今年的香港電影金像獎，繼續由無線電視轉播，而轉播時段則跟現場播放相隔一小時，以便剪輯。可是，今年卻出現不少刪除的片段，當中尤以鮑起靜奪得最佳女主角的一段最為明顯。
到底，實際的「刪除真相」又是怎樣呢？
要得悉到底刪去甚麼，首先要去理解現場的情況。
於金像獎頒獎禮現場頒發最佳女主角之時，司儀曾志偉及吳君如先行對候選名單評頭品足，指有各地代表，吳君如當中包括內地代表周迅、香港代表林嘉欣、台灣代表徐熙媛、領了綠卡回流的美國代表劉美君，接著吳君如說鮑起靜是「亞洲」的代表。曾志偉即時問道，吳君如即說鮑起靜是「亞洲電視」的代表，全場觀眾即時鼓掌。然後曾志偉補充說，鮑姐主持的午間婦女節目一個能頂到幾個人。
結果，電視台播出的版本，去到「亞洲」的代表便完。
而當宣佈獎項由鮑起靜的《天水圍的日與夜》的鮑起靜奪得後，鮑姐於台上講述得獎感覺時，在尾聲突然說出一句「多謝亞洲電視的全體員工」，那一句同樣獲得全場鼓掌。
然而，在電視台播放的版本中，那一句多謝「亞視」的說話當然沒有了。
事後於慶功宴中，有傳聞指有記者得悉事件後，向無線方面的樂小姐查問，但樂小姐表示相信沒有相關情況。當然，這傳聞是否屬實，暫時未能得悉。
雖然無線已是多年來的大台，而對手亞洲電視怎改也沒有大起色。但奇怪的是，無線對於亞視這個名字似乎極為忌諱。何以在剪接時就連一個得獎者的感覺也要「強姦」起來？
當然，正當大家將矛頭或指向無線的樂易玲之時，也許要留心，因為這情況相信連她也不知情。問題只是，金像獎現場播出到無線轉播有一小時的時間進行剪輯。而當時相信操剪片生殺大權也許是電視台負責節目的人士。莫非這些人士對「亞視」或「亞洲電視」仿如文字獄一樣，有理無理也刪剪乎？
在兩家電視台強弱懸殊下，無線取得轉播權絕對無可厚非。只是，即使取得轉播權，那一、兩句多謝友台的說話是否真的仍要封殺，實在值得商榷。
Ryan
小影：也許司空見慣，唉。
Ryan
lorenzhk：但大台會尊重這個麼？
Ryan
過路：連播頒獎禮都搞到咁好像文字獄一樣。
Ryan
維達：但肯不肯連多謝友台也不剪呢？
Ryan
陳大少：算唔算叫做壟斷呢？
Ryan
choh：佢肯先算 😛
Ryan
thierry：其實最佳女配角陳麗雲也曾是多年的亞視藝人。
Ryan
zz1988：恐宣傳今晚播有鮑姐主持的《開心大發現2009》乎？ :p
Ryan
魚腩隊長：不提也很難講得通吧。
Ryan
魚腩隊長：但似乎又做唔出，因為太難看乎？ 😛
Ryan
Elmo: 可能根本不懂怎去剪乎。
Ryan
傳說中的地通拿：收視壟斷的結果乎？
Ryan
bbon99: 不然又可以播甚麼?
Ryan
奇峯：深感認同。
Ryan
迷逃小書童華安：當然是不夠膽吧。
Ryan
nbachung：總不能不提，只是要看播甚麼片段來。
Ryan
dad：叫人十分無奈。
小影
這種做法實是有失風度
lorenzhk
如果係尊重得奬者o既表現同努力，最起碼得奬者講的說話半句不漏要播足啦！若果有個咁o既清晰指示，負責剪o既 TVB 小職員可能唔怕咩鑊喇！
過路
無記真係好老土！我地喺電視機前根本好多野原來都睇唔到！上香港電台想聽節目從溫又話版權問題冇得聽！唉！真係比個大台玩晒！
維達
TVB要CUT鮑姐感謝亞視或頒獎禮提到亞視的言論, 反而預計之內。
但今年剪得實在太差, 最初半小時還以為
“剪頭唔剪尾”..或部份主要獎項則不剪, 可惜最終每一部份都剪…較完整的只是憶蓮與學友的表演環節。
為何TVB不選擇在深夜足本重播?就像1月1日的叱吒樂壇流行榜頒獎禮, 在觀眾的眾多意見中, TVB也索性深夜由剪輯版變成足本版。
陳大少
無線的小器，實在是有失大台風範；搞到好似演藝圈的黑社會一樣！
nbachung
無線不嬲很小家.「亞視」或「亞洲電視」名出街一定唔會.預左啦.又看吓明日[東張西望]提唔提鮑起靜名?…
choh
原來憶蓮一段已算較完整？可惜真正合唱的兩首《請跟我來》和《緣份》都沒播出啦。
其實無線以後當有“亞洲電視” “有線電視”的名字出現時，當係粗口“嘟”“嘟“聲消咗音去咪算囉。咁驚青！！！
啲觀眾又意會到內容，好過成句cut 咗去囉！哈！
thierry
鮑姐同家輝都係亞視出身的演員,佢哋的得獎真係實至名歸,亦為亞視演員扳回不少面子.
zz1988
小氣到, 人地又係唔宣傳! 多謝下人都唔比
一句都CUT
魚腩隊長
我之前睇到..佢地係節目上都有講鮑姐有份提名
魚腩隊長
我都覺得無線好小氣
人地得獎感受都要刪除,,
咁不如就咁播出佢拎獎算啦
連成句感受都刪除
Elmo
當然唔係啦!
最精彩的是最尾合唱的2首歌加煙花效果一樣被剪。 真係唔鬧唔得。
傳說中的地通拿
無線一向都咁小氣，唉！
bbon99 (世界盃最後之希望魔法隨意門回到十七歲反轉豬腩是王子)
我只係覺得亞視在同一個時段播「鄭少秋演唱會」感到無奈。
奇峯
一台獨大….無風度,咁對香港娛樂工業根本唔健康…
迷逃小書童華安
唔該，要剪唔該連鮑姐都剪埋…咁就好野！！！
dad
香港傳媒一向好少『言論自由』！生意導向！
arthurson@gmail.com
老老實實, 比我係導演, 我都會剪.
我唔會理乜鬼大台小台風度, 我只會考慮我份工.
就好似係東張西望, 你永遠見唔到cen logo, 無論做到幾肉酸, 點都會搵野blur左人地個mic牌, 而cen見唔到now logo, 永關既, 第一件事就唔可以為對手賣廣告.
剪左, 最多比街外人罵, fine, 工可以繼續返, 唔剪出左街, 讚美說話都誹唔到我度, 反而因為咁而入房比老細屌到仆街, 轉鬼左我做垃圾台, 一世就係咁先, 比著你, 你剪唔剪? 我就乜鬼剪, 樣都唔比佢出.
pug
與其說大台小氣作風
不如說亞視(唔爭氣)！
「亞視」
最佳女配角陳麗雲
最佳女主角鮑起靜
最佳男主角張家輝
亞視只管解散藝員部…
裁員又裁員，停止製作劇集…
鮑姐仍在亞視工作，實在奇蹟…
恨鐵不成鋼…
無線並非小氣，唔想提「亞視」或「亞洲電視」
因為怕觀眾回憶起香港原來還有一個(免費)電視台，
各位最近可曾用遙控器睇過「亞視」呢…
肥
今次tvb既剪接真係有要改善既地方
helen
今年無線剪片斷剪得太誇張,
睇到火都o黎埋!!
明知佢每年都剪片架啦
但係今年真係太超過了!!
DDT
for TVB-angle…
they have to do it…
the more mercy to their enermy..
the more dangerious they get in future.
the adverture’s problems…
commercial business game rule..
Imagine you are the boss..
I believe you will do that..
choose the mercy or your business..
P.S:I don’t support both side..
TVB just a factory only
but I know if TVB give mercy..
100% ATV will attack…
HEE
無線實在是太小家了!
may
店大欺客.
JOJO
無記直頭做到個show好似佢咁, 不知所謂.
王祖藍介紹張智霖同謝天華出嚟果下, 後者名都唔叫, laughing哥就算. 我唔係無記觀眾, 無追過套低能劇, 唔係金像獎唔睇你個垃圾台, 我真係#$@#%識你laughing唔laughing囉, 你唔好叫佢大天二丫笨.
不過無記剪片都唔係第一次, 前幾年都剪散哂D得獎人講感受, 諗起都火!
榴槤
昨晚看頒獎禮真的十分驚嚇！ 除了鮑起靜那一段之外，其他對白也給剪得不論不類！
昨晚看的時候已經心想『一定給人罵死！』了…希望下年不要再這樣…
anthony2304
連洪金寶拿成龍近期言論開玩笑果段都無左!
林尾
億蓮同學友那part都cut左廣告,唔制啊!!
成晚睇既時侯真係一忽忽,好心就播哂佢啦!!唉!
nt
同意tvb好cheap
但前段剪到支離破碎
好明顯係favor晒預先錄ge野
應該係因為剪片人唔想煩
每一節10分鐘左右
錄左ge野全部出晒
淨低ge時間就睇o下搵咩即場野塞入去
搞到最重要ge致謝辭可以cut一大半
向已故影人致敬ge又cut
但d垃圾就出晒
btw,其實兩個月前
提名名單公佈當晚
《東張西望》真係只講左4位女主角提名!
(我當時無上網,但都估係鮑姐俾人skip)
我有我喜好，哈！
金像獎是有政府納稅人資助的，TVB的做法絕對不能把這個節目當作一般的商業運作，觀眾可以向影視處投訴嗎？
泠辰劍一郎
ＴＶＢ金像獎，無追好耐。ＴＶＢ播的奧運，亦然。又好在奧斯卡金像獎無亞視演員……
迷逃小書童華安
奧斯卡又播足到連之前半個鐘賽前訪問都播埋…
aimar
最街剪接:tbb
tbb對自己好無信心.
R
遲啲連新聞部都唔播關於亞視嘅新聞
pug
當年亞視播金像獎，
得獎者(足本)講感受，除了收視差外，
金像獎根本沒有人談論？！
金像獎這類頒獎，娛樂性少，
除了慣性收視，千篇一律的多謝感想，
有多少觀眾真的會欣賞得獎者感覺呢？
金像獎：食之無味 棄之可惜…
資料是：第十二屆的電視播映權由亞視奪得，
不是因亞視出價較高，
而是籌委會覺得亞視較尊重金像獎的精神，
而版權更是歸金像獎所有。
與亞視合作四年之後又回到無線。
董事局都認為與亞視合作是愉快的，
節目成績也很好，但奈何收視不大理想。
無線這類左剪右剪，
至少有不少聲音討論留意，
觀眾反而有興趣留意删剪了什麼，
何樂而不為呢？
P仔
奇怪在8:00大婆台播出的金像獎檢閱節目係有播出鮑姐的訪問,而大婆娛樂新聞台亦有於鮑姐得獎後同佢做了2次獨家專訪,仲有播出街,一次是在文化中心後台的無線訪問專區,另一次是在電影慶功宴上,看來大婆台是針對二奶台而唔係針對鮑姐本人
觀眾
這是一台獨大的後果但無記今次真係因小失大..我唯有罷睇無線一年作為懲罰
泠辰劍一郎
Sii
從我昨天留意話無線預告有關女主角的提名名單播放率極低之時….我都估到到時實剪走好多片段….
算啦, 都預左, 無線係咁低裝, 樂小姐或其他高層往後的解釋都只是掩飾….作為一個高層一定會預計到有一些他們認為敏感的字眼….為何不一早向節目的製作人員提出寬宏大量的預示？
anthony2304
結果都要在東張西望道播番出來.
魚腩隊長
今晚睇 東張西望時
都有播返鮑姐講得獎感受,提到的亞洲電視,
而且都有採訪她在活動後的慶功宴。
ManU
Wrong.
This only proved TVB lack of Corporate Social Responsibility.
Very poor Public Relation skill.
I think this may not be the top management problem but as some mentioned, it’s the “director” decision.
My feeling is that “director” is a pure technical guys but lack of any these modern corporate management consideration.
Anyway, this is not the first time. Their production was not good at all. I think I haven’t watched any TVB drama for long time.
People of HK deserved to have a better TV station.
白鳥
啱啱見到宣傳
周六晚播足本版
老實講, 補飛已經太遲
我哋係一班睇電影, 鍾意電影嘅觀眾
咁唔尊重整個節目
不如唔好播
我亦唔想勉強咁播
最終唯有屈服商業社會….
過路
我今日睇報紙先知原來有好多頒獎嘉賓的出位言語也被cut掉，劉美君說新人是泥、仲係爛泥，扶唔到上去，唔知哩類說話會唔會俾佢出到呢？最不滿係蕭芳芳領獎都cut成咁！希望所謂的足本，係真係足本播下俾大家睇啦！不過，一個星期前先播完，而家黎補鑊，對一眾喜歡香港電影的朋友知道晒所有野，都冇驚喜啦！
快樂的
剪鮑姐好過份？唔俾亞洲電視四個字出好過份？
男女主角都只係俾人剪左一小段，在向離世的電影從業員致敬環節一樣剪，負責演唱之一的側田成個人俾人剪走左～～～
而蕭芳芳既終身成就，無線應該都非常不屑，又係剪走左一大段
呢單野已經唔可以用「無線小器」來形容咁簡單
金像獎唔係屬於無線自己的
金像獎籌委會好應該企出黎發表讉責無線既聲明
因為無線今次既行為根本係粗暴地踐踏緊成個電影行業
kit
今日報紙見到爾冬升以 “奴才” 來形容剪片負責人, 如果屬實的話此舉似乎有點過份
Cage
打工仔有邊個例外? 爾大導你幫某[大哥]打工又係咩呀!!!?
Cage
問 陳 志 雲 會 否 向 小 寶 及 鮑 姐 等 人 道 歉 ？ 他 說 ： 「 如 果 當 中 有 誤 會 ， 我 唔 介 意 道 歉 ， 希 望 大 家 唔 好 唔 開 心 。 」 可 擔 心 令 人 覺 得 無 綫 小 器 ？ 他 說 ： 「 我 有 呢 個 憂 慮 ， 所 以 要 澄 清 ， 同 埋 安 排 番 播 出 。 」 結 果 昨 晚 《 東 張 西 望 》 即 補 鑊 播 出 頒 獎 禮 中 遭 刪 去 的 片 段 。 另 外 ， 前 晚 金 像 獎 平 均 收 視 28 點 ， 有 178 萬 觀 眾 捧 場 。
Quote From Apple Daily
—-
睇黎睇住份工黎剪片既員工最終份工都危在旦夕
Cage
陳 志 雲 昨 日 出 席 商 台 活 動 ， 對 無 綫 亂 刪 金 像 獎 挨 轟 一 事 回 應 說 ： 「 我 相 信 都 係 時 間 問 題 ， 會 同 公 司 了 解 以 及 同 金 像 獎 賽 後 檢 討 ， 我 唔 相 信 同 事 因 為 講 亞 視 就 剪 咗 ， 咁 做 好 唔 正 確 ， 我 冇 下 達 任 何 訊 息 要 佢 哋 剪 ， 如 果 有 處 理 不 當 ， 內 部 會 做 番 啲 嘢 。 」
Quote form Apple Daily
—-
睇黎呢d位都係點個o靚仔剪, 因為真係剪又死唔剪又死
丸仔
絕對有失風度
播米播咯～我又吾信亞視回因爲鮑拿一個獎就起死回生
無綫甘做反而惹來更多非議
john mccartney
不尊重得獎人,不尊重觀眾
岑
大公司既野，就算老細唔小器，做細既都唔敢幫老細大方，呢d香港人風氣，唔係TVB獨有既。
講到話CUT既問題，奧斯卡有嚴格控制時間，嘉賓講野講太耐會響音樂請佢走，但香港金像偏偏喜歡自由發揮，又唔預廣告時間，節目又冗長，責任真係唔可以怪晒落一方面。
cio
內地網站有直播，比較香港電視觀眾更早欣賞到足版盛會！
岑
唔知幾時聽過一個故事
話說TVB大堂有兩排梳化，中間有張印住TVB logo既地氈，竟然有做細既「食君之祿，擔君之憂」，驚「TVB被人踐踏」，所以用欄杆圍住兩張梳化，唔俾人坐。
有日陳志雲同方逸華經過，方逸華好奇問：「點解搵野圍住張梳化？」，陳志雲反問：「乜唔係你命令d手下圍住，驚住俾人踩住TVB個logo咩？」方逸華就覺得好好笑：「咁驚既話咪移走張地氈囉！」最後兩張梳化先獲得解封。
辨公室就咁多呢d事。
P仔
講真,疑點利益歸於被告,如果要cut二奶台的order真係來自大婆台高層,咁一早應該落埋order俾誇張西望同娛樂新聞台的記者完全唔可以訪問鮑姐,結果以上兩個節目都有訪問鮑姐同埋即晚就出左街,真係唔可以抹殺cut片係下層節目導演自己的決定囉,個個咁快就針對大婆台高層確係不太公平,除非有人能提出實質證據確係有落過此order
nbachung
依單嘢我信陳志雲唔知倩..佢又冇落order叫靚仔唔好剪鮑姐片段 .先攪成咁.d靚仔真係難做.
陳志雲都唔好得去邊..要爾冬升等人罵佢先咋晚補番.如果唔係鮑姐識咁多朋友..咁多人support.信佢會補番鮑姐多謝亞視片段..
vivian
中國網站—-新浪娛樂可以重温頒獎全部過程的視頻。
郭宗耀
回歸後 tvb都學埋祖國d衰野呢
岑
陳志雲在報紙已經話，下屆唔需要獨家，最好全部媒體一齊播！
算係咁啦
Alex
講真呢個又唔止香港wor, 好多地方如中國唔係自己台既mic set都會blur左gar la, even亞視都會係有0的情況會就個mic set唔影其他台, 呢個都係為左保障自己台. 佢地剪左既部份都係為左保障自己者, 係剪得衰, 但有0的位其實係可以唔使剪呀, 如果真係星期六晚高清and星期日凌晨翡翠台足本重播, 就睇下佢地點足本播放了…
DDT
yestarday,finally I watch..
really cut too much..
not only ATV-actress’s speaks..
even another guests!!!!
I find lot of guest’s speaks cut-off..
just don’t know why!!!!
ferry
其實成個頒獎禮都有好多地方被cut，而唔係單單鮑姐一part，相反，鮑姐已經cut得算少，所以到底tvb cut片，係因為小氣既問題，還是時間唔夠既問題，可以探討。
星期一晚既東張西望，播番當晚現場後台訪問，包括鮑姐，時間亦唔短，如果話tvb小氣，大可連搵鮑姐訪問都唔駛做，但事實上有訪問，tvb俾人插已經係節目完左之後既事，似乎唔存在”小氣”既問題。
睇黎只係因為鮑姐既亞視身份，先會引起咁大迴響吧……