《忘不了》教你小巴行業

2007年 5月 26日 講鏟舊片    7個留言   

Picture

由爾冬陞執導,劉青雲及張柏芝主演的《忘不了》零三年在逆市開畫時算叫好叫座。原因之一就是對紅色小巴這個行業有極為現實的描述。就以其中一幕站頭負責人陳惠敏在擺孫兒賀壽時,張柏芝到場要求免交「入線費」一幕,兩名童星之間的對白就十分實在。

男:「我姨姨要入線呀!」
女:「咩叫做入線呀?」
男:「我都唔知呀!」

結果,陳惠敏感到極為尷尬,最後免了張柏芝的「入線費」。

不過,當中劉青雲教如果在小巴行業「搵食」亦同樣精采。

Picture

張:「點解你開車要用二波既?」
劉:「一波起步慢勒嘛,通常都係斜路起步呀,或者你自己車呀咁囉。自己車用一波,咁咪錫車D囉。咁有時同埋D行家平排,係燈前面又要搶面個客既,咁梗係用二波啦!搶食,搶食丫嘛!」

Picture
劉:「而家紅燈你就無得衝唧,黃燈你就要搶勒喎。」

Picture

劉:「同埋你Dup車呀,唔好Dup咁勁呀,如果唔係牙,班客個個仆穿頭都有知!」

Picture

劉:「不過記還記,跟唔跟佢係另一回事。」

Picture

劉:「一眼關七,有客落就落客,無客落就俾油!」

Picture

劉:「快少少就走多轉,走多轉即係賺多轉!」

Picture

張:「喂,小心呀!」
劉:「渣車大恰細丫嘛,你唔駛驚D的士佬嫁,有咩你就俟埋去囉,佢驚過你啦!」

Picture

劉:「不過嚇時嚇喎,你唔好真係俟埋去喎,下,俟埋去棧嘥時間咋喎。你睇!呢D咪叫做戇居啦拿。」

Picture

劉:「呢條木咀唔知訂,禁區截車!」

劉:「博上唔博落,上客你就袋袋平安,落客俾人捉到抄告票就自己囉黎衰,無人可憐你嫁!」

Picture

劉:「嗱,D車砵你當佢傻既,D客詐型當聽唔到囉!」

各位搭過小巴的朋友,是否有親身經歷或「驚歷」呢?不過從業員千祈不要亂學,不然就會…

Picture

Facebook留言

微博評論

7個留言

  • 真係好正!

    不過坐車都要睇彩數,未必個個都咁好。

  • 我好鐘意呢場劉青雲教張柏芝點揸小巴「搵食」,佢可以話解開我一直對小巴司機嘅誤解:遲遲唔肯開車為咗上多D客、交通燈前好似同緊人”鍊”車,原來為咗爭客呀….

    重有一幕好深刻嘅:張柏芝係街市到執D爛菜果場

  • 兄台,不如你嘔條片上youtube啦,我想睇睇。

  • 呢套戲確實係好正﹐我覺得香港應該拍下多D同交通工具有關的電影囉。你諗下如果有套片講一個電車佬返工同感情生活﹐應該幾得意。

  • 文少:我擔心拍起來,粗口多到爆囉

    文少 :
    呢套戲確實係好正﹐我覺得香港應該拍下多D同交通工具有關的電影囉。你諗下如果有套片講一個電車佬返工同感情生活﹐應該幾得意。

  • 又未必0既﹐如果係“忘不了”都可以好多粗口啦。最好就講一老一少兩個電車司機啦。淨係講點入行同學渣電車﹐應該就好過癮。或者我應該寫信比劉德華﹐比橋佢拍先(講笑)。

  • 文少:其實如果有粗口,才反映現實,只是怕三級少觀眾而不敢寫而已

    文少 :
    又未必0既﹐如果係“忘不了”都可以好多粗口啦。最好就講一老一少兩個電車司機啦。淨係講點入行同學渣電車﹐應該就好過癮。或者我應該寫信比劉德華﹐比橋佢拍先(講笑)。

Got anything to say? Go ahead and leave a comment!