講戲、鏟戲、片戲

屯門區戲院常滿?

Picture

上述的售票情況,大家也許以為是中環的Palace IFC或是UA朗豪坊的售票情況。不過請細心一看,那是屯門的「巴黎倫敦紐約米蘭」戲院(下稱「巴倫紐米」)的周日七點半場情況。

《五星級大鼠》是新片,也許大家認為因此位置較偏的屯門區才賣得盤滿砵滿,且看其他戲院如何:

Picture

第二周開畫的《變型金剛》,又是接近滿座。

Picture

至於開畫近一個月的《哈利波特:鳳凰會的密令》,入座率仍有約七成。相信不少市區較旺場的戲院,也未必有這樣的入座率。也許不少觀眾以為是「巴倫紐米」刻意「篤數」,但當現場實地一看,卻有另一番景象:

Picture

售票的人龍,於中午三十度左右的天氣下,由戲院售票處一直伸延,十多年前像UA金鐘的人龍重現屯門!排隊的觀眾更是扶老攜幼,實在令人懷念。

再看看毗鄰的凱都戲院,一樣大收旺場:

Picture

屯門區的戲院需要,可算是十分有趣。十年來一眾戲院如域多利、新都甚至屯門戲院均相繼結業。不過位於屯門新墟的兩家戲院卻反其道而行。凱都戲院由兩院變成三院,而「巴倫紐」或加設第四院,曾名為荷里活,最終變成米蘭,就是現在的「巴倫紐米」。

現時,屯門的兩家戲院,每逢周末及周日,定當排出人龍,觀眾入場意慾高漲。相信兩家營運戲院的院線亦意料之外。

屯門區近年何以戲院需求甚殷?會否因為人口結構改變而另有需求?相信大家可以探討一下。不過觀其UA院線決定於屯門市廣場開設戲院,相信可以紓緩屯門區戲院的情況。

Previous

香港續集系列之最:《陰陽路》

Next

施明「騎呢」作:《陰陽路十四之雙鬼拍門》

32 Comments

  1. Ryan

    mini: 其實現時屯門兩家戲院也肯去提升質數,算係咁了。

    mani :
    如果唔係因為約朋友或者同事一齊睇的話,我都會選擇留返o係屯門睇~
    記得凱都以前並唔係咁好坐,不過自從之前裝修過後,舒適o左好多~最緊要都係巴倫紐同凱都真係好平,睇兩場先等於出面d大影院一場,化算好多~
    如果星期六日o係屯門睇戲就真係要早少少買飛,真係好多人!!!

  2. Ryan

    mani: 邊間呢?不妨直說。

    mani :
    唔只”算係咁了”,質數好過某d地區的百老匯^^

  3. Ryan

    貓空子:域多利原址沒拆,但好像其中一處已變特賣場。

    貓空子 :
    我小時候住屯門, 真係好中意去域多利睇戲(當時還沒有屯門市廣場,他是最近我舊家的戲院), 出面有人賣粟米牛雜等小食…. 真懷念~~~!

  4. Ryan

    linkin98: 其實已內部裝修,也換了新椅了

    linkin98 :
    見到有網友留言說”巴倫紐米”好正,想知”巴倫紐米”有冇內部裝修過??因為我對上一次去係睇”happy feet”,d音響同埋個銀幕都好差勁~~~

  5. 我同事住屯門,佢就話過我聽好鍾意同佢bf係屯門裡面睇戲,佢話戲票係平過出面,而且搭車出去都要另外俾錢啦,再說屯門區剩係一個屯門市廣場已五臟俱全了,根本不用外出去旺角等地。

    我想佢既原因同大部份屯門區的人一樣。

  6. 元朗, 天水圍有冇戲院?

  7. 我係屯門人嚟的。你是嗎?我對屯門ge戲院都冇你咁了解。

  8. KuRuMi: 屯門區戲院戲票的確是很廉宜,《哈利波特》早場只需廿五大元,相信在市區難尋。

    ★KuRuMi★ :
    我同事住屯門,佢就話過我聽好鍾意同佢bf係屯門裡面睇戲,佢話戲票係平過出面,而且搭車出去都要另外俾錢啦,再說屯門區剩係一個屯門市廣場已五臟俱全了,根本不用外出去旺角等地。
    我想佢既原因同大部份屯門區的人一樣。

  9. Donald: 元朗區有元朗百老匯及元朗戲院,天水圍則有嘉潮銀座百老匯。

    不過由於接駁不便,故此兩區觀眾也不一定會想到屯門區戲院睇戲。

    Donald Kwan :
    元朗, 天水圍有冇戲院?

  10. 苦樂共賞:住邊區唔重要。但的確很多居於屯門的朋友,也沒想過兩家戲院近年入座率奇高。

    苦樂共賞 :
    我係屯門人嚟的。你是嗎?我對屯門ge戲院都冇你咁了解。

  11. ryanlob

    可惜一旦多了UA, 這兩間戲院的命運卻是問號, 情況一如當年朗豪坊及apm開張, 間接封殺了南華及富都

  12. ryanlob: 即使UA屯門開業,我倒不太擔心現時兩家戲院情況。因為UA屯門可提供的座位數目不多。而且票價未必可以像現時凱都或巴倫紐米般吸引。

    ryanlob :
    可惜一旦多了UA, 這兩間戲院的命運卻是問號, 情況一如當年朗豪坊及apm開張, 間接封殺了南華及富都

  13. 其實一旦UA屯門開幕, 講真對住近新墟的觀眾們寧選擇到凱都及巴倫紐米, 始終行到果邊方便好多. 凱都跟巴倫紐米可以於同一條街生存咁耐, 肯定有一定的原因, 何況巴倫紐, 一轉變成巴倫紐荷(米), 都仲係有咁多人到場觀影, 還有屯門戲院同時的結業, 就知這兩家戲院唔會受到UA屯門的影響呢…

    不過屯門戲院未結業前亦到觀察過屯門戲院的人次, 都是很多人的呢~~~

  14. Q

    聽聞某大宿生玩完通頂後,一定睇埋早場先返 hall…二十五蚊中西日韓大細片任擇,實行一次過滿足哂 n 個願望云云

    另,《鼠》在UA院線週末試過九成九滿,有觀眾因為排隊排唔到即場(甚至同日預售)而鼓譟…

  15. Alex: 很多時戲院都係物以類聚,集中在一起。一家戲院購不到票,到隔離也可以。旺角區就是這樣。

    Alex :
    其實一旦UA屯門開幕, 講真對住近新墟的觀眾們寧選擇到凱都及巴倫紐米, 始終行到果邊方便好多. 凱都跟巴倫紐米可以於同一條街生存咁耐, 肯定有一定的原因, 何況巴倫紐, 一轉變成巴倫紐荷(米), 都仲係有咁多人到場觀影, 還有屯門戲院同時的結業, 就知這兩家戲院唔會受到UA屯門的影響呢…
    不過屯門戲院未結業前亦到觀察過屯門戲院的人次, 都是很多人的呢~~~

  16. Q: 虎地大學附近娛樂就係咞啦。其實早場港片好像只需廿元。

    至於UA院線事件,該不是UA黃埔吧! 😛

    Q :
    聽聞某大宿生玩完通頂後,一定睇埋早場先返 hall…二十五蚊中西日韓大細片任擇,實行一次過滿足哂 n 個願望云云
    另,《鼠》在UA院線週末試過九成九滿,有觀眾因為排隊排唔到即場(甚至同日預售)而鼓譟…

  17. 我係屯門人,我想話呢兩間戲院梗係多人啦,因為成個屯門咁大都只係得呢兩間戲院:p

    你說UA會在屯門廣場開戲院?咁真係好啊,期待中…

  18. 容子:也不一定。大埔、粉嶺及上水人都唔少,但區內戲院卻相繼續業。

    屯門旺場的,不是市中心而是新墟。至於UA的屯門市廣場戲院,位置會在商場的三樓。

    容子 :
    我係屯門人,我想話呢兩間戲院梗係多人啦,因為成個屯門咁大都只係得呢兩間戲院:p
    你說UA會在屯門廣場開戲院?咁真係好啊,期待中…

  19. Q

    Ryan :
    Q: 虎地大學附近娛樂就係咞啦。其實早場港片好像只需廿元。
    至於UA院線事件,該不是UA黃埔吧! 😛

    難道各下在案發現場???

  20. 屯門真係一個特別的市鎮, 早年很多在市區攪得有聲有色的娛樂機構, 包括戲院, 卡拉OK, 都想打入屯門呢個市場, 但打唔入的原因, 一來係三x會活躍的問題, 二來係早年屯門警方或某些部門有意無意係唔想有太多大型娛樂事業, 幾乎唔批, 直至近呢兩三年放寬左, 才有很多大型娛樂事業打入屯門.

  21. Q: 看看黃埔的入座情況就明白了

    Q :

    難道各下在案發現場???

  22. HW

    Ryan :
    容子:也不一定。大埔、粉嶺及上水人都唔少,但區內戲院卻相繼續業。
    屯門旺場的,不是市中心而是新墟。至於UA的屯門市廣場戲院,位置會在商場的三樓。
    容子 :
    我係屯門人,我想話呢兩間戲院梗係多人啦,因為成個屯門咁大都只係得呢兩間戲院:p
    你說UA會在屯門廣場開戲院?咁真係好啊,期待中…

    屯門區對外交通始終唔夠方便,大埔上水可以去沙田,但係屯門一出就要去旺角先另一級別的戲院(天水圍和元朗百老匯不會比屯門的兩間好)。

    屯門巿廣場三樓?那麼一定不會多位啊!

  23. 大腦:似乎戲院情況不太似。早年已結業的戲院,除了凱都及巴倫紐(仍健在),大都獨立運作。而且,屯門區的戲院其實一向唔少,只是政策上沒像市區屋村般加插吧!

    政策放鬆,對屯門居民也是好事一樁。

    大腦電波 :
    屯門真係一個特別的市鎮, 早年很多在市區攪得有聲有色的娛樂機構, 包括戲院, 卡拉OK, 都想打入屯門呢個市場, 但打唔入的原因, 一來係三x會活躍的問題, 二來係早年屯門警方或某些部門有意無意係唔想有太多大型娛樂事業, 幾乎唔批, 直至近呢兩三年放寬左, 才有很多大型娛樂事業打入屯門.

  24. HW: 只是兩睇,若是住在粉嶺上水而不近火車站,經火車出入沙田也不會太近。

    至於屯門,曾光臨未一開三的元朗戲院,其實不太差。至於屯門兩家,可說是有心經營的。

    UA近年開的戲院座位少少,所以才說不會太影響凱都和巴倫紐米而已。

    HW :
    屯門區對外交通始終唔夠方便,大埔上水可以去沙田,但係屯門一出就要去旺角先另一級別的戲院(天水圍和元朗百老匯不會比屯門的兩間好)。
    屯門巿廣場三樓?那麼一定不會多位啊!

  25. Paul Matt

    賤物鬥窮人,屯門巴倫紐 跟 凱都, 鬧得好七彩,我指是票價,早場廿五, 夜場西片都係三十五, 大片都係四十五,屯門出市區又多人, 又要車錢,計落不如留番係屯門睇。

    屯門巴倫紐 跟 凱都, 同埋元朗的元朗戲院,三間都好有心經營, 外面好舊, 但裡面好新架,尤其係巴倫紐, 位闊,同出面的戲院位不相伯仲。元朗戲院仲正,二院應是以前超等變出來的,有鈄度,不會好似出面的迷你cinemas 咁平面的。

    最重要是平。我明白出面租貴乜都貴,但個D UA , 百老匯, 係咪要收到六七十蚊一張票呢? 可唔可以又平好好呢?

    我好相信,就算 UA 屯門開左,巴倫紐 跟 凱都不減價的話,UA 屯門未必夠佢地來。

    提外話: 我以前住黃大仙,最鐘意去拆左九世耐的麗宮戲院,現在入了屯門住,最鐘意去巴倫紐,因為出面仲有燒尤魚的亞伯呀,香港戲院應該如此,唔一定要爆谷 Hot Dog 呀。

  26. Paul Matt: 我同意元朗戲院是有心經營的,感覺不俗。

    至於巴倫紐米及凱都,也轉營加院,不妨留意巴倫紐米的小食部,頗有舊式戲院特色。

  27. 寶連

    Ryan :
    Alex: 很多時戲院都係物以類聚,集中在一起。一家戲院購不到票,到隔離也可以。旺角區就是這樣。

    你咁諗就大錯特錯喇…個個都係咁諗所以其實間間都一樣咁full咋…

  28. 寶連: 其實每區有不同情況,真的很難講

  29. mani

    如果唔係因為約朋友或者同事一齊睇的話,我都會選擇留返o係屯門睇~

    記得凱都以前並唔係咁好坐,不過自從之前裝修過後,舒適o左好多~
    最緊要都係巴倫紐同凱都真係好平,睇兩場先等於出面d大影院一場,化算好多~

    如果星期六日o係屯門睇戲就真係要早少少買飛,真係好多人!!!

  30. mani

    唔只”算係咁了”,質數好過某d地區的百老匯^^

  31. 我小時候住屯門, 真係好中意去域多利睇戲(當時還沒有屯門市廣場,他是最近我舊家的戲院), 出面有人賣粟米牛雜等小食…. 真懷念~~~!

  32. linkin98

    見到有網友留言說”巴倫紐米”好正,想知”巴倫紐米”有冇內部裝修過??因為我對上一次去係睇”happy feet”,d音響同埋個銀幕都好差勁~~~

發佈留言

發佈留言必須填寫的電子郵件地址不會公開。 必填欄位標示為 *