講戲、鏟戲、片戲

胡說八道的電影宣傳手法

Picture

香港電影近年在宣傳品牌真是不遺餘力,繼杜氏作品大量出現減肥藥、《龍虎門》過期手機展後,更進化到為自己電影來個自我宣傳。

不要誤會,不是像《醒獅》般忽然將黃百鳴先生放上桌面。今回的主角就是羅守耀先生。羅守耀去年共有兩部作品《戀愛初歌》及《黑拳》。他在《戀愛初歌》卻突兀地安排下面情況:

Picture

Kary:鄭中基隻新歌幾好聽喎,叫咩名?
側田:係《黑拳》的主題曲黎嫁,叫做「黑風暴雨」
Kary:套戲十月上呀,我好想睇呀
側田:係呀,我都想呀,一齊去啦不如
Kary:好呀...套戲有鄭中基、吳京、Theresa同Miki主演,一定好好睇
側田:吳京打得咁勁,呀Ronald又咁搞笑喎,仲有兩位靚女既感情戲喎,一定要睇
Kary:點解我地講埋晒D咁既野既?
側田:點解你講D咁既野?

大家都可能問點解「講埋晒D咁既野」,如果接到戲也沒有太大問題,問題明顯地是硬插下的,接不到戲,於是只能一笑置知。

動作演員和搞笑演員,向來都是觀眾來訂的,不用片商指指點點。因為無實力的話,怎樣宣傳也沒用。

令人噴飯的,就是這種厚顏的自吹自擂手法。硬插入情況,毫無關係,觀眾對這場的反應,跟就字幕寫出來一樣,就是「胡說八道」。坦白說,這段戲難頂程度,更勝路訊通。

慶幸的是,《戀愛初歌》票房不高,不會有太多觀眾在戲院感受到這份爛味。當日在觀塘某商場戲院觀看此幕時,獲得噓聲,及後字幕寫出導演羅守耀時,再獲一次噓聲。如斯「熱烈」反應,實屬近年港片罕見。

Previous

藝人第二代難紅?

Next

UA IMAX戲院進展

28 Comments

  1. 最後兩句根本係多餘,唔講好過講。

    Kary:點解我地講埋晒D咁既野既?
    側田:點解你講D咁既野?

  2. Tuss

    其實這種硬銷,我也曾在某些獨立藝術電影中看過。在某些創作者眼中,這種並不是一種硬銷,而是真的相信那些影片是Masterpiece。

  3. 歷蘇

    大腦電波 :
    最後兩句根本係多餘,唔講好過講。
    Kary:點解我地講埋晒D咁既野既?側田:點解你講D咁既野?

    唔係, 其實佢地係鬼上身就真,因為依D咁嘅對白都唔係人講嘅0野!

  4. ryan,想睇你比較呢套同緣邀知音。XD

    最重要係呢套你俾「絕世爛片」的話,會唔會俾另一套「絕絕世爛爛片」,哈哈。

    你講呢段,我係完全冇留意佢講過架!

  5. aulina: 一部電影跟一部音樂劇,直接比較對兩者並不公平。

    作為電影,沒可能零劇情。而抽出的一幕,可謂跟劇情跟進全無關,是為加而加插的多餘戲份。起承轉合最終合不來,只有胡說八道不了了之。

    aulina :
    ryan,想睇你比較呢套同緣邀知音。XD
    最重要係呢套你俾「絕世爛片」的話,會唔會俾另一套「絕絕世爛爛片」,哈哈。
    你講呢段,我係完全冇留意佢講過架!

  6. 大腦:但沒有這兩句,也接不了下一戲吧!呢兩句明顯是廢話,但不講就更肉酸罷了。

    大腦電波 :
    最後兩句根本係多餘,唔講好過講。
    Kary:點解我地講埋晒D咁既野既?側田:點解你講D咁既野?

  7. Tuss: 藝術電影有唔少,但講到商業電影,市場面對公眾,沒可能這樣吧!

    Tuss :
    其實這種硬銷,我也曾在某些獨立藝術電影中看過。在某些創作者眼中,這種並不是一種硬銷,而是真的相信那些影片是Masterpiece。

  8. 歷蘇:看來真的研究一下開拍《陰陽路二十之戀愛初歌》好了。:P

    歷蘇 :
    唔係, 其實佢地係鬼上身就真,因為依D咁嘅對白都唔係人講嘅0野!

  9. 過份HARD SELL

  10. 這種硬插的手法也想到出來,實在佩服!但真的可行嗎?恐怕本來對《黑拳》無野的人,也因此而反感,弄巧反拙!

  11. 小夢:擺明硬銷,可喜的是觀眾也作出最適當的反應。 😛

    小夢 :
    過份HARD SELL

  12. 歐十十:這種硬插的手法不是沒有,看看《瘦身男女》王天林服食減肥藥已有,但數到如斯厚顏的程度,實屬首次。

    事實上,亦見不到奏效在那裡。

    歐十十 :
    這種硬插的手法也想到出來,實在佩服!但真的可行嗎?恐怕本來對《黑拳》無野的人,也因此而反感,弄巧反拙!

  13. Frankie

    唔係咁離譜下話,不過算啦,金牌D人都係黑人憎架勒!

  14. Frankie: 不妨試找來看,保證噴飯。

    其實未必關某公司事的,或是某導演個人風格也不出奇。

    Frankie :
    唔係咁離譜下話,不過算啦,金牌D人都係黑人憎架勒!

  15. Frankie

    嘩咪搞,生命寶貴呀兄台!況且我好憎側田!

  16. 教我如何愛上《戀愛初歌》? 舊年我是在已不拆卸的尖沙咀新港戲院看這齣戲, 現場人數零星, 反應雖不像你說的有噓聲, 卻也真看呆了觀眾.

  17. 金牌d戲一向都唔會入戲院睇,棧嘥錢攞苦嚟辛,肯租碟睇吓已經係好俾面,金牌d戲一向無邊套好睇,尤其鄭生嗰d真係…=”=

    如果要數,都係獨家試愛同十分·愛好一點,起碼有d意思,

  18. Frankie: 挑戰觀影下限O者。 😛

    Frankie :
    嘩咪搞,生命寶貴呀兄台!況且我好憎側田!

  19. 凡楓:那部電影這一幕,沒有人看到呆了才怪。因為只有香港電影才做得出來。

    凡楓 :
    教我如何愛上《戀愛初歌》? 舊年我是在已不拆卸的尖沙咀新港戲院看這齣戲, 現場人數零星, 反應雖不像你說的有噓聲, 卻也真看呆了觀眾.

  20. 小夢:一部部啦。《龍咁威》第一集還可以,但第二集真係慘不忍睹。

    小夢 :
    金牌d戲一向都唔會入戲院睇,棧嘥錢攞苦嚟辛,肯租碟睇吓已經係好俾面,金牌d戲一向無邊套好睇,尤其鄭生嗰d真係…=”=
    如果要數,都係獨家試愛同十分·愛好一點,起碼有d意思,

  21. 金牌的戲有一個特色,就係部部除咗d女一﹑二和男一﹑二會係前cookies同方力申﹑鄭生﹑森美之外,其他角色都會搵好多嗡得出名的歌手來撐場,每部戲都像大集燴咁,搞到主次不分,嚟d戲真係好危險,因為通常嚟d戲多星撐嗰故事內容一定唔好得去邊,sell青春多過嘜﹗=”=

  22. 小夢:不過無可否認,這類電影有一定市場,吹佢唔賬。

  23. 河馬仔

    但真係好惡頂噃,點鐘意側田都有個”普”啩

  24. 老實講,我唔係好敢去戲院睇港產片,浪費時間事少,浪費時間事大,有時睇到爛片,都唔知走唔走好….

    係電影中賣另一套電影的廣告,又真係離譜一點.

    順帶一提,醒獅的質素也是好唔惦,好像是電視劇水平.

  25. 河馬仔:鄉音呢家野好奇怪,有些藝人觀眾或會受,例如舒淇或者李綺虹,但有些則唔受。

    河馬仔 :
    但真係好惡頂噃,點鐘意側田都有個”普”啩

  26. 米奇:有時睇港片,真係好似買大細咁嫁 😛

    電影中電影廣告,是最不能接受的地方囉。

    《醒獅》根本只是九十分鐘的「頭條新聞」。

    米奇 :
    老實講,我唔係好敢去戲院睇港產片,浪費時間事少,浪費時間事大,有時睇到爛片,都唔知走唔走好….
    係電影中賣另一套電影的廣告,又真係離譜一點.
    順帶一提,醒獅的質素也是好唔惦,好像是電視劇水平.

  27. Ryan :
    小夢:不過無可否認,這類電影有一定市場,吹佢唔賬。

    咪係偶像同fans的關係囉,無咗班fans,嚟d戲就玩完。

    嗰時d人話yahoo嗰度好多人話十分·愛有幾好睇又幾好睇,好多人睇完都話根本唔係咁好睇,仲話有槍手係yahoo度吹捧添﹗

    fans要瘋狂上來真係可以好瘋狂,好駭人﹗=”=

  28. 小夢:平心而論,《十分.愛》雖有沙石,但整體感覺不太差。

    小夢 :
    嗰時d人話yahoo嗰度好多人話十分·愛有幾好睇又幾好睇,好多人睇完都話根本唔係咁好睇,仲話有槍手係yahoo度吹捧添﹗
    fans要瘋狂上來真係可以好瘋狂,好駭人﹗=”=

發佈留言

發佈留言必須填寫的電子郵件地址不會公開。 必填欄位標示為 *