一說到ＵＡ院線的經典小食，也許大家即時聯想起的或會是以大杯兼食不完見稱的爆谷，不過ＵＡ最近推出的「經典小食拼盤」竟沒有爆谷份兒，到底在搞甚麼？
這個稱為「戲院美食巡禮」的活動，看見圖片該是共有四款小食，「主角」包括有雞鎚、腎片、豬頸肉及雞蛋，而所謂「特技」的清香秘汁，估計似是鹵水汁。即是說，其實所謂的小食拼盤，是一個鹵水小食拼盤。價錢方面，承惠二十大元。
好了，問題來了，圖中的製作是「中國湯」，到底甚麼是中國湯？中國茶就聽得多，但中國湯呢？請不要誤會你將會有一個湯，而此拼盤亦不設飲品。
當你到戲院嘗試叫一份這個拼盤時，事務員似乎都很辛苦，先要拿一個透明膠兜夾上雞鎚一隻，然後找來腎片及豬頸肉數件。不過最考事務員工夫的，就是要將一隻鹵水蛋切片。整個製作過程需時數分鐘，比起一斟即有的汽水和爆谷，實在不具成本效益。
至於「中國湯」是甚麼？大家不妨先估一下。
Ben
中國湯係咪講緊做網上做速遞湯o個間
歷蘇
「中國湯」? 係唔係有Ｄ菜乾個Ｄ？唔知「主角」又是否依個(橡皮)雞鎚?咁乜嘢係腎片, 點解又唔揀肺片呢?
Anyway, 鹵水食物, 處理不當, 好易成為細菌嘅温床。
末日狼
UA呢個套餐真係把鬼,響戲院呢亭咁細既空間就咪搞埋d咁麻煩既食品啦,一個唔小心搞到週身鹵水汁就真係多得佢唔少,而且如果講經典,會經典得過熱蔗、煨尤魚、蕃薯、栗木咩?
與其食d咁麻煩既鹵水小食,我都係揀爆谷、熱狗、玉桂條好過……
p.s.中國湯係乜?
Ryan
Ben: Bingo!的確係那間！
Ryan
歷蘇：我見店員整得好辛苦囉。
Ryan
末日狼：UA最出名係爆谷，食呢D野其實幾危險。至於中國湯，只係間食品公司而已。
歷蘇
唉… 其實一般嘅小食已經係ok啦, 此舉是否 “an extra piece of fish”?
Ryan
歷蘇：戲院要提供「增值服務」嘛。 😛
Nic
這些小食真是很難吸引我去賣囉..
尤其是煮食及運送過程..
戲院哪裡有咁大個廚房煮o野食呀… vv
夏天真是要特別小心d添…
歷蘇
咁咪當清腸胃囉, haha。
Ryan
Nic: 那些食品，好像已預先整理，戲院只需稍稍加熱，撕去保鮮紙便可了。
Ryan
歷蘇：這樣排毒真的不是好事囉。
寶連
哈..是但啦..街邊d魚旦大家咪又咁食..
我都要去試下先…
Ryan
寶連: 不備飲品，要另購喎