正當黃百鳴與王家衛因拍葉問題材電影而引發罵戰之時，內地網站則訪問了王晶，坦白一句各拍各便可以。
的確，本來是那麼簡單的是，卻何以這樣變成鬧劇一場？
其實無論大家對於這三名製作人有何評價也好，不過無可否認的是，他們在近廿年來，對於香港電影行業仍有一定程度的貢獻。王家衛集中於外地影展市場、黃百鳴則是在開拓內地市場，至於王晶，即使到內地市場也好，在香港市場上仍有一定的支援，不然香港電影早已於九十年代末變得凋零。然而，各種貢獻背後有沒有相關的後遺症，則不在今天討論之列。
電影行業的罵戰時有發生，大都是因為意氣之爭而引發。細心一想，以目前拍攝情況，黃百鳴的一部必會先上映，而當王家衛的上映之時，倘若有信心拍得好過黃百鳴那部，根本不用擔心有珠玉在前，而且他的獨家品牌也已夠一定號召力。
一場無謂的罵戰，也許換來一時的話題或報章新聞，但同時給予觀眾對於整個電影行業負面評價，得不償失。
Ryan
董小玥：這點就是法律和道義上分別而已。
Ryan
neko：其實出來講，也許只反為對方宣傳。
Ryan
迷逃小書童華安：但拍人物的，恐怕分野未必咁明顯？
Ryan
Simon：第三者當然可以冷眼旁觀 😛
Ryan
Simon：各片成績也「有目共睹」了。
Ryan
J：但也要看出來是甚麼東西，出垃圾的話，也不見有何消費意慾的。
Ryan
歴蘇: 呢點又好難講得通的。
Ryan
Simon: 不過講完聽唔聽似乎又係另一回事。
★董小玥★
就是哦，分開拍不就可以了嗎？那個名字又沒有註冊，好似好多電影都同名架啦，又侵權囉？自己唔拍又唔俾人拍，好霸道﹗
neko
咁大個仲咁細路仔…係有心為電影業發展嘅就唔好以氣用事啦…
迷逃小書童華安
其實始終唔明一樣野，點解總係會有人覺得，拍相同題材會（或較會）吸引觀眾？
以前都有架，獨擘刀同新獨擘刀…
點解電影人會咁覺得？（雖然我都係電影人，但我唔覺得…）
如果外國，就算興星戰，之後如果有人跟風，都會造一套幾唔同架（如：星空奇遇記），都完全係兩舊野，或者前有高達，之後的超時空要塞都完全係兩個隔局…
Simon
突然諗起一句對白:
“爭咩丫?溝埋做瀨尿牛丸!丫苯!”
Simon
其實王家衛最嬲既,唔係個題材, 而係俾人撻左個”一代宗師”o
如果係咁, 王晶以前又做過乜……? “新英雄本色”, “新邊緣人”, 飛虎雄心2之倣氣比天高”,”賭聖2之街頭賭聖”……
J
說話不是這樣嘛，經濟學有句話 marginal utilities ，即是供過於求時，消費意慾會下降。明顯地最先出現 market 會比較有利。
歴蘇
王家衛… 無無謂謂揾交嗌… 咁醒就唸個第二個勁啲嘅名啦, 都唔知博乜。
Simon
我覺得呢句說話應該同黃百鳴講.