《單身部落》:七零八落、絕對大鑊

2007年 5月 31日 講鏟新片    27個留言   

Picture 

 《單身部落》雖拿「部落」(Blog)作片名,但請各位不要因此而入場。一來,整部電影根本跟博客或部落完全無關,連Blog也沒有一個。二來,電影可算是今年開畫港片中另一部挑戰下限的「杰作」。

電影想探討是一群年青人的生活態度,主要角色落在李彩華的Kitty、谷祖琳的Viann及董敏莉的華。不過三線發展都全部水過鴨背,很多對白亦得過且過。很多時各個演員的情感亦忽然感應。因為劇本薄弱,導演兼編劇於是採用了主角對望鏡頭說話談另一角色的心聲來掩飾不足,但仍未能解釋各角色心理變化的源頭。

三個女角佔戲比重不同。李彩華的Kitty佔戲較重,不過她的演技絕對令一部被導演稱為娛樂片的電影變成不折不扣的恐怖片。李彩華在過往電影的失誤從未改過,面部化粧仍是「馬騮屎忽」般突兀,至於表情,無論甚麼心情反應,在她的面口和聲音根本看不出來。李彩華的木訥程度,從她在酒吧的各場表現,完全看到。而數場她跟不同男伴的性行為亦極為造作,聲音及動作,即使沒有性經驗或有性經驗的人亦做不出來,觀眾難以投入。倘若李彩華一角選用如董敏莉又或是應采兒,表現應截然不同。

谷祖琳的角色設計上亦是三尖八角,她跟黃浩然一段即興感情,變成婚後的第三者。谷氏表現一般,不過不失。相比之下,董敏莉的角色較易演繹。她跟安雅飾演的駱小姐有一段同性戀。由於董氏表現無知,完全符合角色所需。至於安雅,片中身材十分健碩,而配音卻十分奇怪,有時連咀型都不太合拍,但算是全片最佳的女角。

男角方面,著墨不多,無論是黃浩然、連凱、陳輝虹、曾國祥、葉山豪、吳嘉龍雖然選角算合適,但也只是來去匆匆。各男角根本無任何篇幅再深入討論角色,可惜。

電影標題說「5月31日Blog來Blog去」,雖然沒有Blog,但是隔著被舖或床上的「扑」卻真的不少。不過觀眾不要想歪,因為電影中所謂「大膽」演員,僅是李彩華的露背或谷祖琳的出浴,而兩者擺位亦十分奇怪,絕無美感可言。

電影群戲極多,但處理上落在曾是《炮製女朋友》編劇的李保樟卻淡得緊要。其中一場以眾角色在水療中心的錯摸,達不到其本來喜劇效果,眾主角得知關係時的無奈表情,完全充滿在入場觀眾的心裡。

觀看《單身部落》時,觀塘apm戲院入場觀眾數位,但由於電影劇情沉悶關係,其中兩位在中段已先行入睡,逃過一劫。

總括來說,《單身部落》作為李保樟的第二部作品,拍得七零八落。男角選角可以但欠發揮。而女角對位完全自暴其短,特別是李彩華的「嚇人」演技,令電影起了「導演李保樟、質素無保樟」之名,哀矣。

Facebook留言

微博評論

27個留言

  • Lama:這個影圈就是這樣神奇了。

    Lama :
    我同過呢個導演和監製度過野,呢D咁既人,仲可以係電影圈生存到,香港電影無法不死。

  • 原來同《炮製女朋友》有關係,唔怪之得電影咁樣啦。>”

  • 不過點都要入戲院度睇一次,因為等咗好耐如果入唔到去睇會攣攣亂,嘻嘻。

    不過你都好快手喎,今日第一日上你就睇咗,勁﹗

  • 小夢:不過《炮製女朋友》差,導演本身亦有責任

  • 小夢:套戲唔值得入場支持喎,要支持慳點錢等《綁架》、《戲王之王》等好過

  • 其實群戲真係好難拍得好既,因為各個演員戲份相對會少咗,而且一定唔會個個演員都演得好。

    我如果真係去睇純綷想睇谷祖琳,而且唔想等出碟了,覺得唔知點咁,不過都會睇吓點先啦,話哂月尾,哈哈。

  • 小夢:有李彩華響度,破壞力驚人,不可小覷

  • 咁又係吖,佢演戲一路都係好誇張,嘥哂佢既美好外表。

    成套戲就係得谷祖琳同黃浩然可以睇得吓。

  • 小夢:《單》片中表演最好的,反而是安雅

  • 呢齣我睇宣傳真係有諗過入場,因為blog…..

    好,慳番

  • 唔係啩?﹗

    但係佢係配音?

  • Ben: 慳返的錢可以改看《降頭》或《性工作者十日談》

  • 其實我想入戲院度睇,完全唔係為咗個blog字,其實我從來無諗過因為blog而要入戲院度睇,點解要因為嚟個字而入戲院度睇?

    其實我睇簡介既時候,已經知同部落格係無關係的了,當時也不明白為什麼電影個名點解會咁搞笑既?哈哈哈。

  • 莫非片名是拿來撈油水之用?不知道了

  • 10樓回應8樓的。

  • 但安雅即使配音,表情怎樣都好過李彩華啦

  • 單睇海報都唔覺吸引,仲要有個公仔係度唔知點咁

  • 河馬仔:個公仔響片中真係有用到,是三位女角玩Up and Down :P

  • 唔點點解呢,我對嚟部電影真係好有興趣,由佢哋開拍到而家我都覺得好吺引,哈哈。︰p

  • 今日睇咗,覺得套戲真係拍得好亂,其實想要表達d咩呢?

    不過整體上一套小品還算可以,小谷真係做得唔錯,rain初頭都ok,但做到後段覺得表情有d誇,但比起佢以前的作品都有進步。

    安雅,戲份係四女中最少的一個,但比起陳苑淇要多,但係呢,無咩發揮。

    做黃浩然的大舅係邊個演員嚟架?做得唔錯喎。^ ^

  • 佢可能以為用Blog 掛帥,一定得掛…

  • hang: 所以這些便是片商想撈油水的表現囉。

  • ˙初次到訪,你好~
    ˙喜歡你的直接,落筆夠狠。以後每次選看電影前必來探訪你的影評。

  • 其實我有想過睇呢套戲,因為個故事好像簡介好像寫得幾吸引.

    不過,睇完你呢篇,我諗我都係租dvd睇算喇!

  • Oku: 謝謝光臨。總覺得港片很多東西太得過且過而已,實希望大家一起指正。

    Oku :
    ˙初次到訪,你好~˙喜歡你的直接,落筆夠狠。以後每次選看電影前必來探訪你的影評。

  • Crystal: 每人觀點角度不同,故此真的想最快知道優劣,還是要自行入場觀看的。

    Crystal :
    其實我有想過睇呢套戲,因為個故事好像簡介好像寫得幾吸引.
    不過,睇完你呢篇,我諗我都係租dvd睇算喇!

  • 我同過呢個導演和監製度過野,呢D咁既人,仲可以係電影圈生存到,香港電影無法不死。

Got anything to say? Go ahead and leave a comment!