講戲、鏟戲、片戲

周潤發真的令人期待?

Picture

曾幾何時,周潤發的確是票房靈丹,凡是他主演的影片,均有不俗的票房收入。也許是這樣,他最終還是過了荷里活發展。不過,當外間影評正揣測周潤發在《魔盜王終極之戰》出場時間是否以秒數計劃之時,大家是否先來回顧他在荷里活的發展?

周潤發在九五年拍畢韋家輝初執導作品《和平飯店》後便開始其荷里活之旅,齊齊看看成績:

九八年作品《血仍未冷》(The Replacement Killer),演的是一名開槍機器,對白少到出奇。當時該片劣評如潮,連曾江的英語跟演技也好過他。

九九年《再戰邊緣》(The Corrupter),都係開槍機器,票房及表現不見得比上一部好,嚇怕好多人。

同一年,有他演文戲的《安娜與國王》(Anna and the King)。好似好有戲做,不過留意片名,主體係「安娜」而不是國王。周潤發的作用,是男裝花瓶一大個。

零零年,拍李安的《臥虎藏龍》(Crouching Tiger, Hidden Dragon),又是作陪襯品,襯托的是以食提子上位聞名的章子怡。

零三年,又變回開槍機器,拍下《刀槍不入一僧侶》(Bulletproof Monk),香港片名騎呢得緊要,而電影本身亦同樣嚇人。

雖則周潤發是不少朋友心目中的偶像,但大家試問一下,周氏在荷里活發展的各部電影,都真係同佢演的港片水準,有一個大幅度的折讓。到底做演員是想演好電影,還是希望挖空心思在荷里活生存,便是終極目標?

期待他的,不是去看《魔盜王終極之戰》,而是看三月曾開畫的《姨媽的後現代生活》。

Previous

香港戲院的「可加可減」機制

Next

《魔盜王》連環場

15 Comments

  1. Ben

    呢齣戲,我唔係諗住睇佢的 =P

  2. 剛看了,還好,出場時間都有十零分鐘。

    還有發哥廣東話贈送。

  3. 小夢

    一向都唔係咁鍾意佢,覺得佢份人好囂但其實又唔係有咩特別好成績喎,只係去菏里活兜咗一圈就返嚟也吔文吔武。

    外國人真係受佢咩?又唔係喎,拍親d外國片就正如網主說的一樣,發揮不大或者是配角。好似章子怡咁,佢拍西片係當正的,那才是叫得外國人歡心﹗

    其實覺得佢最唔要得既係當年佢處理和陳玉蓮的那段感情,太小器啦佢,當當大男人無d風度﹗

    以上純粹個人感受,如有得罪請多多包涵。

  4. 小夢:荷里活有一定遊戲規則,演員融合程度好睇佢地了解又或者會否有一點妥協。

    講到香港演員發展程度,最好的或者不是周潤發或李連杰,而是曾江。

  5. 承啟

    看了魔盜王….對於戲中發哥只有十分鐘我不意外,不過角色行行企企的”重要”程度才令我最”驚喜”。

    有無發現發哥近幾年演出的角色其實都是配角甚至客串?他似乎已經想脫去偶像的光環,盡力為他人作嫁衣裳,我想好像一本雜誌的封面所說,發哥真的老了,他可能不再想走在最前,只想演好自己的角色…

    我始終覺得發哥係好勁嘅,對比起謝菲路殊都唔輸蝕….不過佢嘅英文又真係…..

  6. 其實年齡不能走在最前,似是香港電影的思維。畢竟我們很多演員的演戲生命實在短得緊要。

    周潤發在香港人眼中星味太重,大家對他於荷里活轉當配當,仍未習慣。

  7. 001

    係別人地方,
    自然要配合人地既規則,
    你試想想,
    由一個非州黑人黎擔正拍港產片,
    重要連港東話都講唔正,
    大家接受到嗎?

    站在發哥立場講, 搵真銀,
    等退休吧啦

  8. 001: 同意入鄉隨俗的重要。感覺周潤發在英語演員出,不像成龍般生動,也許是致命傷。

    至於廣東話講唔正是否接受不到,有時也有例外,例如舒淇。

  9. 人家章子怡﹑鞏俐﹑成龍﹑楊紫瓊在外國也能做女一﹑男一號耶。

    連黃秋生在愛在遙遠的附近戲份都多過周生在魔3裡唄。

  10. 歌唱魂

    小夢君:
    覺得周潤發份人囂, 這個看法應該三十幾年來幕前幕後第一次聽. 正所謂關公都有對頭人了.

  11. 歌唱魂:我想,有時未必關藝人事,其他配套或會影響吧!

  12. Ryan你最後有無睇﹖我買左隻D9﹐以為係大陸片﹐原來係許鞍華執導﹐啞左﹐周潤發係入面﹐我真係唔知點形容佢…而且好似最後都無講到佢係咪感情騙子﹐雖然似係…不過點講﹐都好過佢係魔盜王入面行行企企。

  13. 文少:入場看了,真的只是一部大片而已 

    文少 :
    Ryan你最後有無睇﹖我買左隻D9﹐以為係大陸片﹐原來係許鞍華執導﹐啞左﹐周潤發係入面﹐我真係唔知點形容佢…而且好似最後都無講到佢係咪感情騙子﹐雖然似係…不過點講﹐都好過佢係魔盜王入面行行企企。

  14. 呀﹖原來加左括號會唔見左個戲名﹐我係問你有無睇姨媽的後現代生活﹖

  15. 文少: 睇左,算ok啦

    文少 :
    呀﹖原來加左括號會唔見左個戲名﹐我係問你有無睇姨媽的後現代生活﹖

發佈留言

發佈留言必須填寫的電子郵件地址不會公開。 必填欄位標示為 *