近年隨著傳統大戲院結業，香港電影播放已變成了多銀幕的複合影院（或稱迷你戲院）為主導，加上近年電影發行更傾向多院同映的開畫策略，結果複合影院一部電影或會在超過一個銀幕播放。不過，這個情況的開場時間處理，也有其箇中哲學。
最初實行這個模式的，可以追溯至九十年代初如UA沙田、UA黃埔、UA金鐘及旺角百老匯（當年仍稱為百老匯戲院）等戲院。當年便有著兩種模式。UA院線傾向以同時間開始多於一個銀幕播放，而百老匯則播用不同時段播放。
舉例說，當年播放《鹿鼎記II神龍教》優先場，UA黃埔於黃埔廣場A院及B院同時於下午四時十分播放。至於百老匯戲院，則安排一院於四時二十分播放，二院於三時五十分播放。
前者好處是可讓戲院提供更多座位，不過後者卻更能顯示複合影院在上映調動的靈活性。而此舉卻更能吸納非傳統時段欲觀賞電影的觀眾。
由於兩者各有優劣，故此時至今天，兩組模式依時出現同時並用的情況，不過會先以後者為主導。例如《蜘蛛俠3》為例，觀塘Palace apm四家影院同放，便播用了三組不同播放時段，其中一組時段由兩家戲院同時播放的方法。
Ryan
MM: 謝謝補充。這類資訊相信絕大部份朋友都不知道，謝謝讓我們大開眼界。
andy2046
迷你戲院有時令人好迷茫
一．
要上幾個不同的院線網站分析那個上映時間
合適自己
二．
去到戲院要搵正確的”House”
我見過不少人入錯”院”
三．
訂票仲要諗有無信用卡免手續費
Vond
UA金鐘亦出現過一日上十六場《蜘蛛俠》，令人嘩然。如此做法亦減少了電影的選擇。
Ben
最近蜘蛛俠3，又一城一日做35場…
歴蘇
唔仲意迷你戲院, 好似睇電视咁…
Jimmy
“同時間開始多於一個銀幕播放”呢種方式如果有2個院一齊播…咁係用1個拷貝定2個拷貝架?
Ryan
andy2046: 其實有幾個理由搞到咁
上映時間，外國入門網站會提供一站式服務，但香港卻各自為政。
至於入錯house，最主要係因為開場時間太近所致
訂票收手網費幾乎係全球趨勢了
Ryan
Vond: 其實一天多場就是院商向錢看的結果了。
Ryan
Ben: 七家戲院開至少五家，真係嚇人。
Ryan
歷蘇：外國有些迷你戲院，都過五百座位的，只是香港租金太貴而無緣見到而已。
Ryan
Jimmy: 部份新式戲院，其實可以一個拷貝共用。
寶連
“前者好處是可讓戲院提供更多座位，不過後者卻更能顯示複合影院在上映調動的靈活性。而此舉卻更能吸納非傳統時段欲觀賞電影的觀眾。”
其實唔使諗到咁深,分開唔同時間,可以返兜d趕唔切即場0既人,同埋而家d人都鐘意即興睇戲架嘛,咁咪隨時都有套戲可以睇囉…
Ryan
寶連: 睇戲院囉, 旺那些, 即場很多時是購不到票的
MM
我諗大家好似諗到好簡單咁，
不過其實編排時間係有好多野要諗。
上面提及而家既片，
一係就同時間多間院一齊上，
一係就唔同時段上，
其實最主要要睇幾個因素。
第一，係間戲院本身可以拎到幾多個 reel~
reel 即係拷貝，如果得一兩個 reel 既，通常都以同時間播為主。因為避免搬畫時既會有危險。
第二，就係間戲院可唔可以玩所謂既”走畫”，
傳統既戲院通常會將o的拷貝逐餅逐餅咁駁埋一齊然後經過放映機播，
而新式既可以利用兩個機頭，即係一個機頭播 reel 1 ，第二個播 reel 2，播完 reel 1 之後就拎去第二間院既機頭播 reel 1 如此類推，咁o個間戲院就可以分開唔同時間播
例如 amc又一城係唔可以玩走畫，所以如果佢得一套拷貝既話，就會玩 interlock，即係幾間院同一時間播（當然一間院去另一間院會有分幾鐘delay啦），同埋1、6院係唔會做到 interlock（因為環境所限）
Ryan
MM: 其實做interlock都要睇戲院配合。當年UA沙田為例，當以3,4院一齊播，而UA金鐘則是C,D院。
MM
interlock 基本上要睇下間戲院本身可唔可以將一套片由一部機過另一部機。
例如旺角百老匯 interlock 一係就 1、2、3 院、一係就 4、5 院，而唔可能 1 interlock 4/5 etc.
又一城既除左 1、6院係唔可以同其他院 interlock 之外，2、3 院可以 interlock、4、5、7 院亦可以 interlock~
至於 PP 就 either 4、5、6 interlock 或者 1、2、3 interlock，因為放映室有兩邊既關係。