影王朝製作的《天水圍的日與夜》於香港電影金像獎奪得最佳導演、最佳編劇，最佳女主角及最佳女配角四獎。雖然電影於公映時僅作小規模播放，可是近日於影視店卻變成極難租的類別，而不少售賣點碟的店舖也加推發售。
問題來了，到底《天》片可觀之處在哪？不如試從電影的一小撮情節看看。
首先，陳麗雲飾演的阿婆於超級市場看著食油貨架若有所思。
然後，鮑起靜飾演的貴姐來到打個招呼。
貴姐問阿婆是否買油，阿婆回答了。
接著，貴姐去其他貨架買東西時，阿婆曾拿起油來，又放回貨架，於是貴姐問道何解。
阿婆於是說出雖然不錯，可是太多。
繼而表示單買一瓶又好像不化算。
最終，貴姐提議一起買，貴姐要兩瓶，那麽加上阿婆的一瓶，剛好三瓶。
阿婆接著同意這個提議。
到收銀時，收銀員跟貴姐打招呼。
然後貴姐問收銀員何時下班。
整段情節，可以見到編、導、演三方面的配合。從演出上看，陳麗雲做到了那份認為外間難以明瞭的顧慮，鮑起靜則做到了作為社區一員關心鄰居及提供協助。在從劇本上看，對白是極為生活化的說法，相信不少主婦在超級市場購物時也會對購買貨品如何省錢也會想過。
不過，更為難得的，就是這一幕的情況不只阿婆和貴姐兩人，而是配上了收銀員對於貴姐的關心，更反映了貴姐的人緣及一個小社區的關係。
也許有人說，上述的情況十分「師奶」，可是，愈生活化的對白，其實對於導演、編劇和演員同樣困難，因為這即代表要求整個團隊重現一些生活體驗來，倘若三方面有一方不能深入看到生活的小節，便會功虧一簣。
《天水圍的日與夜》在情節上雖然不像一般電影有高潮起伏，可是這類生活化的情況卻比比皆是，為近年的少見，實在值得再去細味。
Terry
好似薛家燕,李司琪拍真情…
7仔
我好辛苦先睇完,我覺得好鬼悶啊! 我已經係睇到悶片既人,但係呢部真係唔識欣賞…..
歴蘇
但佢地都演得較”造作”, 令我睇得好抽離。《天水圍的日與夜》相比下睇得舒服。
nbachung
7仔.agree.天水圍的日與夜絕值得拿那4個大獎.
金像獎比同情分實在太多了.真係唔識欣賞.係超悶超平淡片..金像獎有時真很敬老..
ryan.可是近日於影視店卻變成極難租的類別，而不少售賣點碟的店舖也加推發售…估計多數人看到feel領嘢超悶…香港人羊羣心態.
不過對[天水圍的夜與霧]有信心喎.看片段幾吸引.
劇情唔方悶..大家已知單news幾轟動.
eng
香港電影觀眾以青年人或中產人士為主，正所謂『唔知米貴』『自己顧自己』『輕視基層人士/長者』，《天水圍的日與夜》無可能受 30歲以下的觀眾欣賞。
過路
其實我很喜歡《天水圍的日與夜》，除了許鞍華，應該沒有導演會拍了，所以編劇得獎也說”唔知佢拍黎做乜鬼，又唔知自己寫黎做乜鬼…”
kent
點解阿婆一定要買呢隻牌子既食油…
係人都知道超級市場既價錢日日都唔同…
過一兩日再買會平d
joe
大把有水準既戲你都話超悶,奇幻逆緣,天水圍,姨媽呢d,自己唔識欣賞就唔好話人比同情分敬老,你咩居心估計多數人領嘢,仲有千祈唔好睇夜與霧,四川個段你又話超悶,一百萬零一夜呢d就啱你啦!
nbachung
joe.不要生氣.只是個人意見…難度你認為鮑姐得獎真冇同情分存在?報章有登過.連鮑姐自已都feel角色平淡.
Jill
此戲導、演十分出色, 劇本則是最弱一環. 對白固然偶有可取之處, 但整體而言明顯功力不足.
jerrychan
有cm話似”真情”, 證明他的觀影經驗好淺, ”真情”只不過是”季節”的延續, 另一齣充滿味精的煽情肥皂劇.
其實要感受到”天水圍”這種這種人情味, 要數到香港8X系列, 當年這個系列好成功, 總共拍了五六年之多. 當中講述鄰里守望, 係生活小事上會關心別人的感情, 已經絕跡於影視界近廿年.
亦因為香港進入所謂的y世代, 只講個人主義, 無人會再關心隔離屋住的是什麼人, 電影中這種本來是稀疏平常的人情味, 係年青一代就會變得疏離甚至不知所芸.
KEN
幾特別ge電影，無可避免有人會用「悶」來形容；但個人仍是鐘意呢套戲。會用「細緻感人」同「平實」來形容!
維達
我覺得若不是生活在這種環境下，又或者曾經歷戲中的內容情況，就可能感到很悶。
劇情是平淡，但當中帶出不少真正意義，我和朋友們由小時候到現在也居住屋村，甚至我的母親性格也像戲中鮑姐一樣，看得很開心。
而鮑姐因喪親痛哭，這又會令我想起以前也經歷這種事，感動起來。
其實陳麗雲將家中的貴價冬菇送給鮑起靜，二人的對答與表情，尤其鮑姐的演技，的確十分熟練；另外陳麗雲與鮑起靜在乘巴士中，陳麗雲將那些首飾給予鮑起靜的戲份，也完全突顯兩者的演技非凡。
Jetta
嗯~謝謝提供報章報導, 但我倒認為角色平淡不代表鮑姐演得不夠出色，相反角色平淡，可發揮的空間才不多，但鮑姐仍然拿捏得細膩到位，實在難得。而因為這角色太平凡普通, 每天每人也能發現，每人都有能力批評其演繹不足之處，但結果極少人提出鮑姐演不活這平凡師奶。唯一能與其爭長短的，個人覺得只有劉美君的演出了…
黃百鳴
這應該是最笨拙的場面分析，SCREEN CAP完全可免。
yo
30歲以下, 非常欣賞！差不多是上年最喜愛的香港電影, 反而葉問我覺得ok咋~
不過, 個人覺得許鞍華係實至名歸, 但兩位女角唔算好出色, 都係好電視劇既演出方式, 攞獎深信係敬老。至於編劇, 如果佢都唔知自己寫咩, 可能因為全部都係照導演意思寫卦, 咁算唔算實至名歸呢?
joe
那位編劇是寫完整個劇本後寄給許鞍華,之後才有這部電影,《天水圍的夜與霧》才是許鞍華由頭跟到尾.
joe
乜角色平淡唔可以得獎?五個之中表現最好係米佢先?你唔好用同情分詆毁人,其他四個真係唔夠佢好喎!
仲有鮑起靜攞埋電影評論學會同埋明周最佳女演員,唔通道道都有同情分造就鮑起靜?
joe
人如其名
heihei0811
其實我一直唔明點點鮑姐個袋會用i am not a plastic bag XDD
JOJO
生活本來就係白開水! 耐唔耐有人請飲, 耐唔耐有人病, 耐唔耐有人過身, 你先會嘗到少少甜酸苦辣. 唔通你以為日日都有人斬人先算高潮? 老實講, 能夠做到咁師奶角色既演員唔止鮑姐一個, 但係縱觀今屆五個女主角提名入便, 佢既角色係最有真實感同感染力既一個.
你話套戲無高潮咩? 其實有幾多人體會到佢為糊口奔波探呀媽都無時間, 做大家姐窮都頂硬上,老來喪伴但幼子無依既難為? 佢丟老公條牛仔褲果幕, 我同我呀媽都喊出嚟.
Dony
咁辛苦你就唔好學人睇戲啦~~
又要學人睇得獎電影扮高級~~又要o係度嘈…….
Dony
寫實電影就話悶~~唔怪得而家咁多年青人鍾意沉醉於遊戲世界…….醒醒啦後生仔……
同埋你用得悶去形容一套戲~~即係你識睇戲都有限~~而且唔懂得尊重電影…….
Dony
難道你知鮑姐得獎有冇同情分？
唔好將你覺得係o既野就當左係真實…….
都話而家d 小朋友好鍾意活o係自己o既幻想世界…..
Dony
其實我都覺….唔通佢ryan佢地覺得d人睇唔到字幕??
同埋全套戲有好多比呢場更好o既場口~~用呢場戲黎講有d 浪費…….
魚腮人
《天》片雖然平淡，但係佢o既戲味係會係睇完之後慢慢咁滲出o黎o既
Tabris@子貓
我相信年齡是不對本片最大的分野，而是生活水準問題
如我等雖只為廿多歲但亦為之共鳴，只因大家生活相近
我覺得《天》正好是我等低收入人士的最佳寫照，雖然平淡，但真實。
星屑醫生
我屬於喜歡的那類人，片中很多細節可堪玩味，例如，鮑起靜兩個每餐都吃蛋。
也喜歡團契那段，笑到我死，因為我們的團契也是這樣的。
我們留意到有一幕錯了，是女孩子叫錯了堂哥做表哥。我朋友老死C 在許鞍華的talk 中提了這個出來，引得哄堂大笑，而許鞍華也在talk 中認了錯(!）不過到DVD 出了，也沒見這個錯處改了。
nbachung
Dony.寫實電影就話悶.我冇咁talk.只是feel天水圍的日與夜悶.
吓.話套戲悶就代表唔懂得尊重電影.都唔知咩道理?
我不是小朋友..都算中年人了..
joe .冇詆毁鮑姐意思.唔明劉美君輸在那里?除左同情分外.
仲有鮑起靜攞埋電影評論學會同埋明周最佳女演員..feel得敬老.
shtmanhk
許鞍華：《天水圍》一度擱淺
http://news.sina.com.tw/article/20090424/1641308.html
shtmanhk
電影評論學會的評選過程一切是有根有據,請閣下看完他們的理據才再下結論吧!
信口雌黄前,請做一點功課.
nbachung
kent
唉…
講真心話都有罪
呢度有偽君子扮哂正直,扮專家
kent
你既意思係
電影評論學會跟香港電影金像獎係用同一班人做評審
Tim
我非常筆者的說法，金像獎的確是敬老，不是說鮑起靜演得不好，而是劉美君的演出的確令人眼前一亮，非常的很大驚喜；我認為劉美君得獎才是實至名歸！
shtmanhk
http://filmcritics.org.hk/big5/criticism_section.php?catid=39
遲些出版的《2008香港電影回顧》會更詳細紀錄整個評選及討論過程.
碟迷
劉美君係好﹐但鮑起靜是把演技融入生活﹐完全人戲合一﹐如果你試過演戲﹐你就會發覺演極度平實和生活化的角色﹐一般來說﹐調節上是比演戲劇化的更難。
況且﹐劉美君整體雖好﹐但個別場面略覺造作﹐始終是完全塑造另一性格﹐拿捏不易﹐容易過火。但重複說一次﹐我也覺得她演得很好﹐只是鮑起靜是更好!
Tuss
鮑姐話個角色平淡，呢句說話本身係已經太了解香港鑑賞人士的價值觀，覺得大眾係喜歡戲劇化的人物，性格夠極端，好似溏心風暴同laughing哥那種風格，就覺得有得發揮，或者容易令觀眾覺得有發揮。
但係，好似上面Ryan cap出來的一段，先不說那些分析，但是那種平淡的生活劇情，如果用商業片邏輯，早已因沒有劇情推進而刪除了，即使有了這一段，也因為太過「沒發揮」，一般演員也做不下去，又或者做得好「真情」。但是，我相信在有一天，你年紀漸長，你可能已記不起電影的名字，看著超級市場的貨架時，就會想起自己看過有一段咁嘅劇情。
慕容渺渺
我很喜歡這電影，喜歡他的真實、細膩。看完後還令我想起很多與家人相處的感覺。我在網上看過很多朋友對於這電影的意見，很多人都因為看這電影而令他們想起了與家人、鄰舍、甚至知足、自強等等的反思….，我想這就是這電影出色的原因之一
過路人
成就好片力量、再創傳奇佳績天水圍的日與夜4.30載譽重臨百老滙電影中心
7仔
唔好人身攻擊好啊,一部電影一定係有一半人鐘意,一半人唔鐘意既啦! 我都係許鞍華既影迷,但我覺得佢以前既女人四十,撞到正,投奔怒海,瘋劫都高班過呢部幾萬倍!!!!
阿呆
唔止, 片首 貴姐 去飲, 有人話肚痛讓位打牌, 其實係那人知道 貴姐 悶, 所以咁做, 正如 貴姐 所講, 未食野 , 又點會肚痛.
傳說中的地通拿
其實係反映出平民不知不覺用緊冒牌貨。
Joe
邊個講架?你又知一定系50/50,仲要部部都系?
7仔
比喻0者大佬,都費時同你講,野蠻都死….
加利
套戲所有野都真係好淡
似一部紀錄片
鮑姐拎女主角獎係實至名歸
無戲可演既角色,佢都可以演得咁好
點可以唔拎獎
Tony
今天下午2時場, 入場仲多過上次看戰羊, 有很多較年長的, 開場前排晒隊買飛. 此片也應該在嘉湖銀座放映.
片中”東方,OK”等不避嫌的運用也是實感之一,(陳麗雲買的電視機不會爆炸吧) 更出現一些動漫海報, 連W高達外傳”G Unit”(1997)都有就真係奇, 另有綠色PG渣古出一個鏡頭 (可能真是借屋拍攝, 道具組都做唔到半高達半NBA的屋), 至於團契, 唉, 廿年如一日地表面化.
這部小品被捧到半天高, 部份因為純粹的港產片, 已經幾乎被”屍爬”吞噬.
Wong仔
真是一部好片!片酬雖然少,但製作用心,值得回票。編劇將某些情節極生活化,以上的「師奶買油記」便值得一讚。攞到獎都是值得的!
Wong仔
對於某些觀眾來講,有些觀眾愛看某些類型的片,而閣下可能是不習慣觀看這一部超平淡生活化的電影,如果讓小朋友看一遍,也許他們也會說:「這部電影很悶呀!」
Wong仔
雖然我都系後生仔,但我非常同意你的講法-3-