香港戲院加價要怎樣加?

2007年 5月 29日 講鏟戲院    9個留言   

早前曾說過近期片商已按照電影片長「按量收費」,其實這項名不正言不順的做法,源於香港大部份戲院已於近十年沒有調整票價所致。

其實據聞院商將打算今年內加票價,問題只是怎樣去加?大家對於加票價當然不高興,但細心一想近十年雖然票價不變,但戲院員工薪酬、電費等卻有調整,再加上通脹重現,硬說不加價已不太現實。

再者,香港的票價,相比起鄰近地區亦不算太貴,韓國的票價七千圜約六十港元,日本的票價更高達逾百港元。但問題只是怎去加?

按照片長收費的方法,以佔用戲院時間計算,看似十分合理。不過此舉卻本末倒置。西片片長不能控制,令片商難以預計收入。至於港片,此舉只會令他們扭盡六壬來計算不片,片長未必因應需要來調較,聽起來絕不可取。

一刀切加五元?只會加劇各場的「貧富懸殊」,中午場因為加價而吸引力減少,至於夜場反而影響不大。而且,一些戲院根本沒能力一刀切加,只會加促這類戲院的淘汱。

那麼,按開場時間收費又如何?

按放映時間收費做法,其實不少戲院已暗地裡開始,平日六點前一個價、六點後一個價、假日又另一個價。這個做法雖然看似複雜,但事實上不少地區如韓國已實施多時,效果亦不俗。

按放映時間收費,原則是早場特廉,日場正常收費,平日夜場及周末日夜場調高一點,午夜場又減票價。例如標準票價五十元,早場三十元,夜場五十五至六十元,午夜場四十或四十五元等。

這類做法,一方在票價上有差別「鼓勵」觀眾到其他入座不高場次,同時亦可推動日漸衰落的午夜場事業,大家又認為是否可行?

Facebook留言

微博評論

9個留言

  • 加價可能會趕走d游離客

    我同意分時段加價係比較可取ge做法。但最好唔好加早場價啦 XDD

  • 唔係喎,據我所知gh今年開始已加價了。

    去年︰
    早場︰30
    平時︰45(青衣﹑荷里活)50(其他院線)
    vip︰35

    今年︰
    早場︰35
    平時︰55(青衣﹑荷里活)60(其他院線)
    vip︰45

    全線gh加價10元,但係我見spinman3﹑魔盜王3,早前的血鑽﹑巴別塔都有加價。

  • 而家好多戲院加價都「暗渡陳倉」啦!只不過點加先至係較為接受。

    自《達文西密碼》起,幾乎所有片長過一百四十分鐘的電影,都聲稱因片長關係加票價十元。

  • Ben: 加價早期一定有趕客,但趕到幾耐?好多時又係加完又慢慢入返去。

    分時段收費目的係,大家可以選擇不同價錢,當然,平日返工如果減到廿元一票,有多少人願意請假睇戲就另計。

  • 小夢 :
    唔係喎,據我所知gh今年開始已加價了。
    去年︰早場︰30平時︰45(青衣﹑荷里活)50(其他院線)vip︰35
    今年︰早場︰35平時︰55(青衣﹑荷里活)60(其他院線)vip︰45
    全線gh加價10元,但係我見spinman3﹑魔盜王3,早前的血鑽﹑巴別塔都有加價。

    你的發現和我一樣,我都想講GV,之前做VIP真係好正,現在每張票平十元而已,但係都冇法,鬼叫呢間戲院在我家附近,唔洗乘車..

  • 咖啡女 :
    小夢 :唔係喎,據我所知gh今年開始已加價了。去年︰早場︰30平時︰45(青衣﹑荷里活)50(其他院線)vip︰35今年︰早場︰35平時︰55(青衣﹑荷里活)60(其他院線)vip︰45全線gh加價10元,但係我見spinman3﹑魔盜王3,早前的血鑽﹑巴別塔都有加價。

    你的發現和我一樣,我都想講GV,之前做VIP真係好正,現在每張票平十元而已,但係都冇法,鬼叫呢間戲院在我家附近,唔洗乘車..

    ME TOO,我都係貪佢係我屋企附近。

  • 覺得GH最衰既係,佢係上年叫人JOIN會員既時候又無話今年票價會加喎,仲有嗰D COUPON又亂,之前如果唔係有人上去嘈GH,佢都諗住側側膊唔多覺囉。

    GH仲有一樣嘢衰,就係人哋百老匯早場係計到12時前的場,但係GH係計11點前,以前係俾佢搞錯過我一次,以後都知醒。

  • IMAX may cost $90 is it reasonable? Sorry for writing in English

  • IMAX收費方式會因應播放種類,如2D、3D等情況而有所不同,稍情後談。

    但以一般票價五十五元計,IMAX 2D即使收九十元,亦算在合理水平內。

Got anything to say? Go ahead and leave a comment!