間攝一兩場色慾都市或者其他戲~
至於AMC 又一城同數碼港百老匯,
星期六應該都唔會放新變形俠醫o係一院,
有可能放色慾都市~
睇番星期四同星期五預售,
色慾都市比較突出o的~
反而魔幻王國:卡斯柏王子個數好似少左人睇咁~
阿橙@我愛查之女
好少見人家講AMC FESTIVAL WALK??
以前都好好坐
BROADWAY接左手之後我未去過
不過門面我覺得CHEAP左=_=
而家剩番果7個院同以前係咪一樣??
shtmanhk
06年中AMC把十一間院中的其中四間(3,4,9,10院)交還給太古改作其他商舖用途,餘下七院不變.
AMC 又一城易手前本人是常客(另一常去的是UA金鐘),因為地點就腳,又多選擇(11間院),多 trailer 看,易手後一切貫徹百記傳统,就少幫襯了.
阿橙@我愛查之女
咁ifc係咪個個院都好正架??
我呢d貧苦學生仲未去過呢!!=.=
shtmanhk
鬥智21點只在兩院(PP/又一城)上映,這種排法是相當罕見的,且帶點試驗味道.
shtmanhk
IFC 5號院是不俗的
KK
我也不明白為何安樂只把”鬥智21點”放在2間AMC上映,難道百老匯院線旗下的戲院真的沒有映期?莫非安樂對該片沒有信心? 又或者安樂是否認為Kevin Spacey的號召力不足? 還是”鬥智21點”只用作攝期之用?
另外,在周四(6月19日)都沒有大片上畫,主要是兩片港產片. 理應BC和PALACE IFC有空間騰出上映”鬥智21點”.
KK
我覺得5院太長,如坐後排位置,感覺與銀幕距離很遠.
反而其餘1-4院都不俗,這4間細院的後排位置就是最佳的視線角度.
阿橙@我愛查之女
唔該哂咁多次既意思^^
肉痛D都要去一次PALACE IFC感受下先 XD
阿橙@我愛查之女
意思 = 意見^^
shtmanhk
我不認為鬥智21點是用作攝期,因為荷李活片片源源源不絕,根本無須這樣做.
sony 是荷李活六大 studio中,每年在香港發行電影的數量都是最少(去年僅七部),極為挑剔,有些預定了上映日期最終也會抽起多的是:water horse , hellboy, anger management 等等.所以我相信
sony 對 21 是有一定信心,否則就寧願索性唔上.
百老匯院線旗下的戲院真的沒有映期?
有可能(因為有兩部片可能有三周映期),但當然這是事在人為,如果有心安排上映很易解決,尤其是安樂及 sony 關係密切.
Kevin Spacey的號召力不足?
這碓是有影响.
電影中心不上映鬥智21點很正路,奥海城及APM 不上就有點意外,ifc,旺角,葵芳及數碼港理應也可以上.
都是這一句:這種排法有相當濃厚的試驗性質,是刻意多於被迫所為.
MM
其實易手後分別係好少~
講番百老匯接手前既 AMC FW,
其實 trailer 數目 maximum 都係得 3 個,
唔會話特別多~
而家百老匯接手後,
trailer 大部份都有兩個(除左片長唔夠時間之外)~
所以個分別其實唔大,
頂多係冇左以前開場前既 movie tones + 幻燈片
MM
講真,19 號上既戲都唔知邊套會真正收得~
除左套無野之城係有強勁既宣傳之外,
真係唔覺其他戲宣傳~
鬥智 21 點真係好似好趕時間上咁,
基本上好似個幾星期前先知有呢套咁既戲~
至於 IFC 方面,
19 號會上文雀,
當然又係唔太清楚點解 PP 唔上而 IFC 上呢套港產片,
再加埋新變形俠醫、色慾都市、魔幻王國呢O的戲,
IFC 又真係似乎冇多餘既院上鬥智 21 點~
反而 PP 19 號淨係得套鬥智 21 點上~
或者咁講,
19 號上既戲我諗院商都唔會特別睇好,
只係攝時間而已~
KK
我亦很懷念AMC又一城易手前的幻燈片,尤其是那些電影冷知識,真是很有趣. 我曾到過美國的AMC,又好似沒有這些與電影知識有關的幻燈片.
另外,上次到AMC又一城的4院看電影,發現此院的銀幕都頗細小,可以所見的電影不是2.35:1. 此外,部分影院是”壓幕”的,有點大煞風景,反而AMC Pacific Place都是”闊銀幕”.
KK
其實,我也不察覺安樂有宣傳”鬥智21點”,只是在AMC Pacific Place的燈箱,看見該片的海報.
安樂方面,反而把宣傳火力集中在環球影片的身上,只要曾到PALACE IFC和AMC Pacific Place,就知道IFC和AMC PP的洗手間都貼滿了環球電影的宣傳品,看來安樂對5部在暑假上映的環球影片信心十足.
shtmanhk
我覺得文雀宣傳還算足夠,電視/地鐵廣告充足,報紙雜誌專題介紹也足夠,當然文雀票房相信難以及得上神探,但以杜琪峰這三個字掛頭牌,維持到放.逐及鐵三三角的五百多萬票房還是有可能的
至於無野之城的所謂’強勁宣傳’,我不認為對票房有正面作用,尤其是得罪了一大班米飯班主.
院商對文雀還算頗支持(百記10院,UA7院),另外
AMC PP臨時上埋文雀的可能性還未能完全排除.
MM
o的幻燈片其實係冇換過~
即係好多所謂既冷知識其實都 outdated.
但唯一好處就係觀眾開場前有少少野睇下冇咁悶~
至於你話銀幕問題,
真係得 1 院係大銀幕~
其實 4 院唔算最細,
又一城最”壓幕”既係 5 院~
MM
咁環球電影肯俾錢o係洗手間貼宣傳品既唔通佢地唔接?
呢個又未必 = 對環球影片信心十足既~
講番鬥智21點,
真係好遲先見佢 promote 呢套戲,
我唯一覺得係臨時安排套戲上多過一早 plan 左咁~
因為睇番同係 Sony 既 HANCOCK 街頭超人,
套戲 7 月 3 日上映,
而家已經開始見到佢宣傳~
包括o係巴士右邊車身貼”十字”banner,
所以如果你話一早 plan 左既,
我諗鬥智21點點都唔會一o的宣傳都冇掛~
shtmanhk
paul早於4月9日已列明鬥智21點於6月19日香港上映,還說相信會有人將此片與王晶賭片比較
http://hongkongfilms.mysinablog.com/index.php?op=ViewArticle&articleId=1087565&page=2
其實我以為此片會有可能步去年 sony 的 perfect stranger (bruce wills + Halle Berry) 後塵,一樣原定6月中上映,但最終被臨時抽起.所以我認為 sony 上映此片絕非為攝時間,而此片確實難 sell ,低調宣傳可能是不想太浪費資源(留番俾街頭超人),如此做法可能想博刀仔鋸大樹,賭仔心態乎?
21 正如此片題材一樣,上映與否都是一場賭博.
shtmanhk
安樂當然要力谷環球的影片,sony 今個暑假大片只有一部,安樂自己又冇片出.