近年，不少集團式經營院線，都規定觀眾不能自攜食品或飲品進場。有傳聞戲院這個規定的解釋是考慮清潔及管理的情況，不過亦有人指是要觀眾在院內付高昂價錢購買戲院小食部東西來增加收入。
可是，這類集團經營的戲院，卻又有例外的情況。
上圖所見，便是位於九龍塘的AMC又一城的通告。請勿攜帶非戲院出售之食品及飲品入場通告見慣見熟，可是卻標明「Starbucks例外」。
同時間，戲院大堂亦有由Starbucks提供的掛畫，標明了可以「伴你細味」。
箇中原因，就是因為AMC又一城戲院範圍之一，就是Starbucks，也許是達成了協議，才可以讓Starbucks的東西可在AMC又一城戲院內享用。至於同集團位於太古廣場的戲院，則沒有這樣的安排。
戲院跟其他咖啡店合營讓觀眾可帶該咖啡店食品入場，也許為觀眾帶來多一點選擇，不知其他戲院又會否仿傚一下？
Ryan
迷逃小書童華安：的確，唔自律的影響好大。
Ryan
bbon99：油雞飯同雲吞麵真的有點嚇人吧。
Ryan
ka：其實近年不少小食都係以無乜聲為主，粟米脆片則是例外。
Ryan
東：這點也是。當年金聲戲院飲品加爆谷只係十元，實在實惠。
Ryan
guest：恐怕包場時也要講聲吧。
Ryan
obi-den: 時代唔同，而且而家戲院每場之間時間很緊迫，清潔時間也沒這麼多了。
當然，也跟部份觀眾的自律情況有關。
Ryan
MM: 所謂有危必有機，其實唔少地區都出現戲院夾咖啡店一些搞，也許又是一個增加收入和選擇的方法都唔奇。
Ryan
g: 有時真的要睇情況.
Ryan
阿伯: 也許現在大部份觀眾對看電影的要求不同吧。
Ryan
hin: 不知到時戲院對外來食品會執到幾緊了 😛
迷逃小書童華安
我本身極度讚成戲院方面極堅格執行飲食既問題…
老實講，戲院官方提供的小食，已經是緊緊尚可接收的，因為如果你準時入場的話，應該未開場時，已經食晒喇（如果ua的話，珍寶級的爆谷都會食晒），
但要怪就怪中華民族的劣跟性，因為中國人就係咁，戲院比佢地任帶食物入場，佢地就乜野你諗得出佢地會帶入場…
最勁我見過有人帶「碗仔翅」「叉雞飯」「老麥套餐（起馬六個套餐的份量）」
一路睇戲一路食野，係！係好過癮！！但唔該諗下，睇戲係一班人一齊睇的…
bbon99(Grand Theft Auto)
Starbucks的鋪位位置以前是經理辦公室和員工休息室，自從經營運作落入百老匯院線手中後才改建為鋪頭，麥當勞和板前都是以前其中幾個院改建而成。
做戲院經營，如果觀眾攜帶外來食品入內有時真的很麻煩清理，香口膠是其中之一，雖然有專用去除劑，但清理是很麻煩的。
另外有些觀眾是很恐怖的，他們會帶油雞飯、雲吞面、壽司、麥記唔開心樂園餐或者粥入內開餐，乾乾淨淨自動將廢物放入垃圾箱倒無所謂，但是弄污座位，還將垃圾放在座位下面，汽水倒到成地都係，叫帶位如何服氣﹖
不過，小賣部的售價實在太貴了，一隻熱狗加一杯汽水加一個爆谷已經是一張戲票的價錢，觀眾走私食物飲品亦無可厚非。
在小賣部本人覺得價錢最相宜的是雪糕，和出面相比只是貴兩三蚊。
ka
我倒是在旺角豪華看電影，見過有人整包薯片、炒麵和可樂帶進去慢慢開餐=v= 炒麵都算了，薯片的聲音還真是，看電影也不夠他滋味啊。
我自己是多數在戲院外的小賣部買荷蘭腸吃，也是未開場就已經吃了。總覺得在電影開始後還在吃就真的很…我會有妨礙到別人的感覺 -_____-
如果是買飲料的話，小賣部就真的很不划算，還是去附近的7-11好了XD
東
平日看戲我都不會吃東西,只會買飲品
如果戲院小食部的價錢合理,我也不會走私吧…
a push and pull factor..
guest
有個辦法可以讓觀眾帶食物入場
我明知果場係包場冇人睇，我都會買成大個餐入場
obi-den
依家雖然比較乾淨企理咗，但仍然好懷念以前可以帶叉飯、甘蔗、生菜魚肉、花生、粟米…入大戲院睇戲的年代。不過唔知點解果陣又真係無乜人投訴！？
MM
其實已經有人提及過而家 Starbucks 既位置係 AMC 之前既員工休息室 + 經理室，
後尾百老匯將 3、4、9、10 院俾番太古既時候，
同時間亦都將上述休息室 + 經理室俾番太古~
之後太古就將上述地方租俾 Starbucks~
O係 Starbucks 開張初期，係唔俾 Starbucks 既飲品入戲院~
但係O個陣出現左一個問題，
就係因為 Starbucks 位置係O係 Box Office 同入場中間位置，
所以o的客係以為 Starbucks 屬於戲院一部份，
亦都因為咁所以o個陣出現左好多員工與客人既爭執 + 投訴~
於是過左一排之後就改變政策，Starbucks
飲品因而容許帶入戲院入面~
其實o係 AMC 未俾百老匯接管O個陣，
係可以俾客人帶外來食品，
去到百老匯管理後就改為唔准帶外來食品，
當然中間有一段適應期俾客人~
而 Starbucks 件事發生左之後，
曾經 AMC 係O係客人買飛O個陣，
將不准帶外來食品（包括 Starbucks）既紙條釘俾客人，
但係成效唔大 + 投訴都係有增無減，
所以先形成而家俾 Starbucks 飲品入場呢個比較特別既 case~
g
其實我都好想買 popcorn 同 hotdog入去食, 但我有以下考慮:
1) 小食部d野越來越貴, 係好q貴
2) 食popcorn會嘈到其他人, 如果係比較serious 既topic..我都唔想我隔離位既人成場係到 jap jap jap. 例 -我去睇 Diving Bell & Butterfly..隔離兩個人就jap足成場.
3) Coffee 係dehydrating的, 飲完要去toilet..好次唔多岩數.
阿伯
可能我比較老, 睇電影都係娛樂姐
邊食邊睇, 係時間上都可以
當然, 吾好食到周圍都係
hin
如果佢唔太貴我都幫”親”
第時MCL9龍灣開之後,我會去IKEA買野食入去
因IKEA一杯可樂+HOTDOG=$9
爆谷都係$3
Susanna
我想知道葵芳百老匯的爆谷售價是多少錢?
frfgff
細定中定大爆谷好心講清楚阿！