中大電影創作室:被遺忘的創作室

2007年 6月 2日 講鏟專題    20個留言   

Picture

香港的電影公司其實十分多,由永盛或中國星的「大片」到新達寶或新力量的「大鑊片」也可以談。不過在香港近代電影業中,卻有一間電影公司曾遭到業內影評人排擠,就是中大電影創作室(下稱「中大電影」)。這個創作室的製作,卻內含大量滄海遺珠,不過部份影碟發行量已近絕版邊緣。

中大電影是指由士摩.蕭(原名蕭潮發)先生創立的公司,製作大致分為早期(九七至九八)、中期(九九至零零)及晚期(零二至零三)的製作。

要談中大電影,先插敘說說「中大電影」最受爭議的數碼電影。這類數碼電影是一九九九年至二零零零年期間製作,屬「中大電影」中期製作。當然使用價值約三萬元的數碼攝錄機拍數碼電影,每部成本費僅約十多萬。但當年此計劃一出,卻惹來影評界及不少電影人抨擊,此該些電影是剝削導演的表現或認為電影應由菲林製作。結果,「中大電影」的中期電影被主演影評人漠視,既不會去,亦不會評。

不過,奇怪的是,「中大電影」雖然長期租用灣仔己結業的新京都戲院一院,不過當時的中大電影票房不算差。雖然每片只會上映一星期,但「埋單」時票房亦有三至五萬。 而且,現在在影圈算是具風格導演之一的鄭保瑞,早期亦為「中大電影」執導三部電影。不過,該三部電影除《第100日》較易找到外,其他則屬難尋類別。

不知大家又曾看過多少「中大電影」?

Facebook留言

微博評論

20個留言

  • 畢基,畢仁:其實中大的電影真的很睇一套套囉。

    畢基,畢仁 :
    我好鍾意睇喎…
    雖然,一睇就知低成本制作..
    但唔知點解,反而覺得d人好真實,好親切….總之好有感情…睇得好投入架…
    尤其我真係集集都睇晒…就算人地覺得幾難都好…我都樂在其中…就覺得好似佢地一份子咁…而家仲好懷念添…

  • 哈哈哈,不如你講吓有咩電影係中大電影吖,可能睇過都唔知呢﹗^ ^

    點解會俾人排擠吖?

  • 睇唔少,因為香港寬頻電視有個台長期播中大既戲,尤其係陰陽路第廿x集。

  • 皂:陰陽路好似到了十九集就停了。而由第八集起屬中大電影,不過己算是中大後期製作。

  • 發光石頭?
    唔知猛鬼女社工係唔係呢?

  • Tuss: 發光石頭當年是在影藝戲院上畫,屬菲林製作,不是中大數碼系列。《猛鬼女社工》則是中大電影。

  • 陰陽路五之一見發財

  • ryanlob: 《陰陽路五之一見發財》雖是中大電影,但仍是菲林年代。

    ryanlob :
    陰陽路五之一見發財

  • 有線A台由朝到晚都播,多得佢我真係睇唔少。

  • 好似唔係有線,係HKBN先啱。

  • 我諗,佢地播極都只係後期中大片,相信沒有太多人攪過如《死蠢》吧!

    H. :
    好似唔係有線,係HKBN先啱。

  • 因為林雅詩,我有買「第一百日」,果時睇覺得個故仔幾有趣,所以開始留意鄭保瑞。

  • Frankie: 但其後有沒有看埋鄭保瑞另外兩部中大電影呢? 😛

    Frankie :
    因為林雅詩,我有買「第一百日」,果時睇覺得個故仔幾有趣,所以開始留意鄭保瑞。

  • 「發光石頭」有睇,但已經唔係好記得佢講乜,好似係一對姊弟既故事。但另一套係咩呢?

  • Frankie: 好多人以為《發光石頭》係中大片。但事實卻唔係,而當年《發光石頭》是在影藝戲院上映的。

    Frankie :
    「發光石頭」有睇,但已經唔係好記得佢講乜,好似係一對姊弟既故事。但另一套係咩呢?

  • 咦,咁係邊兩套呢?

  • 大家仲諗唔諗到呢?

    Frankie :
    咦,咁係邊兩套呢?

  • 係水着青春救生, 唐寧同袁彌明主演…另一套叫摩登姑婆屋

  • 陳y:全中,不過看《水著青春救生》,焦點也許是韓瑪莉吧! 😛

  • 我好鍾意睇喎…
    雖然,一睇就知低成本制作..
    但唔知點解,反而覺得d人好真實,好親切….總之好有感情…睇得好投入架…

    尤其我真係集集都睇晒…就算人地覺得幾難都好…我都樂在其中…就覺得好似佢地一份子咁…而家仲好懷念添…

Got anything to say? Go ahead and leave a comment!