今時今日，戲院尺金寸土，部份戲院的所謂大堂就只有一個舖位般大，要佔用商場通道才感覺沒太過難看。不過，今時今日仍未結業的豪華戲院，除了有地下大堂外，還有入場後的上層大堂，而且大得十分緊要。
「講。鏟。片」情報人員上周曾到此一遊，大家一齊看看情況吧。
對於來去匆匆的朋友來說，也許最有印象的就只有這個往上的扶手電梯。
細心看看佈置，其實戲院有著一個下期放映及兩個不日放映的相片櫃，可惜今時今日當發行商只於最後一劇才提供劇照之時，位置也只好重覆地貼著海報。
雖然是在十月初到訪，可是籨大堂另一邊箱的擺設並不見得，八月份上映的《翡翠明珠》與《全城戒備》仍存在已不足為奇，連正版影碟也推出的《波斯王子：超時空之戰》已十分離奇，但竟然農曆年前已映的《孔子之決戰春秋》仍屹立不倒，不知周潤發又會有何感想。
其實，回到舊的戲院，真的有懷舊的感覺，就連戲院大堂的擺設也是如是，大家也許該專程去一趟好好珍惜了。
cw
我都經常來這裡看電影, 不用畫位, 票價又平, 大銀幕, 隨時即買即睇, very good!
安素
剛時搵到個網頁，仲以為有得上網買飛添，哈哈~~
p.s.嗰兩個院真係大到爆(有平面圖)~~
http://www.theatre.com.hk/cinema_ch.asp?id=4
shtmanhk
陳榮美:豪華戲院等到適當時候，都可能會拆
(最高峯時期，他旗下有廿四間戲院)
http://hk.apple.nextmedia.com/template/apple_sub/art_main.php?iss_id=20101007&sec_id=12187379&subsec_id=13277372&art_id=14526585
(內文另談海運戲院)
迷挑小書童華安
如果重新裝修，專做平價3d （即類似MegaBox），我覺得有得做的！！！
雖然旺角內「算」遠左少少，但都叫十分鐘內到旺角火車站…
華仔
我住油麻地,豪華91年開幕時我已經和家人到此看的第一套戲係神算,看周星馳的賀歲片在當時基乎是指定動作,記得當時周星馳的賀歲片會在新寶和金聲院線聯映,新寶院線映期會比較長,金聲院線播一星期多後就會播另一套賀歲片,豪華的一,二院都會同時放映,好多時兩院散場時條街有成千人真係唔講得笑…不經不覺豪華.到現象我都對豪華不離不棄,每逢有新片上映都會光臨睇二十元早場.
談開上層大堂我都有幾樣野,相片櫃旁邊的出口以前是沒有鎖的,但我都試過幾次見有人在出口行上來再由此門口進入大堂從而睇霸王戲.至於另一邊放電影廣告板的位置在多年前是小食部,記得有汽水和爆谷賣(和金聲小食部相似)但97年港產電影低迷連小食部都沒人光顧(和現時華懋地下大堂小食部相似)記得九九年上喜劇之王時小食部已經結業,不過就在此小食部位置發售過喜劇之王屎撈人公仔.可惜銷售情況不佳.二千年後位置就一直丟空至近年放電影廣告板.豪華戲院是現今香港僅存的舊戲院,希望大家都可以到來光臨.
JJ
豪華戲院當年開幕,算是一間有水準的戲院,除了多位外,也設置當時不是每一間戲院都有的杜比立體聲系統,到1994年更有dolby digital的系統.只是一來戲院空間太大,吸音一般,聲效打出來不夠實,不像同樣空間大的海運音效好.豪華當年也是本人常去看電影的選擇之一.
Man
有一個問題令人卻步…
如果各位有係豪華睇5:30之後既場次，都會發現有好多觀眾會係入面食煙。無員工會阻止，令到我呢d唔太想受煙既觀眾少左去呢度睇戲。
Man
有一個問題令人卻步…如果各位有係豪華睇5:30之後既場次，都會發現有好多觀眾會係入面食煙。無員工會阻止，令到我呢d唔太想受煙既觀眾少左去呢度睇戲。
kennyyou
以前呢個位係有個小食部架, 後尾生意太差才執左咋
kennyyou
我真係唔覺喎……差不多個個星期去啦喎, 就算係…咁大間戲院, 人又唔多, 咁多煙到你, 不如移民把啦
華仔
不止5:30,連早場都見過有煙民在電影播映期間公然抽煙,五月看葉問2好難先游說到弟弟和他女友跟我到豪華睇9:30(其實是整個旺角區戲院都爆滿他先跟我過來)當晚有接近三百人睇,當晚就正正有三男一女遲入場的青年坐正我前面,在電影開始不久後就開始抽煙,我和弟弟和他女友都以最大的容忍度看畢整套電影,當時好想葉問上身打低呢四個人,散場後被弟弟一沉百踩豪華說以後不會再來,我聽後真的感到不是味兒.
華仔
二千年前新寶院線的戲院在開場前都有音樂播放(記得連x檔案音樂都有)連銀幕前的布幕都會在電影播放時開啟.二千年後開始戲院已經沒再有音樂播放,連布幕都已經沒有啟動過了.現在只有海運在電影開場時打開銀幕前的布幕.
豪華在二千年後在開場前會播直昇機的杜比立體聲標誌片頭,當時看到此標誌時心情都為之一震,後期就播放過水滴的杜比立體聲標誌片頭,但幾年前開始已經沒有再播放了.
戲院人
豪華如果閒日冇乜人絕對可以考慮
有人食煙都有位走,
如果多人果陣,好位都俾人坐左,果場真係硬食二手煙
shtmanhk
港鐵也十分鐘內到
小黑大王
坐成千人的戲院已經好少有。值得去懷緬以前一齊睇笑片，一齊笑的感覺。
JJ
當年新寶西片線中,豪華是我首選,因質素是最好,在市區,去UA沙田和黃埔比較麻煩.