昨天雖然共有七部電影開畫及內地電影《鬥牛》作特別播放，可是由於各片於吸引力上僅屬一般，加上不少觀眾期待下周四《風雲II》的開畫，令到本周再為成為票房低谷。昨天各片合共收入僅達137萬，僅達上周三分之一左右，成績並不理想。
第四周上映的《2012末日預言》雖然仍然繼續成為票房冠軍，可是已出現強弩之末的現象，於45院映152場下僅數34萬，較上周票房下跌逾半，每場人次也僅達上周六成，雖然電影上映22天後累積4,235萬，可是觀乎走勢，四千五萬不成問題，但要達五千萬恐怕機會不大。
新開畫電影當中，以懸疑驚慄片《檔案39》成績較佳，26院映123場下收約21萬。然而，電影在賣點上感覺一般，故此每場人次也只達約28水平，相信電影也許在周末有點爬升，但在下周上映《風雲II》下，累積票房上恐怕難有作為。
華語電影《花木蘭》與《跳出去》雖然票房分別位列第四及第五，可是兩者每場人次僅在14的低水平，開畫較佳只是「以量取勝」的結果。當中馬楚成執導的《花木蘭》在34院映155場僅收13萬，每場平均僅為852元，當中三家戲院收入不足一千，各院最高收入也不足一萬。雖然電影屬古裝大製作，可是其趕客的宣傳與欠缺在港具叫座力的演員演出卻成為票房的致命傷。
同樣表現不佳的還有馮德倫執導的內地電影《跳出去》，安樂發行安排電影首日於28院映140場，錄得近12萬的成績，每場平均僅較《花木蘭》多出四元。《跳出去》雖然是周星馳監製，可是電影因陳冠希事件將其男主角換上立威廉，令觀眾對其電影有點負面感覺，再加上電影在港全線以粵語配音版上映，流失大量追求原音的觀眾，恐怕繼後走勢難以樂觀。
西片方面，泛亞的《9》首天以15院映73場作中形發行仍未有好表現，錄得票房六萬五千，每院平均也較前述兩部華語電影相若。《9》雖然是動作類型，可是造型上並不討好，而且近期已有《魔幻聖誕頌》吸納其相近市場，結果令《9》於市場上欠競爭力。相比之下，日本動畫《福音戰士新劇場版：破》卻因為有著大批動漫支持者下，首天票房十分理想。雖然電影僅於八院映41院，可是票房卻達十萬六千，每場人次更高達43，成為全日各片之冠。《福》片屬粉絲向類型作品，繼後走勢還是看入場情況。
小眾發行電影方面，安樂發行的《腦作大業》首天於百老匯電影中心與Palace IFC各映五場下，錄得近萬五的成績。電影以《無痛失戀》編劇初執導配上演員菲臘西摩荷夫曼為賣點，對準了目標市場令開畫理想。同樣是兩院開畫各映五場的《潘作良》，在無聲無息近零宣傳下開畫，全日僅收三百四十元，平場每場不足一人入場，可說是極為慘淡。影藝戲院上映兩場的《鬥牛》票房不足百五，同樣也極不理想。
John Chow
看了一下票房和戲院數目
花木蘭昨天沒有34間戲院甘多
昨天係netvigator那网睇過, 得20間戲院咋
Ryan
要數戲院數目, 請翻查明報「港九戲院聯合廣告」, 不要單以網上說甚麼也當是真的好了.
John Chow
甘就仲奇怪,同一网站, 票房數就無錯, 只有戲院數有出入? 而且就當昨日明報果個數無錯, 甘點解甘日,榜上果10部電影,戲院數目全係少 左呢?唔係應該有少就有多嗎?
唔好誤會, 唔係質疑你, 係覺得好奇姐
Ryan
相信係上映戲院資料未齊所致
阿黃
花木蘭佢地响香港簡直係 0 宣傳, d 主演同導演都冇出黎冇哂影, 都有 13萬算唔錯喇; 風聲 d “巨星雲集” 既主演黎哂香港開 Party 造首映, 首日咪又係得 14萬, 仲係英皇做發行既 tim …
Charmaine
《花木蘭》又係陳坤和趙薇，真係睇到想嘔，無新鮮感，加上趙薇外形唔討好(好多人話佢個樣似師奶)，已經唔想入去睇，上次《畫皮》佢做賢妻良母，完全符合佢形象，但今次真係唔係好0岩佢style。
至於《9》，真係好無辜，本身是一個加州大學學生的畢業作品，是一套短篇動畫，只有11分鐘左右，我睇過，好好睇，好緊張刺激，唔知改成長篇動畫會變成點……但我都覺得可以入去睇一睇，唔好畀個公仔外形影響入場意慾。另外，它跟《魔幻聖誕頌》完全不同，至少故事不一樣，《9》是一個冒險故事。
其實《跳出去》肯用番陳冠希演的版本，或者票房會好D，因為他是話題人物，有點宣傳作用，將男主角換上立威廉，我都唔知立威廉係乜水，連talking point都無埋。
九妹
你冇事呀嘛, 陳坤同趙薇先系第二次合作咋噃, 有好多人合作咗3、4、5、6、7次都系咁喇~~
趙薇既外形對你(或你所講既好多人)黎講唔討好, 咁你咪唔好睇羅, 冇人逼你架~~
香港人不嬲對大陸戲都有一層白鴿眼, 大陸人第一孭飛既戲不嬲都冇好票房架啦
機器俠開畫日10萬, 非常完美開畫 8千3百, 風聲首日 14萬, 女人不壞 6萬
如果好似你咁講, 但花木蘭都竟然有 13萬 開畫, 咁真系實屬難得啦.
Lily
香港人對花木藺的故事太熟悉，入場意欲低？
Ada
日本動畫《福音戰士新劇場版：破》有大批動漫支持者下，隨時爆冷在星期六、日共收一百二十萬，埋單收二百萬。
Charmaine
九妹，你係趙薇還是陳坤的Fans呀~~~???還是大陸電影的支持者~~~???
哈哈……我無惡意喎，唔使咁激動。
無錯， 陳坤同趙薇先係第二次合作，但之前傳緋聞/睇新聞，出席一些活動，已經見佢0地合作好多次，不久之前又有，無新鮮感。況且如Lily所說，個故仔熟到爛，電視拍過，動畫上過，電影不知之前有否拍過(請各位電影專家指點一下)，只能說，這個故事，差不多拍到爛，馬楚成這套沒有新觀點，基本上，沒有selling point。
有13萬開畫，我根本唔關心，我只關心電影故事有無新意，13萬開畫難得與否，見仁見智。
“香港人不嬲對大陸戲都有一層白鴿眼, 大陸人第一孭飛既戲不嬲都冇好票房架啦”—>我唔否認香港人對大陸電影有些偏見，但大陸電影在香港上畫，都係97回歸之後比較多，而同時宣傳又不多，我都好欣賞張藝謀的，，趙本山的。但，通常我都係睇電視重播，佢0地上時，我都唔知，又或播的戲院唔就腳，而無去戲院睇，那些所謂大陸大製作，又真的非常”難睇”，質素奇差，點啃得落???你跟馮小剛一樣，對香港人有偏見呀，將大陸電影唔收得的責任，全部歸咎於香港人有”白鴿眼”，只要套戲有料，宣傳又做足，香港一定有人識貨。
“趙薇既外形對你(或你所講既好多人)黎講唔討好, 咁你咪唔好睇羅, 冇人逼你架~~”—>我只係轉述其他討論區/其他人的言論，我都無表達過趙薇醜，我只係話個形象唔0岩佢，你想多0左啦……況且，我真係無打算入場，我只關心上幾耐，希望佢唔好阻住戲院個檔期，2009年我最期待的一套戲，現在還未上，等待中……
Charmaine
Sorry~~~更正一下：
九妹，你係趙薇還是陳坤的Fans呀~~~???還是大陸電影的支持者~~~???
哈哈……我無惡意喎，唔使咁激動。
無錯， 陳坤同趙薇先係第二次合作，但之前傳緋聞/睇新聞，出席一些活動，已經見佢0地合作好多次，不久之前又有《畫皮》，再來一次，已無新鮮感(隔耐D會好D)。況且如Lily所說，《花木蘭》個故仔熟到爛，電視拍過，動畫上過，電影不知之前有否拍過(請各位電影專家指點一下)，只能說，《花木蘭》這個故事，差不多拍到爛，馬楚成這套《花木蘭》沒有新觀點，基本上，沒有selling point。
《花木蘭》有13萬開畫，我根本唔關心，我只關心電影故事有無新意，13萬開畫難得與否，見仁見智。
“香港人不嬲對大陸戲都有一層白鴿眼, 大陸人第一孭飛既戲不嬲都冇好票房架啦”—>我唔否認香港人對大陸電影有些偏見，但大陸電影在香港上畫，都係97回歸之後比較多，而同時宣傳又不多，我都好欣賞張藝謀的《我的父親母親》，《一個都不能少》，趙本山的《落葉歸根》。但，通常我都係睇電視重播，佢0地上時，我都唔知，又或播的戲院唔就腳，而無去戲院睇，那些所謂大陸大製作，又真的非常”難睇”，質素奇差，點啃得落???你跟馮小剛一樣，對香港人有偏見呀，將大陸電影唔收得的責任，全部歸咎於香港人有”白鴿眼”，只要套戲有料，宣傳又做足，香港一定有人識貨。
“趙薇既外形對你(或你所講既好多人)黎講唔討好, 咁你咪唔好睇羅, 冇人逼你架~~”—>我只係轉述其他討論區/其他人的言論，我都無表達過趙薇醜，我只係話《花木蘭》個形象唔0岩佢，你想多0左啦……況且，我真係無打算入場，我只關心《花木蘭》上幾耐，希望佢唔好阻住戲院個檔期，2009年我最期待的一套戲，現在還未上，等待中……
?
有冇人知EVA序既票房?
shtmanhk
開畫票房:
凶兆 99萬
鬼眼 73萬
孤疑 49萬
捉謎藏 36萬
檔案39 21萬
———
女人不壞 6萬
深海尋人 8.4萬
風聲 14萬
花木蘭 13萬
———-
少林少女 17萬
跳出去 12萬
—————
女姓擔正的華語片似乎都只在10多萬上下徘徊.
新聞
EVA序既票房:HK$139,527
香港 – 2008年4月3日公開[47]から4月27日までで139,527ドル
Source:
http://ja.wikipedia.org/wiki/Search?search=%E3%83%B1%E3%83%B4%E3%82%A1%E3%83%B3%E3%82%B2%E3%83%AA%E3%83%B2%E3%83%B3%E6%96%B0%E5%8A%87%E5%A0%B4%E7%89%88%3A%E5%BA%8F
shtmanhk
首15日累積票房(單日票房):
沖天救兵 2406萬(58萬)
超級零零狗 1357萬(13萬)
天煞撞正怪怪獸 1265萬(14萬)
超鼠特攻 908萬(?萬)
魔幻聖誕頌 959萬(15萬)
——————-
首8日累積票房(次周四單日票房):
20世紀少年2 180萬(7萬)
20世紀少年3 109萬(5萬)
——————–
首8日累積票房(次周四單日票房):
誘心人 147萬(14萬)
華麗孽緣 117萬(8萬)
瑪麗皇后 53萬(4萬)
隔代廚神 69萬(4萬)
——————–
隔代廚神 line up 有 UA,反而 GRAND 欠奉?
shtmanhk
2012第22日單日票房仍逾30萬其實也是不俗,強弩之末與否則見仁見智.
相比起 黑夜之神 及 無間道 第22日單日票房近60萬是有所不及,所以2012要如兩片般收多800萬-900萬埋單已沒甚可能.
第22日單日票房 功夫 及 變形金剛近30萬,相距埋單可收多 400萬-600萬. 2012 有望一如2004年明日之後,打敗
spider man 2 及 harry potter 3 ,成為當年聖誕前(功夫)的全年票房冠軍.
首22日累積票房(單日票房):
功夫 5493萬(28萬)
黑夜之神 4916萬(57萬)
魔盜王3 3956萬(16萬)
盜墓迷城2 3713萬(18萬)
變形金剛 3609萬(27萬)
魔盜王2 3374萬(19萬)
達文西密碼 3280萬(12萬)
長江7號 4965萬(15萬)
無間道 4738萬(60萬)
頭文字Ｄ 3732萬(7萬)
2012 萬 4235萬(34萬)
shtmanhk
隔代廚神 梅莉史翠普 + 當紥姐仔 是再用多次 the devil wears prada 的成功 formula (兩片也同於北美暑假上映及主打OL女性觀眾),北美收近一億,比同期主打女性觀眾的 單身大急救,心跳500天,時光旅的戀人 票房更理想,僅不及 求婚的惡魔.但本地開畫仔卻以小規模發行,遠不及上列各片.
另外 梅莉史翠普 憑此片成為明年 oscar 影后大熱之選,但宣傳上比過去安樂小規模發行的 華麗孽緣,瑪麗皇后,誘心人,叛逆激情 遜色得多.在發行及宣傳上如此留有一手,似乎對此片本地的商業價值有所保留.本人估計 隔代廚神 明年 oscar 前後有可能再度公映,安樂以往也做過.
JJ
2012截至2009年12月6日總收$4458萬.在周末和周日2天共收超過180萬.假日票房的爬升能力十分之高,比周四升了約2.7倍.
但周四開始上映”風雲II”,2012的戲院將大幅減少.無論2012最終能否成為2009聖誕前全年票房冠軍,現在的票房數字已是十分成功了.
明
HK filmart.com 寫
福音戰士新劇場版:序
Evangelion: 1.0 You Are (Not) Alone 871,282
http://www.hkfilmart.com/weeklyboxoffice.asp?wbid=462&go.x=27&go.y=5
http://www.boxofficemojo.com/intl/hongkong/?yr=2008&wk=17&p=.htm
邊個先係正確??