戲院排陣，雖然看似複雜，但是理論上也是正常地每院每天排足各場，計算好開場、散場及間場時間便可。
可是，星期日晚在百老匯電影中心，卻出現一宗因為戲院場次排陣錯誤的「蝦碌」事件。
星期日晚百老匯電影中心的九點半場，原本是一院跟二院播放日語版《崖上的波兒》，三院播放《非誠勿擾》，而四院則播放《赤壁：決戰天下》。驟眼看來，好像是沒問題。
然而，星期日晚九點半場，電影《課室風雲》也安排了在百老匯電影中心播放優先場。
問題來了，百老匯電影中心共設戲院四間，四間戲院也在售票之時，那麼《課室風雲》又可在哪間戲院放映呢？據接近消息人士透露，戲院於星期日中午時，才得悉出現九點半場影片「超額」的情況，據悉更駭人的是，那時《課室風雲》的拷貝還沒送到戲院。
問題來了，那如何解決超額問題？到底是停放優先場，還是將售票中的電影削走一場？這個絕對是兩難決定。
結果，戲院方面選擇了將二院本來加開的《崖上的波兒》九點半場改作播放《課室風雲》。
可是，兩間戲院突然縮到一間播放的時候，座位編排又會怎樣？而且該片週末期間入座率達九成以上，即使即時暫停售賣該片戲票，又會否兩院已售出戲票已超出一間戲院的座位數目，難道要增設「企位」？這點恐怕只有當時在場的人士才能得悉。各位若當時在場的話，不妨提供情況。
整件事件，某程度上反映了該戲院整個場次排陣上存在極大的溝通問題。
曾在讀者於「講。鏟。片」留言指，百老匯旗下的戲院會先有數個版本讓經理參考，但上述情況顯示，戲院仍未獲得拷貝，或反映了戲院根本未得悉星期日晚有優先場。到底是否排片人士並沒得悉，還是內部溝通出現問題呢？恐怕只有相關人士才知道了。可是，這類「超額」情況，恐怕對戲院來說，絕對是罕見事件。
Ryan
路人：有時很多事也是撲朔迷離的。
Ryan
Alex：多謝補充，似乎這個事件關於電腦系統問題了。
Ryan
FM：也許是有事故吧。
Ryan
Vim：其實這次事件可能出現問題很多，不過觀乎事件反應，百老匯電影中心經理部看來並不知情。
是次優先場屬安樂發行的電影，故出現這個情況有以下可能：
一．宣傳部門忘記訂場或通知其他部門，情況就如開會唔記得訂會議室；
二．宣傳部門訂了場及通知，排片的人員遺漏。
三．排片人員遺漏，而戲院經理部未有通知。
今次事件情況，看來第三項情況機會不大，因為戲院方面似乎全不知情。至於情況二，理論戲院方面會提醒。
Ryan
Vim：最後一句恐怕也是了。
Ryan
Alex：恐怕也是了。
Ryan
Alex：真的是累積獎賞了。
Ryan
路人：的確難搞了。
Ryan
FM：該戲院有時入場位置唔夠也是問題。
Ryan
MM: 經消息來源提供，係宣傳部忘記發通告所致。
Ryan
MM: 但今回連經理部都唔知有Preview，何以有責任?
倒看回事件，經理部即時嘗試去協力解決問題，也算解決了。
Ryan
正宗球迷: 的確係兩件事件，不幸地同日發生。
Ryan
正宗球迷：因為要賺到盡，周末排片要睇周日日場甚至傍晚票房才去定。
路人
當時現場人山人海，好多人等入場，條人龍混集了看試片場的人和買飛看波兒的觀眾，大堂經理在小食部用notebook處理事件，真係辛苦了他，另一個戴眼鏡的女職員出來叫觀眾等等，好彩電影中心客較斯文，只是遲了進場，沒有人知發生過這離奇拷貝事件，哈！
Alex
今日於電影中心看七點五十分 崖上的波兒 時, 卻發生了一段小插曲, 看見部份觀眾入場坐下後, 其中有一兩對觀眾有疑似坐錯位的問題出現, 後來發現是戲飛出現了相同場次相同座位的情況, 後來於很快的時間之下作出了安排.
當然, 今日電影中心的確發生了很多事件, 雖然該場次最後遲了十分鐘才開場, 不過都是為了等齊人睇 波兒 才作出遲開場的安排, 這是合理的安排.
FM
等齊人睇？真有趣，難道全場都是識得的嗎？如果不是，準時入場的好無辜啊．．．
Vim
其實很多時間, 戲院都是在當日才收到拷貝..這一個不太出奇(不計優先場, 甚至有些在當日上映的拷貝都有可能在當日早上由經理去拿)
但是我個人覺得係內部排片溝通出現問題,不論內部和電影中心的經理部都有責任, 內部責任較小因為一兩個人睇晒咁多間戲院的排戲, 難免出現失手之誤。
但是經理部卻難辭其疚,百老匯旗下的戲院確實會有數個版本讓經理參考,經理必須經過兩三篇檢查及再由內部approval方可放出街。如果特別有這些特殊情況(如優先場,首映,電影節之類),應該會特別highlight出來。經理部要到當日才知這件事,實在非常嚴重。
Vim
這個遲十分鐘應該唔關坐錯位事架喎…這些情況不會影響開始時間..我想可能有另外一些事(如機件故障)才會導致遲開場吧…我想今天電影中心的職員都過了難忘的一天了。
Alex
係喎, 我咪準時果個囉, 但我唔覺得無辜囉, 始終尋日發生咁多事, 如果樓下咁多人排隊上唔到影院睇戲, 而唔係因為排隊既人唔準時到戲院而係因為外來因素的話, 你估觀眾們會唔會投訴戲院有關方面失當, 實會!!!
Alex
應該唔會關機件問題, 不過有可能既係其實之前場次本身已經遲左開場, 故令到之後場次一直遲開場就有機會.
而且我都無話遲十分鐘係關坐錯位事… 大慨你有點誤會吧… 我只係話遲左十分鐘開場, 無話因為坐錯位而遲開十分鐘呢…
路人
當天經理似乎完全唔知有試片，如果根本沒有人通知過他，他根本沒有責任啊，幸好有觀眾發現有問題，去中心查問，經理才有時間去補救，不能要他揹鑊吧，究竟是什麼地方出錯呢？希望百老匯可以改進吧．．．
另外，排片忙不是出錯的借口啊，如果約了朋友山長水遠專誠來看試片，竟然無得睇，真的很無辜，不是金錢和浪費時間問題，是誠信的問題！
FM
對啊，如果是因為入場太多人的原因，值得原諒．．．
MM
基本上百老匯如果有 preview / 包場，
事先會 fax 俾o個間戲院，
當中包括日期、時間、邊間院，
如果係包場既就會有埋客人 order 邊款爆谷、汽水等。
同埋百老匯係有一個網係俾經理部睇下黎緊既包場、首映、preview schedule，
suppose 佢地會有 update 到上去，
當然 to be confirmed o個o的都會有，
咁但係至少一定會有個 idea 黎緊邊間戲院會有包場、preview 等資料。
事實上第三個可能性唔會冇，
有時忙起上黎，
或者有其他同事收到份 preview 資料冇入 file，
因而個經理唔知都未定~
MM
出現戲飛相同場之相同座位未必關電腦系統問題，
當然唔可以排除，
但係有可能係有客人退飛/轉場次，
而個職員可以 refund 錯左個位都未定。
簡單o的講，
有可能個客之前買左 K10、K11 兩個位，
但係之後轉場次，
個職員可能 refund 錯左場次，
例如 7 : 30 pm 場可能佢 refund 左 9 : 30 pm K10、K11 兩個位，
又或者 refund 岩個場次，但係refund 錯兩個位~
所以單睇呢個 case 未必關電腦系統出問題。
因為如果真係出問題既，
應該唔會淨係一單錯左，而其他會冇事~
MM
經理有冇需要揹鍋就另話，
不過事實上經理部係要 make sure 佢個schedule冇問題先至出係事實，
如果我冇留意錯既話，
星期日出 schedule 既時候應該係出左一間院先，
係去到後期先再出埋第二間院俾客賣，
當然有可能排片o個個排放映時間表o個陣冇留意到有preview，
將o個場當係 hold 場，
睇下波兒個數再睇下係咪 interlock，
但經理部 once 佢收到個 schedule o個陣，
佢都要 make sure 個 schedule 冇問題先至出，
所以係咪經理部有錯冇人知，
但經理部o係今次事件點都有少少責任。
正宗球迷
週日我正正係去電影中心睇戲,睇7:50既波兒.我諗係兩件事黎的.
呢場既波兒,撞正個網上購票出票機壞左,有留意既可以望到佢兩部購票機封左,佢地最初打算排隊分流,一條即場買票,一條隊係網購波兒或其他票既人可以取票,最後發現唔成功太花時間,所以唱票咁讀出持卡人既卡號最後八位數字,去提取門票.
同時間,因為大部份觀眾,包括我在內都忘記自己係邊個house 睇波兒,因為同時段有兩個house都播波兒,所以有可能之前取票時去錯左兩個house.
又因為呢個電腦故障問題,所以電影遲左放影,我覺得呢個安排做得相當好,其實電影遲左大約15分鐘開影,都算有8成觀眾入座先播放,如果有觀眾因為自己準時入場而責怪此次delay播片的安排,咁另一班網購的觀眾會更加憤怒.
到完場後,經過正門,見到經理處理緊票務問題仲成條隊排緊,我仲估計係網上系統仲未完成搶修,可以同時出現左排片錯誤間題.
正宗球迷
對於百老匯個排片,我有少許問題想向各位了解,唔知有冇人答到.
我發覺得,預售三日呢個情況,有時第三日係週四有新片或週六時,佢在網上都未必看到,就算直接去戲院睇都未見有場次安排.
好多時去到晚上7-8點,先會出到最新排片既時間.
相反MCL,UA,以及嘉禾,都極少出現呢個問題.
而電影中心黎講更加嚴重,因為我主力係會去BC睇戲,發現週二留意週四或週四買定週六既票時,會有呢個問題.其他百老匯線既院,都唔係一齊未出到,可能部份出到,但其他院又會未出到.
唔知版主或其他版友,知唔知個中問題係點解呢?
F
好像不是單一事件，點解安樂咁大機構的各部門溝通有咁大問題，連宣傳都做咗，却沒有通知戲院。這次真係難為前線 d 員工……