對於一家戲院來說，也許會主要看重戲院的硬件設備。不過，有時有些基本的硬件不易察覺，但對觀眾來說也甚受影響，那些便是戲院裡的座椅。
部份戲院的座椅採用摺疊坐塾的設計，在每天多次的開開合合後，便有機會漸漸出現開合時發出吱吱般的刺耳聲音。當大家正在觀賞電影之時，這類聲音的出現也會影響觀影，也令部份觀眾不敢隨便有任何動作。
近年亦有一些戲院，以較闊的行距編排座位，而座位採用了不摺疊的方法。驟眼看來好像解決了上述的問題，但實際上卻是另一回事。
「講。鏟。片」情報人員日前到開業不足一年的MCL德福戲院觀看電影時，卻發現同樣有著吱吱聲的問題。不過今次的問題重點，卻已不在開合的問題，反而似是座位的承托鋼架受壓時發出這類聲音。也許，這個情況對於開業數年的戲院或會偶然出現，但對於MCL德福開業不足一年便出現這個情況，實在令人難以理解。
戲院的座位作為觀眾到戲院觀看電影時逗留時間最久的地方，其質量也是十分重要，還望各戲院能多加留意好了。
obi-den
講到座椅，以前最喜愛可自由將把手收放的情人孖座，不過依家最鍾意都係 PALACE IFC 嘅座位，雖然已一段日子，但仍唔覺有乜問題。
DMH
我記得舊年九月尾第一次去MCL德福
座椅已經有吱吱聲
大舊
唔止吱吱般有問題, 有D戲院一有人郁, 成排都有人郁. 海運係其中一間
另外APM, 佢地個椅背好易彎, 偏偏有D人去廁所時鐘意拉住前面O個排既椅背, 都幾黑人憎, 有次一場俾人啦4,5次, 睇睇吓個背脊忽然向後沉, 睇到我想企起身爆粗
大舊
網台聽眾
油麻地百老匯電影中心既座椅，好似有野咬
loveheaven
我覺得又一城AMC d位幾舒服~不過行距就窄左少少
KK
Ryan,請問圖中是哪一間戲院? 院內的顏色和座位都幾特別.
hin
應該係the grand cinema
安素
I think so~
題外話：
佢地(戲院)為咗睇3D片嘅時候唔好被光線影響, 一開場就黑到伸手不見五指, 想行去廁所都唔得…帶咗副3D眼鏡仲更加暗, 有時連本身套片都暗過龍, 睇得好辛苦, 我試過要除低副3D眼鏡一陣休息吓至睇過…
HIN
不過其實應該入場前去左toilet先
2745
圖中戲院不知道是邊間,但一定不是The Grand,因為他們的座位是橙黄色!另外百老滙電影中心以前用高身櫈,現使舊式座位仲斜身,好辛苦!
華仔
應該係元朗戲院