藝人的發展不一定是一帆風順，有部份藝人有著不同時代的高潮與低潮，當低潮過後又來新的高潮，也許大家希望他們能重新把握這個機會。
今次的期望，則落在何家勁的身上。
要談到何家勁的出道，可以數到一九八二年，當時他報讀第一屆亞視藝員訓練班，並於八三年簽約亞視，同屆畢業還包括了黃秋生。曾演出的作品包括八四年的《靈氣迫人》、《八五年的《夏日福星》及八七年的《東方禿鷹》等。
八十年代後期，何家勁在香港電視圈發展平平，於是轉戰台灣，九三年憑華視《包青天》一劇，不止令他在香港再被注目，也為他帶來演出機會，當中包括九四年的《清官難審》、九五年的《爆炸令》、《虎猛威龍》及《真相》。也許他憑其《包青天》的「展昭」為人認識，故此給他演出的大都為動作類型。可惜的是，各片的製作平平，結果他演出的電影在票房也沒有好的成績。隨著《包青天》的熱潮減退，把他在香港影壇再次跌進低谷。
到了今年，何家勁將會於彭氏兄弟執導的《風雲II》飾演的無名再次重踏香港影壇。無名於片中也算是重要角色，無屆半百的何家勁，且看又能否今回藉無名一角，再次獲得繼後香港電影演出的機會。
路人一個
何家勁的展昭實在太帥了
即使我是男生，但以前也很迷他
可惜正因為展昭太深入民心，觀眾未必能打破對他的既定印象
no.12
無名 / 華英雄 這些角色個 樣/型格 根本就係何家勁來既！
佢演這類角色好過鄭伊健百倍！
灰先生
還有《獄中龍》。他亞視劇集演華英雄是極之神似,而《風雲》的無名跟華英雄基本上是一樣樣, 所以效果已能預期。
Rat
全部紅個角色唔紅人, 證明佢本身根本無character可言
nicnic
當年既華英雄真係好型,配上葉玉卿,易天照同關詠荷等,都係可一不可再既組合,當年無任何特技,但亚記依然有心有力拍呢些可以話係十分出色既劇集,但如今就愈搞霉,都唔做點解…
演員既際遇無得講,兩年前都無人諗到黎耀祥可以紅成今時今日咁,有時就係要等一個角色同機會。
Paul ng
當年《古惑仔》電影系列, 最初都係找何家勁扮演男主角陳浩南, 可惜何家勁無檔期(要在內地拍電視劇), 結果才被鄭伊健執二灘.
nbachung
好似聽鄭伊健訪問..題過原本在想找劉華做.唔記得咩原因冇做.
老友記
當年被宣傳為香港西城秀樹，他演過一齣電視劇叫再見狂牛的一幕接吻戲好有印象，鏡頭見到他與女演員的……好多年之後他再演展昭先知道原來他一直沒有離開幕前^^
大him
可惜他今回遇著個黃金甲溪仲文…
把本來他十分配合的無名/華英雄的角色造型..改到成個乞丐咁…
Simon
同意, 其實何家勁個樣就係典型八十年代港產漫畫男主角樣貌, 粗眉大眼鷹鼻, 當年佢就咁”笠”個白假髮就已經係華英雄, 今時今日個樣再成熟啲, 染白啲頭髮加啲鬚已經ok, 依家攪咁多野做乜?
obi-den
除了電視劇中華英雄外，我好鍾意睇佢響亞視嗰套馬永貞！
Tuss
我好同意，改篇馬榮成漫畫的影像作品中，我覺得CASTING最神似就係何家勁＋羅頌華的華英雄父子，鄭伊健＋謝
Paul
何家勁重有演警察故事二!!!!
小黑大王
我認為米馬榮成係照何家勁個樣來畫華英雄/ 無名的。
JJ
本人是看麗的亞視大的,睇住何家勁出身,由”再見狂牛”和”大將軍”開始已有留意佢,當年還有買”再見狂牛”那部電視劇的錄音帶,他也親自作曲作詞,可說多才多藝.
跟部份亞視有出色條件出身的藝員一樣,在香港演藝界很難大紅,不知是什麼問題,有點迷信似的.最紅那個都算是萬梓良,後期能在香港電影圈算是不錯.
如果何家勁和莫少聰這樣先天性條件那麼好的男藝人,如在無線出身的話,當年的五虎將或四大天王的成員也可能改寫.
看著一些在無線混了多年的中年男藝人先天條件都比何家勁差的都慢慢可大紅,包括陶大宇,歐陽振華,黎耀祥等.真不由你不信,在無線演出是多麼重要.
何家勁還算演展超紅過一段長時間,但莫少聰真的是十分可惜.
老友記
也有朋友由麗的留意到何家勁^^我當年也有買到他的唱片，他唱歌都幾好架！不過我忘記了他自己作了…..只記得有一首叫”方小敏”！
我同意如果他在TVB的話，香港觀眾可能會更認識他，他的機會、知名度會更高(在我們認識的範圍裡)，始終TVB一台獨大……不知道何家勁在台灣與大陸的歡迎程度如何？
JJ
何家勁在”再見狂牛”那電視劇錄音帶為”今生未了緣”作曲,作詞和主唱.
shtmanhk
除了萬梓良,仲有張家輝.
莫少聰代表作至少有部中國最後一個太監,起碼有金像獎提名.
JJ
萬梓良,張國榮都是亞視出身,但其後轉去無線才開始紅.張家輝應從來無在無線拍劇?都捱到今天才能出頭,算是異數,但跟當年何家勁的條件比較仍相差很遠.
另一異數例子是陳啟泰,在無線出身,但卻在亞視憑”百萬富翁”走紅,但他雖是演員出身,但是以主持人身份走紅的,而且是中產和智慧的形象,不算是演員範疇.
極速傳說
張家輝在無線拍過”金裝四大才子”
Will
200% agree!!!! i still wish that the old movie “中華英雄” he should have play 華英雄, really hope there is 中華英雄2
球証
張家輝連視帝都角逐過,點會無拍過無記膠劇?
Simon
張家輝係喺無線拍嗰套”天地豪情”先彈起o
講返何家勁, 佢喺大陸都好紅吓, 當然其中一個原因係佢耐唔耐都碌吓展昭張咭. 佢個blog.
http://hejiajinbk.blog.sohu.com/
Simon
早期《古惑仔》漫畫的封面, 陳浩南同山雞嗰樣一路係跟劉德華同梁朝偉畫, 所以一開始話拍戲嗰時真係有諗過搵佢兩個演, 但最後唔成事變成鄭伊健同陳小春o
其實當年展昭呢個角色何家勁都係執二灘, 最初選角時製作人係諗住搵黃日華來演, 最後又係檔期原因, 結果個角色落係何家勁度, 世界難料……
大家有冇呢類執二灘傳聞share吓? 或者blog主開個主題傾傾?
JJ
所以能在無線拍過劇的藝人,對將來在電影圈發展是十分重要的.如從來無在無線拍劇,要在香港大紅十分十分困難.這是過往的定律.
何家勁只在亞視拍劇,香港難大紅,不代表在大陸和台灣不能大紅.70和80年代,亞視劇在中國大陸其實十分之流行,在香港不紅不影響在中國大陸的人氣.所以何家勁在多年來在大陸應也累積不少fans.
JJ
根據今天經濟日報報導,馬榮成當年在”風雲之雄霸天下”後已有”再見無名”的劇本故事,想找劉偉強拍,但最終不了了之.希望這部電影能有機會重見天日,名正言順找何家勁當主角拍成.如果”中華英雄”有第二部,也希望何家勁能正式演電影版的華英雄.
YamapiDaisuki
佢今年都有和金超群重拍《包青天》﹐這個展昭幾乎同十幾年前一模一樣
文若
超厲害，原來那麼多人和我一樣，都認為何家勁是華英雄（無名）的不二之選。
YamapiDaisuki
梗係啦﹗當年搵Ekin拍時﹐我嬲到震
Simon
當年拍電影版”中華英雄”好似都幾乎鬧過雙胞, 當時傳過徐克想搵郭富城演華英雄, 但由於文雋劉偉强呢個組合好成功, 文傳將版權賣俾”最佳拍檔”, 徐克拍唔成o
yung2
睇風雲2有好大成因係想睇何家勁, 佢真係好掂!! 保養得好過兩位主角, 同當年扮華英雄個樣差無幾, 成為片中最型最man最靚仔同最不老的男演員.
gman
吳彥祖無拍過無線劇，算係異數
JJ
吳彥祖不算數,吳彥祖是電影圈出身,我主要所指是,只曾在亞視或麗的當演員的,無在無線當過演員,其後進軍電影圈或歌壇,在香港很難大紅.
李仔
中華英雄首主題曲都好正:
http://v.youku.com/v_show/id_XMjkzODE0MDA=_pmo.html
另一首,初出道巴 “也許” 仲正!
http://www.youtube.com/watch?v=e9bhXzsRi9o
李仔
中華英雄首主題曲都好正:
http://v.youku.com/v_show/id_XMjkzODE0MDA=_pmo.html
另一首,初出道首 “也許” 仲正!
http://www.youtube.com/watch?v=e9bhXzsRi9o