今年娛樂圈可算有多名人士辭世，繼日前電台節目主持陳任後，演員龍方亦已於十一月十四日離世。
近年鮮在電影演出的龍方，其實在影圈已有逾三十年的光景。
原名李建民的龍方，七一年開始在影壇發展，於姜大衛及狄龍主演的《雙俠》中演出，其後於七十年代參演了多部動作武打電影，八一年拍畢《危險人物》及《何方神聖》後曾一度離開香港影壇，到了八九年再戰影圈，當中以王晶執導的《至尊無上》及《賭神》的角色較受注目，而《賭神》中則演奸角高義。
九十年代中期龍方演出的作品可算十分多元化，不過大部份演出並非票房賣座之作，當中包括了石堅主演的《奸人世家》、郭富城主演的《童黨之街頭霸王》等，而他也在游達志執導的《暗花》中演出。二千年他拍下了多部作品，包括《生死拳速》、《賭聖3無名小子》、《黑獄斷腸歌II無期徒刑》等，近年則再無電影演出。
龍方今年五月証實患上晚期肺癌，並開始接受治療，仍最終延至上周五不治。
大家又可曾記得他的演出麼？
高義
點會唔記得,”你估做一個咁成功既契弟係咁易架咩?” 仲有”上海灘賭聖”既黃金貴呢?
obi-den
佢本身係唔係邵氏出身？
obi-den
原來他當年響天天漁港任職經理，後來再轉做演員
迷逃小書童華安
最記得係無線演員「劉江」專用配佢音的！！
Joe
最記得佢係 [賭神] 入面既演出.
極速傳說
另一位反派演員王宵(鼠膽龍威，戰神傳說)也於2004年過左身
Simon
又一個類似的post……
最後聽到呢個名字, 係早兩年上寧波公幹, 睇電視廣告, 龍方以”奸神”之名喺上面登台……有時遇到一個突出的角色真係可以食過世o
剛
龍方是台灣本土人(剛剛看PTT才知道= =)
與更早期的武打演員狄威一樣，我都誤以為是香港的。
沒想到他們都來自台灣◎_◎
還有安志杰、鄒兆龍、路斯明、……………………………
駱力煒不知道也是不是
總而言之，願他一路好走，我會永遠懷念。
Eddie
請問龍方有沒有演過正派角色?
另外想一問邵氏出身的唐偉成去了那裡?
華仔
王晶90年代尾港片都有龍方演出,記得在劉華的龍在邊緣中酒樓一幕有龍方的演出.
kenng
前兩日先睇完佢有份演出的「血洗洪花亭」，又係大奸角一名；我就應該未睇過佢做正派，天生一個奸樣，哈哈。不過都係實力派，幾鐘意睇佢做戲，係我其中一個幾鐘意ge奸角，懷念他。另一個專做奸角ge黃子揚，我都幾喜歡，奸ge程度同龍方不相伯仲，哈！都一段時間冇見佢做戲了…
FRANK
仲有”五億探長雷洛傳”
obi-den
佢演奸人入型入格，好想知佢有無演過正派，另一個天生”反派樣”嘅係何家駒，印象中都好似無演過正派！
歴蘇
佢個樣真係好很奸，所以睇佢做戲都幾有feel。
當年有佢同一名叫”泰豪”的演員成日做啲靚仔反派角色, 好難忘。
西德
唉~好可惜…真係好可惜…
其實佢除左賭神系列之外…
仲有套戲又係做奸角頭子…未必好多人睇過…
“專釣大鱷”
極速傳說
“公子”奸過”高義”+”太郎”
比比
我都覺得好可惜..而家d人好少演奸角演得咁出神入化…有無人知 “方剛”左去邊? 佢演演奸角又係有一手
西德
感覺略同…同埋呢套戲入面佢佔既戲份都幾多下…
不過呢套戲除左睇佢”奸”之外…我覺得劉華+萬子呢個搞笑組合都係一絕…
仲有以前傻大姐的君如同埋江欣燕…
題外話:大鱷入面做”咸蝦”果個鬼仔,你知唔知叫咩名?
jason
公子同幪面裸體戰士真係好正架
羅
龍方係在香港出生的
shtmanhk
專釣大鱷入面有個角色叫李棚(王晶對六四都有response),萬子最後裸跑,關之琳ending 客串,百樂戲院取景(抑或新都?),concept 來自 die hard ,點會唔記得?
shtmanhk
黃飛鴻之二男兒當自強
西德
當年我老爸都覺得套戲好die hard feel…不過我覺得呢套好笑好多…
戲入面劉華同萬子呢兩個角色對比好強烈…
岩岩又拎返隻碟出黎play左陣…真係有點可惜…
不羈夜狂舞
他演的真是出神入化
反派演的傳神….
再見了…
不羈夜狂舞
他演的真是出神入化反派演的傳神….再見了…
DDT
his face show up in hollywood before..the movie called “Ku-Pow”
(the guy who fight with the cow..)..
I don’t know is it anyone still remember this movie????..hahaha
Rick
五億探長雷洛傳