正當東方發行開始宣傳本周上映的《葉問》之時，也不忘開始宣傳其賀歲電影《家有囍事2009》，雖然戲院不太覺其電影海報，不過在某電訊商的宣傳易接架便可看到其正式版本海報設計來。
新版《家有囍事2009》海報共出現了八位演員，前排的四位由左至右分別為黃百鳴、吳君如、鄭中基及古天樂，後排右方有夏春秋及李香琴，左方則為特別介紹的內地演員姚晨及沈麗君。
其實電影海報設計，則過去的《家有囍事》及《97家有囍事》相若，同樣是一大群演員一起出現。當中目前除了某電訊商會送戲票外，亦有一家信用咭可以用簽賬換取戲票，看來電影在各類宣傳的滲透度不低。
不過，電影安排在賀歲檔期，到底能否像過去兩集般旺場呢？實在難料。不過在這個時候，也許大家可以先行看看預告片來自行判斷一下好了：
Ryan
lunyeah: 預告純粹係為有點東西在戲院播住先吧。
Ryan
nbachung：其實黃百鳴式的賀歲片，廿年來看來形式仍用群星報喜方法。
Ryan
Nic：很多觀眾看賀歲片但求一笑，要求也許不會太高吧。
Ryan
14k：何以會「O咀」呢？
Ryan
迷逃小書童華安：但這個預告閣下認為是否是好的預告呢？
Ryan
Hong：很視乎有多少換票証 😛
Ryan
維達：不過近年香港人對這類賀歲片渴求度，也許大不如前。
Ryan
Simon：近年這類電影則少了很多。
Ryan
臨場：沒有了周星馳，叫座力減了一大截。
Ryan
Hong：以為農曆年氣氛較濃，賀歲片也會較有吸引力，現在今非昔比了。
Ryan
蘋果：也許亦有可能。
Ryan
杜絲先生：人家也許是看內地市場吧。
Ryan
Raven：受不住的便很難哽了。
Ryan
shtmanhk：人家也許主力看內地市場吧。
lunyeah
老實講，
個預告真係好唔吸引……
nbachung
agree.個預告好80年代feel..看來ending又係黃百鳴特色..祝大家恭喜發財d娘爆嘢
Nic
個預告得佢地班演員的笑聲，當中以君如姐把聲最醒神，但係聽佢的電台節目已成日聽到喎…
新年d人冇乜好節目，可能都會睇下無聊的賀歲片…
14k
wow, 睇到 “O” 嘴….. :0
迷逃小書童華安
黃伯鳴排頭排第一？？
其實，知唔知「預告」係有乜用既姐？
咁樣「製作特輯」咁似咁笑，想觀眾知Ｄ乜？而有信心或者「一定要去睇」既心態入場呢？
套戲唔對版，但預告整得好，一樣好晒場！睇下而家「地球停轉日」咪知囉！！！
Hong
兩年前心想事成8舊, 呢套…
維達
其實呢段預告只不過是初版預告…
許多電影都會製作這些預告..預告中多以文字表達電影中心內容/吸引對白
又不是正式預告…大家又何必一致劣評呢
至於整套電影感覺很80、90年代的賀歲片feel, 個人感覺是好事..不認同上述有作者所指”娘到爆”
家有喜事系列給予我們感覺就是賀歲片的icon之一，縱使拍攝2009年版本, 亦希望最後加上例如一聚明星站在畫面上賀年..海報設計..甚至內容抵死
這已是香港人最想看的賀歲片
為何近年賀歲喜劇片票房欠佳..就是因為香港人覺得它們不是一套很本土化的港產賀歲片
當香港人對電影的觀賞要求不斷提高之時..其實香港人對港產賀歲片的要求依然不變
Simon
近年賀歲片之中, 只係記得”行運超人”同”嚦咕嚦咕新年財”算係睇得開心o
臨場
我寧願係屋企睇番第一部家有喜事!
Hong
賀歲片 = 過時?
蘋果
見到鄭中基就唔想睇.
舊時《家有喜事》群(巨)星拱照.
2009……
古天樂 算影星,未到巨星囉.
鄭中基 歌星影星,都未到巨星囉,同埋佢醜化自己搞笑果種硬演法,sorry囉,厭晒啦,技窮!
吳君如 算巨星啦!但都係靠食老本果隻,近10年演過咩好戲?真係唔記得,out啦,唔該!
不過賀歲片d人冇野做都會去睇的,應該差唔過《心想事成》掛,但我唔會睇囉!
杜絲先生
見好就收啦，做臭個招牌…香港過到千萬票房都偷笑
Raven
本人亦都超討厭鄭中基既爛搞笑方式…
好爛, 好乞人憎添…
shtmanhk
家有喜事2009肯定不是很本土化的港式賀歲片.
shtmanhk
請問九星報喜是否有好下場?
為何大贏家是當年四部賀歲片中包尾?
自這兩片失利後,黃百鳴已久久不再拍賀歲片.
shtmanhk
今個賀歲,本人只會看 奇幻逆緣 (The Curious Case of Benjamin Button).
Tony
真係連波兒都唔看!?
過年年年有笑片, 不過看港片已經是取笑, 鄙笑…
Vic
《家有囍事》無左星爺呢個膽，呢套野會變成點真係好睇黃百鳴做化。而且加左鄭中基呢個so called新一代笑匠落去，佢D浮誇演出隨時做低套戲。前兩套 o既賣點正正係星爺 o既無厘頭式笑話，雖然1997明顯比1992無咁好笑，但係當期時觀眾覺得有星爺就一定有笑位。睇番呢套戲的卡士，可能真係要睇吳君如 o既功力有無退步先得。上次1997出伍詠薇做黃百鳴老婆時，怨婦味道已比吳君如輕，如今搵番吳君如出黎，唔通又係做番「常大嫂」呢個角色？
再講導演，前兩套戲的導演分別係高志森同張堅庭，佢地兩個本身都有D搞笑細胞。呢套正導係谷德昭，我驚套戲D餡有為笑而笑 o既味道。
睇黎「家有囍事」呢個嘜頭要係09年再次發光發熱，難度不低。
華仔
記得九星報喜當年98新年金聲院線第二檔2月14日上映,緊接98古惑仔龍爭虎鬥(雖然不明當年為何古惑仔上賀歲檔,但古惑仔龍爭虎鬥票房有千三萬,98年1月16日金聲,新寶線聯線上行運一條龍.1月23日金聲院線全線上98古惑仔龍爭虎鬥.九星報喜2月14日上映.記得當時周星馳的賀歲片會先在新寶和金聲院線聯映,新寶院線映期會比較長,金聲院線播一星期多後就會播另一套賀歲片)
98古惑仔龍爭虎鬥我在金聲戲院睇.超等全場爆滿.九星報喜都在金聲睇,入座人數不算多.98年聖誕是金聲院線和新寶院線獨立排片的最後一年.98年聖誕新寶院線和金聲院線合併前新寶院線上映的電影是夢工場動畫埃及王子.當年在麗斯睇配音版(當年的麗斯只開堂座超等暫停開放)金聲院線上賭俠1999,星期二35元在金聲超等睇9點半全場爆滿.翻查積存的舊戲票(以前有積存舊戲院戲票習慣.我會寫上當時睇咩戲)新寶院線和金聲院線合併後首套上映天旋地戀(金聲睇)>轟天綁架大富豪(新寶睇)>強姦終極篇最後羔羊(金聲睇)>賀歲檔喜劇之王(金聲睇)>之後應該有一套戲緊接喜劇之王但忘記了. O記三合會檔案(影都)3月中上映(上映時正值反盜版大聯盟行動全港戲院因而停業一天)>4月1日黑馬王子(金聲堂座睇7點半全場爆滿,套戲在旺角同金聲對面拍,在金聲睇岩晒)記得當年張家輝好多戲都排在新寶金聲院線上映的(99-00).暑假檔7月賭俠大戰拉斯維加斯本來想到新寶睇最後又改番去金聲.8月千王之王2000(金聲堂座睇7點半全場爆滿,買飛人潮排到門口)2000年新寶金聲院線賀歲檔決戰紫禁之巔(金聲睇午夜場).暑假檔弧孤男寡女(金聲睇7:30全場滿,三千五百萬大收)
新寶金聲線在99年上映過劉華4套戲(4月黑馬王子,7月賭俠大戰拉斯維加斯(金聲睇)9月中秋檔暗戰(豪華睇午夜場)緊接上映10月的龍在邊緣(新寶睇)一說起關於新寶 金聲院線我就真係有太多回憶要說了.朋友說過新寶院線是上通俗娛樂片的這個說法我是同意的.
shtmanhk
個人口味而已,但本人肯定波兒是賀歲檔票房冠軍.
shtmanhk
更奇怪98古惑仔龍爭虎鬥是嘉禾出品卻上金聲線賀歲第一檔,院商對九星報喜明顯是不看好.
O記三合會檔案是緊接喜劇之王,3月13日上映.
華仔
多謝補充.那即是喜劇之王上映了一個月(同期有玻璃樽,愛情夢幻號).票房不算好喎!當時新寶院線的電影都比金聲院線好的(個人覺得)要談新寶 金聲院線的電影真是有很多話題說的.
Paul ng
在1998-2000年 的一段長時間, 新寶/金聲電影大部分也是王晶片(有傳部分影片是太子陳有份投資). 可以話王晶在那時是支撐著太子陳的院線.
Paul ng
“97家有喜事”可能因為大偏重周星馳, 令其他演員無發揮 (除了喬宏叔)
btw, 果時星爺在”97家有喜事”拍攝中途, 因為自己對劇本/拍攝手法未完全滿意, 竟然玩失蹤, 由黃昏7時一直僵持到半夜兩三點, 令張堅庭無哂辦法, 最後要黃百鳴親自出馬勸星爺復工, 先解決左件事.
http://www.miniforum.org/showpost.fcgi?MGID=2528254&page=1&tempid=2
Paul ng
更正:是”97家有囍事” (不是”97家有喜事 “)
十分sorry….
華仔
那段時間上的晶哥影片可謂娛樂性豐富(姑勿論票房如何)那時在金聲附近番學.在全院滿座金聲睇過很多晶哥的片(千王之王2000入場前人多到要由後門入場情景仍歷歷在目)亦睇過兩點半入場人數三十的九龍皇后.在那時的而且確王晶支撐著太子陳的院線.
shtmanhk
08年開始,太子陳的院線也難以避免出現’真空期’.
(嘉禾全年發行的港片更只有7部,嘉樂連半條線也算不上).
個人認為當時為了支撐院線,急就章拍了不少劣片去攝期,與其如此倒不如’真空’罷了!
Paul ng
的確, 當時為了支撐院線,急就章狂拍電影, 當中有不少劣片, 某程度上影響了人們對香港片觀感; 但另一方面, 這樣卻令不少電影工作者依然有飯開, 盡量避免電影業出現[斷層]情況(電影工作者大量流失]. 而且當時不少王晶片依然有其觀眾, 我的同學當時便經常開懷地談論王晶片(雖然我覺得他們可能是看老翻)….
而家太子陳的院線也難以避免出現’真空期’, 都是多得國內政府收緊電影審批政策….
只係想講:香港人唔好太依賴大陸/阿爺, 要自強!
郭老三
賀歲(喜劇)片老土唔係問題，有時老土就正係笑位所在呢﹗例如王晶當年一系列嘅笑片嘅劇情以當年標準嚟都係老土㗎，但係王晶卻可以拍得好笑又好睇，將老土變成賣點，當然演員都係重要原因(當年有很多專業又各具特色嘅喜劇演員)。
但係而家香港好嘅喜劇導演同演員都唔拍喜劇，就算有幾時尚潮流新穎嘅題材，都好難會拍得好睇。
nbachung
郭老三.agree.王晶在90年代初的賀歲片同星仔合作
例[整古專家][逃學威龍3]雖然製作很爛.好似整古專家只拍左10幾日.但又真係非常好笑..
[喜劇之王]票房雖然同[玻璃樽]差唔多.但水準差得遠.一部是經典.一部是爛片.
fatfat
原來有鄭中基架….咁唔睇啦~
好討厭佢既演釋手法~~
仲有又有大陸演員=.=
如果佢係100%香港演員好似內衣少女
就算爛我都會支持!!!
sukie
同意： “如果佢（家有囍事）係100%香港演員好似內衣少女就算爛我都會支持!!!”
郭老三
但係如果真係好爛嘅話，又好難支持得落㗎喎。