圖片來源：163.com
正當大家的焦點仍在七月十日開畫的大製作古裝動作片《赤壁》之時，其實吳宇森的下一部電影《1949》已經籌劃，並預計於明年年初開拍。
《1949》題材以一九四九年中國國民黨與共產黨之間的內戰故事。初步選定的主角分別為張震及宋慧喬，而宋慧喬亦已轉投監製張家振旗下的娛樂公司。電影早於五月康城期間已舉行記者招待會講述相關情況。而宋慧喬需以普通話演出，並正在苦練中。
消息傳出後，曾惹來一陣非議，就是何以找非華人演員演繹中國人的角色。
談是否合適演員，是一個見仁見智的問題。不過從電影籌劃角度來說，選用其他地區藝人，是一個計算海外市場的戰略之一。
起用宋慧喬，很多人會想她會有韓國市場。而她演出的韓劇又受日本及不少東南亞地區歡迎，也會有該些地區票房保證，比起起用華人女藝人更有開拓市場作用，何樂而不為？而且，《1949》相信成本不菲，作這類市場考慮，才能吸引投資者予以融資。
然而，電影市場實際情況不能每每只作這類計算。這種計算雖然可以拍到大量大製作，可是計算過後卻換來不少制肘，是否值得十分視乎情況。不過觀乎吳宇森近年作品非大不可之時，大家會否懷念他過去一些中低成本的製作所帶來的創意呢？
Ryan
迷逃小書童華安：荷里活也許擅於這樣做吧。
Ryan
Simon：會否是因為在荷里活發展制肘太多？
Ryan
迷逃小書童華安：恐怕只能豪得一時吧。
Ryan
Simon：人多要描述及舖排，難度高得多。
Ryan
Simon: 拍兩班人鬥爭涉及大量情節，處理不易。
Ryan
金蛇郎君：且看拍出來怎樣了。
Ryan
阿伯：而且題材敏感，不是取向會怎樣。
迷逃小書童華安
去到尾，都係走回頭路…
去到美國，衝破唔到自己，拍行軍片，拍科幻片，相相戰敗…
吳大導，都應該係史上最弱雞既「國際大導演」…
Simon
其實佢喺荷里活站穩陣腳後作品face off, 算係佢近十幾年既最佳同最具自我風格成品, 但往後作品都係力不從心嗰隻, 究竟係受大公司所累, 定係佢自己玩大左呢?
如果呢鋪赤壁結果好似江山美人咁, 我估想聽喬妹講國語都幾難……
迷逃小書童華安
但face off係「豪華版英雄本色」囉…
DNA上係一樣的…
Simon
會唔會係證明左, 吳大導既能力只限於兩個男人既鬥爭, 唔係兩大班人既鬥爭…… 人多就唔掂o
金蛇郎君
有喬妹一定睇
阿伯
國共仲係台上, 拍呢的戲好似早左的