王祖藍可算是近年於影壇中冒起得最快的喜劇藝人之一，而且其誇張的演繹手法似乎一直變本加厲；他首部擔正作品《矮仔多情》碰上了擅寫人物關係的阮世生，結果換來是王祖藍過往浮誇的演繹方式倒成為電影裡失分的地方來。
從劇情層面來看，阮世生似乎已瞭解到要王祖藍獨挑大樑演出一個整體故事存在一定的難度，故此結構上將電影分為四個部分：描述於投資界表現不俗的王祖藍在被誤以為成為雷曼苦主以致遭女友拋棄及眾友疏離後，決心自行來一個假期，而在這悠長假期裡碰上不同女性的經歷。首三個部份分別以黃婉伶飾演的多重性格女子Christy、賈曉晨飾演的按摩師嘉嘉和徐子珊飾演的江湖女子刀疤珊與王祖藍之間的奇情經歷，從中再穿插了由楊穎飾演的Angel。當中刀疤珊的一段阮世生更拿回其編劇前作《天若有情》為設定，若未看過該片的觀眾也許會少一份共鳴或投入感。
若果單看劇本的話，其實片長一百零五分鐘《矮仔多情》算是豐富，在三段故事中尤以刀疤珊的一段描述較深入，而徐子珊的演出亦在三位女角中較為突出；其義氣仔女式演繹和背後的神傷均真情流露。黃婉伶的多重性格女子相對而言，效果較弱一點，而且要處理多重性格於表達上空間反不及徐子珊，可是她於演技上準繩度不俗。相比之下，賈曉晨的嘉嘉的唯一賣點只是她的身材及純真的表情，演出方面仍有著極大量的改進空間，在片中僅成為花瓶一個。
不過，電影裡的主要成敗，還是要看男主角王祖藍的演出。電影裡的王祖藍，對於非喜劇劇情的演繹其實也算準確，效果亦算理想。可是，王祖藍的角色上，卻還是要以搞笑為主。其實王祖藍近年於喜劇的演出模式已經漸見技窮，於《矮仔多情》更是將其問題暴露出來。那種反白眼的眼神，誇張模式演繹對白的手法不斷重覆。觀眾若果不能接受王祖藍的演繹，整個觀影過程將十分吃力。即使能夠接受王祖藍的演繹喜劇的模式，則會感覺過量，那份興奮漸漸出現了抗藥性來。
電影裡不斷充斥著似曾相識的笑料，若果笑料在九十年代或者奏效，但在今時今日反映卻大不如前，即使已施展渾身解數仍吃力不討好。王祖藍在片中的確是盡力演出，奈何電影即使已分為四部份來，那種重覆的搞笑實在吃不消。雖然王祖藍演出重覆，可是反觀其他配角的表現卻不弱，當中沒演出電影多時的阮兆祥與梅小惠喜劇感仍在。至於久違的吳國敬僅屬客串性質，在片中發揮不大。
整體而言，《矮仔多情》算是在劇本上為王祖藍度身訂造的電影，以段落式設定讓他在演出時較易上手。電影裡女角的徐子珊及黃婉伶均發揮不俗，至於王祖藍自己也已盡力演出，並於文戲表現帶來驚喜，奈何他的浮誇演出分量超標，而搞笑模式亦出現技窮，結果這些負能量倒令觀影易容易生厭，影響全片整體成績來。還望王祖藍日後能嘗試於演繹中減少一點浮誇，以另一款式為觀眾帶來驚喜好了。
GARY
36院收34萬都已經好過預期了，香港有很多電車男，成班年青貌美的女星一出，起碼收三百萬！
千祈不要誤會這班觀眾為看王祖藍而入場！
影迷
同意。而家仲有咁鬼多o靚模，個個水著又多o靚模迷，大家要睇嘅肯定唔會係王祖藍，就咁睇故事都覺得係無無聊聊搞下笑滿足男觀眾嘅幻想欲….
Wong仔
如果你叫我去睇呢部電影，我會抱住睇《絕世好賓》的態度去睇。
hanzimmer
點解咁多唔睇呢套戲既人會入黎屌呢套戲? 成熟d得唔得?
Gigi
睇 Poster 己經知道 selling point 在靚女，並非矮仔啦！
Audience is king！ King likes pretty & sexy girls！
Dan
影友吹水，人之常情。市場心態而己？
jason
TO 起題評論的Ryan
睇晒你篇所謂「評論」，你根本不喜歡王祖藍，所以亳不中立、句句偏見！
你連戲中角色討好、表現突出的ANGELABABY也不讚一句？
你寫得字多，近乎冇Point！壞晒腦！
hanzimmer
一個半個無所謂, 但氾濫成災, 個個貪口爽, 搞到阿婆都走黎踩一腳, 港片咪咁死囉!
nbachung
36院收34萬..算o.k喎.跌眼鏡
may
今天看到有段影評話套戲全靠王祖藍的演出救了劇本的支離破碎…..
現看版主的評論就話王祖藍演得浮誇害了部戲….
所以話,每個人都有自己的觀點,影評都是只可以用來參考而己,行文總有個人意願的,不能說誰對誰錯,只要下筆時是抱着無私無別意便成.
billybar
因為阮世生的關係，買飛看了。和想像中一樣難看，除非港產片自動加70分，否則絕對無須入場，VCD都要諗過。王祖藍浮誇滿瀉，令人飽滯反胃。劇本再幫都上唔到大，做返掌門人跟班較適合。全片唯一發現是Angelababy，確有星味。將來發展，應遠勝王祖藍。又，除電車男，不知會否有很多矮仔捧場？
奇峯
徐子珊同葉旋一樣,電視表演麻麻，不過電影表演有驚喜，睇黎TVB應該得閒放下D花旦出黎，睇清楚邊D先真係識做戲。個人建議蔡少芬同張可頤係電影上一定更有驚喜。
影迷
蔡少芬同張可頤喺香港擔正做電影…sure搵鬼睇！除非杜Sir拍可能就完全唔同！
brien
There is no doubt that many rooms for HK movies to improve. But I dont think Hollywood movies are outstanding too much than HK movies….indeed, if no CG in Hollywood movies, they are worthless.
剛看完的人
很同意此篇影評的說法
本人對每個角色的看法也與上文如出一轍
令人結舌的還是王祖藍追著雪糕車一幕….係唔係套套港產都要加呢D先叫感動呀=口=…
他與angel的著筆不多，加插過往的片段也帶不起觀眾的情緒…可能只是為了營造肥版angel 所帶來的幽默吧….
仍期待angelababy 與 周秀娜有更多更好的演出~
方紅葉
乜你覺得評論要中立嘅咩！況且呢個世界根本就無絕對嘅中立。你都係繼續睇番你嘅戲啦！
買唔到飛既人
我唔係講笑,矮仔多情,星期四去買飛無乜位剩,我同班friend本來諗住要睇王祖藍,都要轉睇transformer.
講浮誇,有人唔buy,有人buy,無得講.起碼我班friend都係想睇佢…
琴日我有同學睇完話笑到佢同佢男朋友肚痛,同埋成場都笑很好多.(佢仲話有兩個坐佢附近既人笑到好嘈,搞到佢要睇字幕先聽到o的gag)
我今日會去睇,睇完再俾cm…
SILLY
王祖藍在演藝學院 1st Honour 畢業，演藝一定 outstanding！現實社會亦有很多浮誇的人，所以本片笑料不算誇張！
網民真係...
一開頭就批死套戲話有矮仔無人會睇
收得就話係靠班女仔
唔收得就賴矮仔
咁阿矮仔表現到點都係踩架啦
一套戲收得好唔好係一班演員同幕作既功勞
唔排除有人淨為睇女仔
但亦都有人淨為睇矮仔
唔好睇少呢個矮仔
佢有好多fans
不過唔係瘋狂個種
我唔鐘意浮誇,星爺同詹基利都好唔鐘意,但係唔知點解我幾鐘意王祖藍做大耳窿,覺得佢真係唔錯.
不過我真係好怕睇浮誇,加埋一班咁既女仔,呢套應該唔會睇啦.等緊人間喜劇.
我同意祖藍正經好過搞笑,但係佢個外型真係要等一個機會去正經.睇同事同畢打佢間中做正戲真係一個眼神就有戲.
pug
唔怕生壞命，最怕改壞命，
同《神經俠侶》犯同一錯誤…
片種是喜劇~就硬生生的笑料要令人發笑
戲情~還是劉德華較適合
全片最引超觀眾共嗚有反應，
第三段《天若有情》，
因為王祖藍發揮本身專長-扮嘢搞笑本色
王祖藍真的可以正經談情令人感動嗎？
張堅庭陳友可以做主角，
王祖藍還是安安份份客串會討好的！
如果影片是王晶作品
那麽對阮世生就不會期望愈大，失望愈大…
Peter
不理高佬矮仔，靚女醜女，能吸引觀眾入場便是好片，《家有喜事 2009》 係最佳例子！
Apple
看過一篇訪問，阮世生話拍《矮仔多情》是想鼓勵番經歷過金融海嘯後的香港人，令大家開心D。
昨夜同女朋友去總統戲院睇，部戲好流暢，一D都唔悶，好多笑聲，仲有人拍手掌！
天若有情那段，笑中有淚！真係高手！
散場時，女朋友也說：這種港產片值得看，應該支持！
從這個角度看，阮世生今次是成功了！
冇特技、冇大場面，都咁好睇，贏晒啦！
D人話王祖藍浮誇？喜劇唔浮誇唔通含蓄冇表情咩？星爺、詹sir、中基…個個都浮誇啦！
有些留言者擺明唔like祖藍，唔睇就鬧，扮睇了又媽！真係心理變態了！
部戲有好多幽默之處，仲有D鼓勵人心的說話，好warm！
最大驚喜是angel和徐子珊，好正！
我會叫其他朋友去睇，至少睇完開心D！
影迷
其實香港觀眾而家需要睇乜野港產片呢？真係《家有喜事 2009》？？《矮仔多情》我唔會入戲院睇架啦，碟都應該唔會。因為對我冇吸引力！不過講開
PatPatLeo
>>香港有很多電車男，成班年青貌美的女星一出，起碼收三百萬！
問題是電車男不會到戲院看電影的…他們習慣了BT。
JIMMY
看觀眾的欣賞程度，本片收入應達到《家有喜事2009》的一半！港產喜劇一定收得！
Apple
阿影迷
你講到咁絕，出碟都唔會睇，咁你做乜鬼留言呢？有乜居心呢？睇事物咁負面，人生會快樂嗎？
(正如戲中Angel對祖藍講的一番說話！)
有破壞、冇建設；自以為是；唔識扮專家—呢D咪係醜陋的一D香港人囉！
大頭仔
王祖藍表情多多又生鬼 幾個女主角當中最有印象係徐子珊既角色珊姐 如果大家入場睇既話記得留意扮天若友情華dee個幕 而jj賈曉晨就是一貫的sexy~ 呢個王祖藍 唔單止矮仔多情 仲多計 好野 !!有幾個月無上過笑既港產片啦 呢個星期除左變形金剛狂派再起外 呢套矮仔多情都算係輕鬆既喜劇 一看無妨!!
VIV
票價加交通費，令基層影迷卻步。
現在不少影迷租影碟，一家人觀看，咁多網友討論《矮仔多情》出租率一定高！
丁丁
他那誇張的演技，適合做舞台劇多一點
影迷
我冇乜居心，我問”唔通香港嘅觀眾就係鍾意睇家《有喜事2009》同《矮仔多情》嘅港產片？”《矮仔多情》唔係我杯茶，所以我唔會入場睇，出碟都應該唔會買啦！因為o靚模我日日睇報紙都大把有得睇，至於王祖藍嘅感覺都係麻麻地，我冇抵毀成份、又冇扮專家、冇破壞、都冇建設；自以為是係有，因為我忠於自己……咁都俾人話醜陋香港人>.
vera
我又buy浮誇喎! 始終都係comedy, 而且又唔係睇電視. 不過有可能係因為我本身中意浮誇! ^^
Amy
電影和電視的表演方法和審美標準本來就不一樣，用電影的標準去衡量電視演員是無座標的、盲目的。電影要求的是視聽享受，或更高層次的是追求藝術水準，而電視要求的是通俗易懂、簡單明瞭。
葉和徐在電視作品裡就不俗，尤以葉為同輩人中的佼佼者，雖然年紀比徐還輕，但其代表作《情陷夜中環》等令其擁有廣大的電視觀眾基礎，連近期大陸火熱的《楊貴妃秘史》海選她都以高票壓倒一眾中港女星勝出楊貴妃一角，可見實力不容小看。
即能演電視又能演電影表示她們有過人的表演天賦和多元的可塑性，並不能說成是在電視裡表現差、電影裡表現好。
小美
今日啱啱睇完！又好笑！又新鮮！
我比88分！
唔明d人點解要媽渦？！
好值得支持的香港電影！
KIT
香港人要支持港產片，如果唱衰，令觀眾却步？對香港電影鼓勵，更多影片會開拍，一定有好片出現！
Manhoe
咁多網友讚好，叫好叫座《矮仔多情》應拍續集，笑片一定受港人歡迎！
祖
呢套片在不同forum, 都如這裡一樣出現類似的 “猴戲”…
Tammy
“猴戲”？六十年代荷里活喜劇電影也差不多，甸馬田，謝利路易的誇張演技，女星漂亮，大受觀眾歡迎！
ivan
I fully support you. Most of HK films are rubbish including 《矮仔多情》.
希嵐
電影分為四個部分….首三個部份分別以黃婉伶飾演的多重性格女子Christy….
請問,第4部分係咩?