由古天樂、吳君如、黃百鳴、姚晨、郭濤及沈麗君等主演的《家有囍事2009》雖然要到零九年賀歲檔期才開畫，不過初版電影海報已經出現。
初版的《家有囍事2009》海報，並無任何主角的樣貌，以一個「囍」字作背景，頂部寫著「過年終於有笑片睇」作賣點，底部則有出品的東方電影有限公司的商標。
從海報所見，《家有囍事2009》由黃百鳴及張昭監製、谷德昭執導、黃百鳴原創故事、高志森策劃，谷德昭、馮逸恆及潘俊霖聯合編劇。可是，海報上卻沒有任何演員的名字出現。
《家有囍事》及《97家有囍事》均以周星馳及一眾演員的港式笑料作賣點來贏得香港票房，可是《家有囍事2009》於八月底在杭州曾舉行記者招待會時，出品人黃百鳴表示電影除了延續以黃百鳴及吳君如為首的港式幽默外，還會加入內地新晉喜劇演員的無厘頭表演。
看到這裡，家對於《家有囍事2009》又有多少信心呢？
柯南
唔通仲未演員陣容仲未定案?? 正常無理由唔出D 大牌名星既名….
俊
『還會加入內地新晉喜劇演員的無厘頭表演。』
相信是為了內地市場吧。
而內地的幽默, 作為香港人的我們, 或許未能完全明白吧。
唯怕再以為題, 會沾污的良好印象…
AhcheunG
以幕後人員做賣點﹐
少見少見.
維達
擔正的有吳君如、黃百鳴、古天樂、鄭中基等
是否有明星客串就不得而知了
姑勿論明星陣容如何
的確很久沒有較吸引的賀歲喜劇在農曆年上映
點樣也會支持捧場
AVHR
黃百鳴對新藝城式的大堆頭喜劇仍念念不忘…其實由「大三元」、「大贏家」開始，這類電影的可觀性已大減。這類片，仍然是當年的高志森拍得最好。
比
咁娘既海報，配合一個已過時既電影名，好九十年代，哈
仁
年年新年都重播又重播舊既家有囍事,今年終於有新的,呢四隻字已經有信心! 雖然古天樂同鄭中基比起周星馳同張國榮係有一段距離,但佢地都係而家當紅既男演員,聚埋一齊拍部戲,都算有睇頭
老馮
過年但求開開心心，有賀歲片睇就最好啦!香港好耐都無喜劇啦!
郭老三
當年家有囍事實在非常驚喜，成套戲絕無冷場，每個演員嘅表現都非常出色，整套戲都非常搞笑好看。
到咗97家有囍事，就好似得番周星馳一個獨撐大局，老實講係有唔少悶場，已經冇咁好睇。
而家呢套家有囍事2009我更加擔心。
hide.
好明顯又係個d咁既中港合拍片,但呢次大劑啦..喜劇同大陸拍係好難有機會係好睇(動作都還可以),始終都係題材上太多制肘..唔可以有咸野..唔可以諷刺政治..唔可以影響到我地祖國係全球’祟高’既形象..咁可以笑d咩=口=??所以其實有時我都幾佩服d大陸電影人..係咁惡劣既環境都生存到..不過連我地偉大既星爺都可以拍套垃圾出黎你就知..再加埋個d我一個都冇聽過既大陸演員..注定又少一份共鳴感..仲話咩加d大陸式無厘頭..丫唔知佢夠唔夠薑學人地個加拿大dj咁打電話整蠱胡錦濤呢-_-??即係又多一套四不像既機會又高左..不過我都唔介意睇下既..始終都係半套港產片..同埋未睇又唔可以咁快蓋棺定論..話唔埋可以睇到齣以喜劇作包裝既清純無添加愛國愛黨溫情片呢!(究竟幾時可以等到一套純for香港市場既寫實.講出小市民心聲而有好睇既戲呢..真係永遠等待)
fan屎
一定要講咸野先有得笑咩?香港人最憎政治,日嘈夜嘈都係班政治家,報紙新聞日日都係政治問題,連睇戲都要睇政治諷刺先識笑唔係掛?今時今日,唔係仲要踩大陸人笑佢地文化水平掛?而家人地叫我地做港燦架師兄!星爺唔扮鬼扮馬引你笑姐,部片點都唔算係垃圾掛?一日笑星一世笑星咩,演員都想演多d唔同既戲架!你d定義太奇怪了!唯一認同你就係用大陸演員會少左共鳴感!但我地睇西片又無咁既要求,所以都應該唔會係太大影響,畢竟只係一班人入面既其中少部份人!大家成日拎而家既戲去同以前既戲比較,未入場睇已經戴左有色眼鏡!難得而家仲有傻佬會出錢拍港產片,大家唔支持都唔好踩多兩腳啦!有古天樂鄭中基同吳君如,仲有hit爆既麻麻,有埋管家仔就正喇,不過都已經誠意十足啦!家有囍事年年新年都陪住我過,我超級期待呢部電影!!
杜絲先生
又係大陸片？鄭中基唔搞核突野仲有咩好笑，肯定唔入場
AhcheunG
有共鳴感既電影買少見少啦。
今次中港合拍咪睇下有乜火花囉。
有吳君如都還有少許期待~~
shtmanhk
難免到時會被拿來和馮小剛新作非誠勿擾作一比較
S
Teaser 現身！
http://hk.youtube.com/watch?v=7l_YMoIrdFc
小黑大王
香港人現在需要的，是「富貴逼人」！
Simon
近年睇得最開心既賀歲片, 已經係同….
Simon
近年睇得最開心既賀歲片, 已經係”嚦咕嚦咕新年財”同”行運超人”o
其實97家有喜事已經唔係咁好笑, 依家呢部我驚會係”大贏家”嗰個級數…..好危o
H
[心想事成〕is good
hide.
哈..呢位大哥唔係你幾多歲呢-v-?我就讀中四.星爺d戲我睇3十幾套..我可以非常十分之肯定同你講呢套係我睇咁多套星爺中最爛既一套..仲有係我個代(我中四)對cj7既評論多數都係: x佢老母..垃圾..爛片..x..大陸野.. 咁講.唔信可以周街搵幾個中學生問下..怕瘀既上求其一個forum開po問下覺得cj7好冇睇..仲有我係一個唔鐘意人地一開始已經講話而家d戲冇以前d戲咁好睇既人..但無可否認.係香港電影黎講..呢個係一個事實..都係個句..根本依家太多戲都唔係港產片..係叫中港合拍片..題材唔再係好似以前咁諗到乜就拍乜..係要過到上面呀爺個關架大哥!d合拍片冇大陸批文香港冇得上架!即係香港人睇所謂既’港片’要跟上面既味道呀..唔係睇d真真正正岩香港人睇既戲呀!只不過係因為有我地呢班香港電影人幫手拍先好睇過d純國產電影!仲有古天樂同3姑e個組合會唔會難d吸引年青人呢?(莫講話一大埋大陸演員)不過岩既..可以比番d想懷舊既人睇..不過只會令港片遲早出現港漫既問題(一般人都會將港漫聯想落地盤佬..中年男人)..觀眾/讀者 年齡層不段上升..未能引起市場的一大舊肥豬肉: 中學.大學生既興趣.. 丫係.咸野呢家野 講真睇中外笑片都好多時會有架啦..不過可能你睇開d高級笑片冇姐..仲有其實唔少香港人都想睇d笑大陸lay既笑片..只不過係d老細怕得罪上面唔敢開d咁既戲姐..所以呢副相真係講得岩: http://www.hkmdb.com/db/movies/image_detail.mhtml?id=8214&image_id=9997&display_set=big5
永遠等待一套係比香港人睇既家有喜事.
hide.
同埋我係絕對冇懷疑任何香港電影工作者既創意能力..只不過比上面呃殺哂姐..幾有料既人都難以拍出心目中想拍出黎既個套戲..講出自己想表達既message..重重的枷鎖是創意的最大敵人..其實都仲有d野想講..不過算了..費事扯得太遠..始終呢個都係一個電影交流網誌..而唔係一個講政治既blog.
Simon
杜琪峰導演喺呢個Blog受尊重係有原因既o