翻閱昨天的「港九報章聯合廣告」時，大家可曾發現當中MCL將軍澳的一格出現「內部裝修，電影暫停」？
大家不用擔心該戲院結業，因為該戲院真的在內部裝修中。
「講。鏟。片」日前曾報導MCL將軍澳戲院座落的新都城商場近日正進行裝修工程，先是地下售票大堂位置遷移，然後就是在原戲院位置附近架起圍板，而戲院亦由昨天起暫停營業。初步得悉，戲院工程約在十一月底竣工。
據悉是次工程是會為MCL將軍澳戲院增加影院數目，由於工程或影響現在戲院，故此需要暫停營業一段時間。不過，到底擴建後的戲院會否改動了原來的五間戲院結構，則仍未知道。
作為將軍澳地區的唯一戲院，MCL將軍澳其實過往的戲院本身水準一般，未知在裝修過後能否改善過往在銀幕或音響上的問題呢？恐怕要重新開幕時親臨才知曉了。
Ryan
熙少：的確東方沒有了，唯有看明報。
Ryan
Tony：看來是戲院習慣了。
Ryan
雲：其實日前曾有讀者解釋，是關乎 The Grand 的燈光問題，不過這種問題始終還需解決的。
Ryan
史迪拿：去年開幕的UA Megabox恐怕其抬頭情況更嚴重。
Ryan
8914: 似乎不少問題疑似先天性。
Ryan
bbon99: 其實問題源頭在於戲院每場之間的相隔時間太短所致吧。
Ryan
S: 不過大家也許關心這間戲院能否做下去吧。
Ryan
將軍澳人：也許涉及內部結構改動，需要取牌照？
Ryan
guest：且看到時怎樣吧。
熙少
請問現在尚有那份報章仍然刊登「港九報章聯合廣告」呢?我發覺東方好像沒有了…
Raymond
明報。
Tony
昨晚有個人在德福MCL看《花樣跳水少年》一出片尾即開燈, 她立即寫信投訴, 全文見:
http://yang-wenli.blogspot.com/2008/09/2008919730.html
雲
究竟係MCL 的指示是這樣, 還是個別事件呢? 因為昨天5:10pm 我去看逆轉年華, 一出字幕即開燈cut 片~~
雲
是MCL 的指示開燈, 還是個別事件呢???
昨天( 19/7) 5:10pm 睇逆轉年華都是相同情況, 一到字幕就開燈。
Tony
可能政策是: 少人看就快開燈. JP是大院通常播到完, 本人只是跟朋友去將軍澳看過一次, 近期被迫去康怡看軍曹3日版 (實在不想聽到什麼搽), 對其他MCL印象平平, 因為一味細. UA通常都播完片尾.
史迪拿
為MCL將軍澳戲院增加影院數目,,,
WA,本身將軍澳戲院己經好mini..有一,二個院可以講係根本”看不下去”,坐尾二果行都覺太近,全程都要枱高頭睇…而大一點既院又太遠(可能院大,銀幕細),非常奇怪!!!反而康怡戲院整體大小ok,坐中間行都可接受….希望佢地今次裝修大大改善戲院的layout, 坐位多小雖重要,但全部唔睇得人,以現在戲院質素,比多幾元坐車出去睇好過..你諗0下真皮坐椅,某名牌人體力學坐椅,行與行之間的空位勁闊,現在好多新戲院同主流地區既戲院己做到了,mcl 院線(包括jp)真的要反思一下
tommyknchan
戲院其實真係要尊重下觀眾既權利。我本身睇戲鍾意睇埋end credits，除左「撈尾汁」(有埋NG等片花)，亦係向工作人員致敬的時刻。
我都覺得戲院cut end credits係無良的行良。到end credits時唔cut都開燈都算，但係太光都唔係太鍾意。(到ending都唔開燈就最好)
希望各戲院經營商好好考慮一下本問題。
Tony
有什麼觀眾就有什麼質素. 香港戲院出roller熄機, 已經行之二三十年, 大部份香港觀眾, 都爭取這幾分鐘去食店爭位或shopping la!!
華仔
上次到元朗百老匯睇媽媽咪呀到片尾 職員等我地睇晒所有字幕先開始收拾垃圾.俾著旺角唔停機已經算好了.令我對元朗百老匯有番d好既印象.
華仔
頭先到德福1院睇花樣跳水少年一直睇到片尾職員先開始收拾垃圾.我對此戲院的評價不錯,開場前在mcl餐廳食了個吉列豬扒飯.值得一提是我選了h3近左邊的位置.一院的格局是銀幕偏向右的.所以頭先看得有點不舒服.
8914
mcl德福問題都幾多
銀幕一個個格仔
放映機超嘈,坐尾五行都聽得好清楚
銀幕有一大個偏光位
院入面隔聲超差,聽到隔離院聲不特止仲可以好清楚聽埋放映室對講機對話
院入面,都唔知趕時間定咩,好污糟,垃圾碎超多
戲院散場後樓梯超焗
以上係我用mcl club禮卷睇左三次戲所得出的問題….
bbon99(Warhammer Online)
補充一下。
除了散場有人趕住走，漆黑的通道需要照明，減低跌倒或要賠償的機會外，其實這樣做還有幾個原因:
第一:廷長了放映機機膽的壽命，放映機機膽的壽命是有限時的，放了若干個鐘頭後便要更換，當然換一個亦不便宜，一場早CUT機幾分鐘，山大斬埋有柴，可以播多好幾日。
第二:省了人手及時間，戲院院數現今多左，人手卻沒有太大的增多，各院開場散場通常只相隔幾分至十幾分鐘，有限人手在短時間去各院做開場及散場都幾辛苦，放映部亦要花時間整理放映後的拷貝、換片或準時放映，早點CUT片可以多D時間處理其他事項。
第三:觀眾有很多種，睇埋個Credit其實是正常的事，只不過有些較為動作慢，看完Credit之後慢慢起身慢慢收拾自己的物件仲要伸埋懶腰才慢慢離開，院內有很多垃圾及需要清理的地方，同時因排片關係下一場的觀眾亦準備入場，所以早開燈及cut片可以順利清理及放人入場。
第四:職員自私，有時不關公司事。見套戲播Credit客人通常已經走晒，習慣左即時開燈cut片清場，突然一場半場有人睇埋Credit先走，那就當睇你唔到無事發生，要投訴的亦只是一單半單，加上只會煩到經理，事後亦不會有太大的追究。
正確的做法是戲差不多完場時（大約還有二三分鐘）散場時，場務員靜靜地開了出口的門，放置垃圾車在旁，之後當客人離開時送客及提供照明、收取毛毯及嬰孩專用坐墊，退回毛毯按金，亦留意還有沒有客人未離開影院，當全部客人離開時先通知放映部停機。
若果時間緊迫，可以在客人觀賞工作人員名單時，在不太影響客人視線範圍下作清理垃圾的工作，如客人坐中間，先清後面幾行的垃圾。如客人坐最後面，可以先清旁邊及頭幾行座位。
如果播卡通片如Disney片或叮噹軍曹，可以在工作人員名單時提示此片是否播完，免得小朋友賴死唔走話仲有野睇。
shtmanhk
九龍灣百老匯何去何從?
http://www3.cinema.com.hk/revamp/html/cinema_every.php?lang=c&cinema_id=7
S
下午已歸位咯喎。
將軍澳人
如無意外,出年先會攪得掂
唔知做乜攪咁耐
guest
24/12 soft opening