若要數到近期最積極的電影宣傳，既不是《功夫熊貓》也不是《文雀》，而是由高先發行以香港棒球員隊員演出的電影《無野之城》。然而，最積極宣傳者也不是高先發行，而是該片導演之一的雲翔，無論從形式和手法上，皆可以當年荔園「節目豐富，日日不同」來形容。
然而，這種「以量取勝」的宣傳，奏效麼？
整組宣傳攻勢，先由巴士站海報被抽起以報章報導開始。然而，巴士站抽起，不過戲院及大廈外牆的宣傳品仍然「健在」，向隅者不妨前往看餐飽。
電影雖然口口聲聲是拍香港棒球隊，但是在片中又要加入香子俊的一段疑似同性愛情的戲份。順理成章地，也許導演會以為同性取向人士為目標觀眾，於是率領主角梁宇聰及香子俊上了港台「自己人」節目。怎料弄巧反拙，演員部份言論被視為「恐同」。換來的結果，就是有人於社交網站Facebook發起「罷看《無野之城》行動」。到底上了電台是「宣傳」還是「反宣傳」？不得言之。
又過了一兩天，雲翔又接受報章訪問說自己的電影公司遭人惡意破壞，連玻璃也碎了。可惜傳媒對這個報導出奇地冷淡。當然，放到娛樂版可觀性不足，放到新聞版還是追擊一眾副局長或政治助理更化算一點。
除了訪問，還有港鐵站的舖天蓋地宣傳，扶手電梯「野郎」大量供應，主投手、投手、捕手、二壘手及三壘手一門五傑亦是任你看。不過，問題來了，其他的「野郎」何以不一同現身？
優先場一來就來三場，還找來三組不同目標，到底看了優先場的觀眾對於電影裡的情節與角度又會否毛管也有反應來？
當然，到鬧市宣傳也出盡。當中訪問時不忘拿著海報及同性愛情話題繼續大量發揮，還以為導演跟女主角正在準備會考或高考的中文口試。
雲翔對於《無野之城》的宣傳，可算是谷到盡。然而，對於這個不知道是不是騙人的童話，苦心經營又是否得到理想的開畫數字呢？也許周五會給了大家一個答案。
Ryan
gear: 恐怕先要看開畫數字，因為《無》片在八間戲院開畫，其中三間在旺角，而部份戲院該不會播足五場吧。
Ryan
Zacky: 劣評不是重點，但係那種宣傳手法，實在過於偏鋒吧。
Ryan
Simon：手法其實處理得低莊。
Ryan
小黑大王：但咁樣對票房幫助又有多大？
Ryan
B_Q：睇佢在八間戲院炒到多少出來了。
Ryan
迷逃小書童華安：但若果睇過套片，看來都幾難賣下。
Ryan
杜絲先生：等出碟乎？
Ryan
win：那種硬銷很突兀下。
Ryan
迷逃小書童華安：得幾條友是否嫌演員叫座力問題？
Ryan
obi-den：海報能否有入場意慾麼？ :p
Ryan
JOE: 但幾點鐘播先？
Ryan
MM：相信旺角百老匯沒可能放大院吧。
Ryan
4res：其實宣傳應所費不菲。
Ryan
g: 宣傳品問題遲早講到，放心好了。
Ryan
JOE: 不怕變成「偽術」麼？ :p
Ryan
sak: 睇睇到時係咪咁了。
Ryan
壹女觀眾: 一句「陰陽怪氣」最為精警。
Ryan
MM: 開畫八間收四萬，唔縮減場次就假了。
Ryan
電影迷: 絕對認同。
Ryan
passerby：相信密集程度及方式都不及這部。而且，做得不奏效，且看開畫八院收四萬便值得反思。試問近期電影宣傳，其欲蓋彌彰程度均不及此。
寫文沒有針對性，只是不痛不癢。
Ryan
Simon: 隻蟹都幾大隻喎 😛
gear
也許可以跟深海尋人拼一拚票房.
Zacky
做壞左個頭，點補都冇用
同志罷睇活動暫且不談
電影在香港國際電影節做過首映
從首映到正式公映的日子相距兩個月
其惡劣口碑已經足夠傳千里
Simon
我對呢部片既反感, 係有關佢哋對同性戀既態度, 同埋掛羊頭賣狗肉o
睇trailer發現好多情節係為左裸露男角身體同以同性愛劇情黎”吸引” 部份觀眾, 甚至發出黎既劇照同海報都係以呢種”雄風式”相片, 佢目的係點大家心照o
點知後來部份演員既”恐同”言論激嬲左呢批target audience, 於是又要扮死狗, 扮俾人迫害……佢越做呢啲嘢, 越想引起話題, 反而越令人反感o
小黑大王
我都認為這是很利害的宣傳方式。不理正面負面，有 noise 就是新聞。令我想起 E 字馬的彭丹。
B_Q
真係好難講…..觀眾就係咁衰,真係唔怕個名臭,最怕冇人知….而家真係係人都知…負面唔緊要,一定會有人好奇入去睇下發生咩事….係咪真係咁差呢….
只要係話題,只要係炒作,香港人都有興趣…我覺得佢八間院開畫….只要到二十萬就巳經win到開巷了…..!!就算開畫同深海或青苔平頭,都算win啦下嘛
迷逃小書童華安
「點賣你套戲」要識點賣！！
可惜，香港真係唔多出路，電視已經無電影節目，可以怕講得衰比電影公司老板唔鍾意，套套講得好又比觀眾覺得做馬，兩面唔討好…
近年其實巴士個電視幾好，但成效不大（因為太細聲），最近又加上有YouTube，但又無好好利用…（或者可能畫質唔好）
賣廣告，巴士車站/車身/車尾，電視（廣告，製作特輯，但香港片既製作特輯又無乜野可觀，頂龍就影坐車去現場搞搞震，NG），電台特約遊戲送飛，還有星皓絕招「紅隧口」…
網上係一個好正既一路，但點利用呢？
去到最尾，可能都係靠白老鼠觀眾既「口碑」
其實可唔可以周四五開畫頭兩日特價呢？
杜絲先生
到時個個上網都話套戲好睇，但只值四十蚊，咁咪盞搞！
win
講真套片有d掛羊頭賣狗肉
明明講棒球…但焦點就係d性愛….
迷逃小書童華安
四十蚊都好過，七十又唔值，得幾條友…
obi-den
明明之前都好有興趣入戲院睇，不過依家搞得太爛，就算純屬宣傳都令人反感，仲慘過有 D 戲畀影評由頭到尾講晒出黎，完全無晒入場意欲！
JOE
好奇怪，yahoo電影無左””無野之城””.
前幾日睇影評, d 影評勁差, 官方網站既影評就差既評價比好既評價多!! 依幾日睇電視連廣告都賣埋, 最後用裸跑黎做ending! 佢真係唔怕引起人地不安, 大把一家大細睇電視既時段播d 咁既廣告!
MM
百老匯三間院線，
除左電影中心係正常少少之外，
旺角同 apm 都係得 5 場，
apm 夜晚得 8 點 同午夜場，
至於旺角都有 7 點、10 點同午夜場，
但全部都係放細院~
AMC 又一城開得 3 場，仲要係 2 點、4 點同 7 點~
單睇百老匯呢個排陣，
好難想像無野之城票房會好得去邊~
4res
老實講
那種「疲勞轟炸」的宣傳手法其實不算偏鋒
不少日本電影都有類似的舖天蓋地
而那堆「人物獨照」挺有設計味我挺喜歡
肯dum本宣傳一套獨立製作,我個人是持正面肯定的態度的
如果雲翔office被攻擊事件屬虛構的話,就就是唯一一件令我反感的宣傳。
g
說的也是, 我也有收聽他們在港台”自己人”節目的訪問部分, 聽來很有誠意, 因很多香港人都不知有這樣的球隊, 借拍電影推廣一下好像不錯. 我也同意閣下所說, 他們的宣傳海報/戶外banner設計得很獨得, 不覺粗製濫造. 很多港片的banner, 在細version不難發現copy & paste, individual image 的 resolution combine去張 poster完全不能接受的的情況, 亦有些字體, 宣傳句的編排 不太統一. 不夠成本吧? 希望版主另辟一編談談港產片宣傳品的普遍問題.
如果”bus stop廣告”及”office被攻擊事件” 是虛構, 就真是好反感.
JOE
前幾日打打下牌，睇一睇電視機，竟然見到佢賣廣告，果陣係岩岩做完[亮相]無耐，我個女仔fd 見到個廣告話裡面d 仔個個無著褲嫁，另外個fd 仲話乜咁既廣告仲播得出街嫁咩！
報紙仲講董敏莉話香港市民保守，咁少事都接受唔到，如果要董敏莉三點露晒黎拍依套戲，我諗佢自己都接受唔到！仲係咁講藝術，既然咁強調係藝術，我覺得電視廣告都應該露多ｄ，話人知咩要藝術！
sak
佢話過睇下邊個導演同劇本先,如果好董敏莉都會三點露晒
壹女觀眾
作為一個直女, 我覺得第一張poster好 sexy、好Calvin Klein feel, 所以自此留意多了點。
我在首影11/6看了, 10000000倍失望。
個劇本好吾掂, 陰陽怪氣。最慘要班靚仔球員係又剝、吾係又剝
e.g. 聰和鬼妹海灘裸跑、俊和男同學在房間赤裸對談…唉, 睇完好眼怨。完全同棒球無啦lung.
仲有失駑無神整句唐詩/金句, 超無聊!
我覺得d棒仔好傻、好天真!
MM
講開旺角百老匯，
今日睇番原本星期四同星期五既時間，
發現到星期四佢 cut 左 10 點同午夜場，
即係最遲開 7 點~
而星期五就 cut 左 10 點場，
呢個時間睇番應該改左做色慾都市~
而電影中心星期六得番兩場，
amc 又一城星期六都係得番兩場，
全部都係下午，無夜晚場，
睇黎呢套戲票房真係係咁先~
電影迷
我成日都話如果你要人尊重棒球，不如你學日本的改編棒救電影《Touch》正正常常的穿棒救服賣親情和愛情更好。
passerby
咁多 戲做轟炸式宣傳, 唔見你插嘅?
黑社會夠口口聲聲講黑社會啦, 做乜係度影射大陸?
好有針對性的一篇!
Simon
根據潮語字典, 我覺得呢套戲喺度”扮蟹”~~~~ haha