王家衛執導的《東邪西毒終極版》終於在明天在港開畫，當大家仍在考慮是否該看這部電影的新版之時，其實當年王家衛也曾監製一部同樣有東邪和西毒的電影，可是效果則截然不同。
這部電影，就是《射鵰英雄傳之東成西就》。
《射鵰英雄傳之東成西就》演員陣容雲集了《東邪西毒》的八大主角其中七人，僅獨欠楊采呢，不過卻又加上了鍾鎮濤、葉玉卿及王祖賢，可算是星光熠熠。
這部電影是劉鎮偉執導，排在賀歲檔期的第二檔，走的是瘋狂喜劇路線，角色、人物與劇情仿如人造卡通一樣。有何經典留待各位留言大講特講。當中其中「經典」一幕，可算是梁朝偉如下圖的「孖潤腸」造型。
《射鵰英雄傳之東成西就》雖然有點爛味，可是卻看得十分歡樂，於九三年上映時錄得二千三百多萬票房。可是，若果今時今日找來他們再演這類作品的話，恐怕要他們肯去演出也十分困難了。
JACK
《射鵰英雄傳之東成西就》經常在中國的電視台播出，甚受歡迎！
Rat
聽聞當年有關方面仍嫌票房不好, 有沒有版友有所聞?
shtmanhk
王晶94年嘲諷王家衛之作:珠光寶氣
東蛇西鹿
http://www.youtube.com/watch?v=Hbey2EuS1oo
重慶呻吟
http://www.youtube.com/watch?v=8FVSO1MEr40
戀愛夢遊中
楊采妮當年是否太紅所以接不到這部戲?
X
前排仲見有線播《東成西就修復版》,d顏色彩度較高
AhcheunG
點都紅唔過其他七位卦﹖
joe
早年聽了王導演的一個訪問, 他提及東成西就為了趕拍上畫, 劉導已頂了3晚通宵, 還欠最後一場ending宮典戲未拍, 並希望由王導幫忙完成, 可惜王導惋拒了, 令劉導生氣, 還差點更他反面, 最後結局戲還是由劉導完成.
王導說他不拍的原因, 是因為他完全不懂得怎去拍, 因為當時他們的結局戲的劇本只有四個字:普天同慶.
joe
JOK
粗製濫做，靠大明星搞笑，難怪香港影壇衰落！
戀愛夢遊中
咁又係 嘻嘻 不過都很懷念果段時間的她
andies
當年就係他們的”粗製濫造”
先至做出如斯經典的荒誕喜劇……..
同而家個種”粗製濫造”已經係兩回事……
布魯濤
其實你知唔知呢套戲既背後故事架?
佢能夠完成套戲同有錢賺都係一個好唔簡單既事
晶晶
這齣戲好睇！
絕對好睇過今時今日鄭中基王祖藍果d不知所謂戲
軒
情形就好似用兩頭鮑加海虎翅再加千年人蔘做湯底去煮一碗車仔麵, 恐怕都幾空前絕後.
不過話時話, 呢套胡鬧到底的戲謔片(我最中意梁朝偉偷鼎戲謔如來神掌的章節)又真係相當好笑, 我不時都摷出黎翻睇.
Rat
等廿年後港片真正滅絕晒, d人又會點睇番鄭中基王祖藍?
東
我聽朋友說過關於這戲的故事
說本是王家衛拍的,但演員檔期不長
因此為了不浪費檔期,所以要趕工趕出一個爛劇本,以期用盡演員
大家有聽過這故事嗎
不知是真是假
Simon
但就算發哥留喺香港, 呢十年會令佢變成邊一個Tony Leung(梁朝偉/梁家輝), 都係無人講得埋……依家返轉頭, 總可拍得到杜琪峰, 都算令人期待啦o
另一個版本係當年拍《東邪西毒》既”畢值”駛到七七八八, 唯有拍呢部黎籌期埋尾
aimar
經典喜劇.
笑到停唔到.
劉鎮偉好野!
judy
因為王家衛”東邪西毒”不斷超支和超期
片商為了填補虧損
用空檔讓同班人馬拍了”東成西就”(劉鎮偉導)趕賀歲檔
迷逃小書童華安
其實一點都唔爛，只可以係話佢誇姐…加上一班巨星又肯同你癲，尤其是劉家玲…
快樂的
呢套戲係93年賀歲檔上
楊采妮是93年12月才出第一張唱片
出碟以前好似都冇任何電影演出
所以佢唔係太紅而接不到這部戲
而係根本未紅
Ron
這是我最喜歡的一套電影！！！
熙少
唔係呀，其實93年7月楊采妮都有齣「超級學校霸王」上畫