隨著亞洲主要影展之一的韓國釜山國際電影節將於十月上旬舉行，各項相關活動情況亦陸續公佈，繼日前公佈了Asian Film Academy觀摩學習及Pusan Promotion Plan市場計劃的名單後，今天開始公佈電影展將設立香港導演杜琪峰的專題，並選映他執導的十部電影。
其實國際影展辦杜琪峰專題已非首次，歐美地區不少影展早已提供杜氏的專題回顧，不過亞洲電影節則較少選映，不過香港國際電影節於十年前也曾辦過杜琪峰專題。至於釜山是因為要先要做其他更殿堂級導演的回顧還是後知後覺則無從判斷。
是次釜山國際電影節選映杜氏導作品共有十部，分別為《碧水寒山奪命金》(1980)、《阿郎的故事》(1989)、《暗戰》(1999)、《孤男寡女》(2000)、《大隻佬》(2003)、《大事件》(2004)、《黑社會》(2005)、《黑社會以和為貴》(2006)、《放．逐》(2006)及《復仇》(2009)。至於八九至九八年期間雖然杜琪峰拍過超過十部電影，當中包括《沙漢仔與周師奶》、《審死官》、《赤腳小子》、《東方三俠》、《天若有情III烽人佳人》等，但卻無一能獲選映，相信也許跟版權有關。
大家對於這個杜氏專題的選擇又覺得如何呢？
老馮
梗係唔滿意啦!點解無《鎗火》、《PTU》、《柔道龍虎榜》和《神探》呢?《鎗火》係杜琪峯最重要的作品，眾多影評人推祟備至，點會無架!《柔道龍虎榜》是他最喜愛的電影，也是港產片少見。《大事件》絕對唔應該被選。《PTU》、《柔道龍虎榜》和《神探》可以無，但無《鎗火》，點叫做杜琪峯回顧展呀!無睇過《鎗火》唔好話熟識杜琪峯!
nihat
天若有情III烽人情人依套都唔錯呀!
nihat
btw套戲名係叫烽火情人
nihat
sorry.烽火佳人
Simon
一部《鎗火》已經頂到《放.逐》+《復仇》,而《黑社會》同《黑社會以和為貴》會唔會重覆左呢? 不如用個quota映《PTU》,《暗花》,非常突然》或者《柔道龍虎榜》可能仲好o
Norm
非常同意
shtmanhk
《黑社會》同《黑社會以和為貴》一定要打孖上,否則觀感不完整.
Wong仔
《神探》系韋SIR+杜SIR,可能系呢個原故。
Wong仔
點解會冇《鎗火》架!?大家來評評理。
紫洋
記得杜氏曾經話過拍”柔道”係用黎記念一位前輩級大導演..而自己真正最滿意,好似係”熗火”, 我有呢套戲既DVD, 入面杜氏自己話過呢套係最滿意作品
shtmanhk
杜氏最滿意是《柔道龍虎榜》
mochi
I remember seeing some critic’s appreciation for 鎗火 in some magazine feature, around the time 神探 opened in Korea (Lau Ching-wan had a lot of passionate fans greeting him when he was there!) So I’m guessing it’s not totally unknown, especially with the fact 鎗火 definitely has been on retrospective, arthouse run there before – yes it’s a pivotal work the Korean critics _would_ know (they all grew up on 80s HK movies after all.)
Who knows the real story behind this program selection, but we can only hope a bigger tribute like this will whet more people’s appetites to seek out many other 杜sir works!
SEA
如果俾我話事,一定會係其一。唔知有冇人贊同
faihim
其實柔道,鎗火,我都覺得杜sir係向黑澤明致敬.
睇番個十部戲,竟然無鎗火,十萬火急,真心英雄,神探..
實在失望.那些孤男寡女,大事件就反而入選…
紫洋
認同朋友你的講法~~”孤男寡女”商業味很重. (其實套戲幾好笑,記得當年票房都好好, 只是感覺”唔夠杜琪鋒”.)
“大事件”其實本身個idea係唔錯的,個人認為大件事入面最大件事就係陳慧琳係主角, 個人認為佢唔係演技唔夠好…. 而係完全無演技可言,(個人認為)戲中佢係演一個專業既高層女警, 所以野好似控制得好好, 同任賢齊鬥智鬥力咁…但我覺得佢做左成套戲既表現,係完全及唔上同戲入面既邵美琪出演.當然我明白用kelly同maggie比較演技好似好咩咁….
題外話(聽說kelly當年曾佢遠卦外國學做戲..)
shtmanhk
大事件的劇本(陳慶嘉+葉天成)未能和idea好好配合,全靠杜琪峰高班導技過骨.
本人當日也對大事件有些少失望,尤其是緊接《大隻佬》之後.但 大事件 是杜琪峰在三大國際影展首次正式亮相,也憑此奪第二次金馬獎最佳導演.大事件一如吴宇森的辣手神探,多少有點向海外示範駕御商業動作片之能耐.大事件的海外評價絕不低(俄儸斯己翻拍了),國際知名度也不弱.(反而受本地觀眾追捧的《大隻佬》在海外備受冷落)
以本人所知,過去有兩部港片在韓國很受歡迎:天若有情,至尊無上.
nbachung
紫洋.好似陳慧琳係根詹sir上過堂學做戲.[唔知有冇記錯].唔怪得咁大獲.
大事件的俄儸斯版看左少少片段..製作勁過杜sir大事件好多.《大隻佬》在海外備受冷落..杜sir在東touch有詳細提過.
kwan
沒有《鎗火》，也沒有《柔道龍虎榜》，很難稱得上杜氏回顧展
..
陳慧琳在韓國亦有一定知名度…
shtmanhk
杜琪峰釜山電影節開課 分享人生與電影
http://news.sina.com.tw/article/20091010/2227946.html