《阿凡達》上映至今，可算是出現了一陣撲飛潮，IMAX版本無論是UA Megabox還是iSqaure都爆得緊要，就連大部份戲院的數碼3D版本銷情亦十分旺盛。可是，《阿凡達》真的是一票難求麼？其實也不是。
上圖所見，便是九龍灣影藝戲院播放的《阿凡達》，今天即使是黃金場次下午三時五十分，至今賣出戲票也只剛過十位，吉席處處，絕對不用預售也可購得理想位置。然而，這家戲院播放的，則是沒3D效果的35mm版本，片長關係票價上調三成至六十五元。比起3D版本需要近百元甚至過百元一票來說，絕對平了一大截。
當然，對很多觀眾來說，2D與3D的感受當然大不一樣。可是，當3D版本熱賣到難以撲飛之時，大家又會否退而求次，選看2D的普通35mm版本呢？
悟樂
我同意呀~~~
廣告有尐作大了~~~~~
JJ
似乎有不少人已忘記了九龍灣有間戲院叫淘大影藝,連”阿凡達”這樣的大片也不旺場,不得不為這間戲院的前途擔憂.
Elvis
用來引起話題的手法罷了….
飛天火羽
3D 真係好正~ 或者外國情況唔同掛~
Tony
本人開畫首日看了3D版, 觀看時一度想, 2D版效果如何, 之後星期六收到兩張2D版換票証, 只在這五間院可用, 而且要到1月7日(第4周起)才可以使用, 我會看多次2D都照殺, 不過如果到時華懋是3院就真是唔好了.
folium
近期想睇都係爆滿，唯有等下先。睇過UA東薈城（35mm版）都係好多位，不過都係冇心機過去睇…
李仔
反而呢兩日(五及六)見到粉嶺戲院/元朗戲院,做阿凡達都有8成滿….
而小弟有去寶石(四)睇十月圍城同元朗戲院(五)睇福爾摩斯,均有9成入座!
bally
大家都明白這套片若不看3D就沒意義了…
shtmanhk
現在的影藝己非昔日的影藝,有其名,無其實,個人對其前景如何已不太在乎.
山本
本人於上周2去九龍灣睇阿煩達 本身想去mcl但 all full house 之後行到影藝博博 點知有得睇普通版 仲要係特價55蚊添 正
JJ
影藝現在已成為一間無關痛癢的戲院,同區買不到票才去看看,情況比起百老匯時更不滯.如果仍是由安樂經營,應未至於現時的景況.位置差很多的megabox生意也比影藝好,MCL德福的開業令淘大影藝加深邊緣化的程度.
現在影藝的情況是兩面不討好,既不能推廣本身的中國大陸電影,又不能在大片身上得到旺場,真的很擔心.
若要維持活力,真的要放映向來在這間戲院較受歡迎的家庭片,還要減價和推出家庭套票才能維持.
molittlemo
我就係因為買唔到飛..
搞到要係星期六晚星期日朝..
係amp係1:00am個一場
都有50%左右入座率.
AI
其實3D看到隻眼好累,我看個時忍不住睡了= =
其實這套是一齣好的電影, 不是3D都值得一看
Raymond
其實，影藝應發展為一家家庭影院，早場放映舊片款待長者，午間款待家庭主婦，晚上才上映商業電影。以影藝的位置及對區外人交通不便，無法復活灣仔影藝的了。
以影藝的背景，其實有很多片可選的。維園阿伯喜歡看的電影，影藝可以在早場放映。當年長城、鳳凰的老電影去了哪裏？中聯的電影也很好看啊。
Tony
我未看過這間九龍灣影藝, 或前身百老匯, 想知銀幕是否小得很?? (我的2D阿凡達可在1月7日起在此院看, 新德福MCL看過幾場招待場, 連UA megabox也未看過, 因為去郎豪太方便了.)
華仔
寶石有九成入座係真唔係呀~
華仔
現時的影藝間中都有招待場,都係放映得利發行的電影.
ed
Happy New Year!!!
球証
阿凡達套片係賣特技多過賣劇情,十居其六七既人都話一定要睇3D版,仲要係指定果兩間…
所以,如果阿凡達唔係有3D版,相信成績唔會好過”鐵達尼號”
Rat
呢間野根本就hea做, 怪不得人…
lc
我住淘大,之前去睇風雲2,真係可以包場咁滯!
阿薯
人地絕大部份製作成本都花係3D特效上面, 唔睇3D又點感受倒呢套戲既震撼感呢? 情況就有如我比段full hd既片你睇, 有得你睇42吋, 但你就死都要話要擺係果部得幾吋既mon既pmp度睇, 真係個人選擇喇