看見上圖的一幕，是否有所感觸？
正當位於灣仔莊士敦道的和昌大押被市建局搞得不倫不類之時，卻難得有電影當年將這幕無法再出現的情況拍攝下來，讓大家回味。這部電影就是零五年由阮世生執導的《神經俠侶》。雖然電影當年的票房不算理想，但無論是編導、導演以至兩名男角陳奕迅與吳鎮宇的演出也是上乘，而且還給大家一個灣仔全景。一齊看看吧！
吳鎮宇到來的手機檔口，仍在存在，附近還有家地庫的大家樂。
前身是郵政局的文物古蹟，大家認到嗎？
這條連接灣仔至灣仔北的柯布連道天橋，相信大家也行過吧！當中留意字幕的情況，意味甚深。
鄰近警察總部的天橋，是中區和灣仔區的分界。
不只是灣仔，其中一幕吳鎮宇負責問路，就在時代廣場前面！
這家以「買錯胸圍戴錯Bra」為口號的店舖，大家又記不記得位置？
既是灣仔實景，金紫荊廣場自然是必到之地。
古蹟之中，灣仔「藍屋」也是製作人員必到之處。
《神經俠侶》不只是灣仔實景，就連片頭也有特色，當年錯過了的，實在應找回這部走漏眼作品一看再看。
Ryan
IANORAN: 片名唔掂，海報同VCD封面亦唔多掂。
poonwinghang
其實這片真的很不錯
可惜票房不是太好
在「地獄」生活了32年的斑紋
如今看見灣仔已經面目全非，不禁有點唏噓！
看來要買一隻DVD珍藏了！
ryanlob
我都keep左張postcard就係用呢個做封底
Ryan
hang: 阮世生的劇本其實不俗，只可惜當年以陳奕迅及容祖兒作賣點，叫座力不足。
Ryan
斑紋：甚有同感。看到現在的灣仔情況，實在有點無奈。
Ryan
ryanlob: 可惜這類postcard, 該不是找到吧
DOREMI
但係剩睇戲名加演員似爛電影，令人卻步﹗
Ryan
DOREMI: 但事實是，該片成為零五年最令人走漏眼電影之一。
ryanlob
真的不易, 每逢經過戲院都去睇下有時都有收獲…
Ryan
ryanlob: 有時真係睇彩數
MissRain
我最初都想不到呢套戲有那麼多驚喜!
Ryan
MissRain: 睇戲有時就係咁，有些片意外地令人驚喜，反之亦然。
Tuss
係呀，呢套片當年的下場令我都甚為不解，也展現了香港始終是靠市場宣傳及形像的地方。
當然自己好了解張海報甚為出事。
Ryan
Tuss: 沒法，當年是賀歲前死期，加上宣傳不倫不類，害死了電影票房。
Frankie
呢套好野黎架，每次睇個ending都好感動架。不過好似話三色台下個月做喎！
Ryan
Frankie: 如果真的下月播，大家千祈唔好錯過喎。
suki
見到某一姐做就無興趣，都無演技﹗
家住地獄區
吳鎮宇到的手機檔口，係在軒尼詩道，(近地鐵站出口,將會結業的舊三聯書局落下,許留山對面)(不是在電車路)
&銅鑼灣是屬於灣仔區的
9527
套戲個名都嚇走唔少人啦,我都係之後睇返VCD
Ryan
suki: 是哪位的？可否說清楚一點，至少也讓大家想想吧！
Ryan
家住地獄區：多謝補充，不住該區的，實在想不到。
Ryan
9527: 片名的確神經，但大家想怎樣改名才好一點呢？似乎又有難度。
小眼睛
之前日日返工都經過呢間手電鋪,都會諗返起套戲既情節,嗯,呢套戲係我近年喜歡既片之一…演員、情節、拍攝地點(響灣仔返工有少少情意結啦!)都好鍾意,除左祖兒姐(唔好意思我係對佢有偏見),可能佢好努力去做好角色,但就係有吃力不討好之感…
講開又講,最初入場睇呢套係因為小妹係eason粉絲,入場捧下偶像場,點知一睇就覺得係好野~~~可惜個名真係改得太衰…連我妹妹同樣係eason fans,都話覺得呢套會係爛片而冇睇到~ 不過,我後來都買左vcd返去重溫多幾次!嘻~!
Ryan
小眼睛：容祖兒當時演戲一般，合格已算有交代了。我想《神經俠侶》令太多人走漏眼了。
suki
仲有邊位”阿姐”啫？咪個一位囉，心照啦﹗
Frankie
It will be show on TVB Jade on 28.7.2007 at 8:30 p.m. Don’t miss it!!
Ryan
Frankie: 多謝報料，各位真的沒看過的要留意了。
Damon
o岩o岩睇左無記播，
um…
睇左唔會覺爛，
唔睇又唔算有損失咁，
大家都講呢套戲有本土情懷，拍出灣仔，
但可能我對灣仔冇乜感覺，所以冇乜特別感覺。
TH
幾好睇，睇左兩次, eason 做得咁有火, 好感動
xxx
請問那兩個小妹妹是誰(一個給姦刹的)
devil
miss了半套, 但係都覺好看!!! 吳鎮宇做得好好. 要買vcd 了. 原本吳鎮宇本來係建築師, 吳日言又話要做建築師, 真諷刺, ending 果句 “開心d 好”~
winnie
同意, 所以好有驚喜
Ryan
Damon: 小品作品，拍得風味已算是有水準了
Ryan
TH: 陳奕迅在電影上，是很知自己需要交的功課，至少沒予人行貨之感。
Ryan
devil: 吳鎮宇近年角色中，這部算有神采了
Ryan
winnie: 要在無口碑情況下看這類電影，仿如博彩一樣
IANORAN
呢部電影一定好過「旺角黑夜」由劇情到推進…說服力都高好多…. 神經俠侶…完全死在個名…又或者本身呢套戲都係死….改埋呢個名只有死得更嚴重…..最少入到CD鋪…每次我都會推介人地去睇呢套片 ~~ 都算近年一個經典