講戲、鏟戲、片戲

電影排陣信心指數

Picture

 一部電影的開畫情況,關於多個因素。電影宣傳的優劣固然對入場意慾構成影響,不過電影的首周排陣卻反映了院商對電影的另一指標。

院商排陣,往往需要在沒有往績的情況之下,量度觀眾口味以排出戲院首日應安排在哪家戲院或多少場次播放。固然,院線與發行商之間的關係會有所影響。不過,在一般情況下,也會給予整間映院於開畫日播放電影。

然而,這個情況,卻不適用於近期一部華語電影,就是《天堂口》。

《天堂口》雖有吳宇森及張家振監製作賣點,並有劉燁、吳彥祖及楊祐寧等中、港、台群星拱照,可是百老匯院旗下多間戲院在開幕首周,竟然出奇地沒給與《天堂口》一整間戲院播放,而是每天只播四場,再將餘下場次拆給其他電影。

這個情況,對於一部正常的開畫電影來說,並不尋常。

排片其實反映出院商對電影的信心,間接地影響了觀眾感覺。試想一下,當大家看到某片只排三場時,大家不其然問何以首周已如此「淪落」,會否跟其影片質素有關。結果,得出來的是觀眾對《天堂口》產生負面感覺,更加不敢去看。

事實證明,《天堂口》開畫日雖在廿家戲院播放,但票房卻只得十三萬。院商及觀眾齊齊為電影投下不信任票。

Previous

《出埃及記》重拾單立文

Next

《如果.愛》博奧斯卡提名事件簿(上)

16 Comments

  1. Nic

    雖然套戲有咁多stars + 吳宇森做監製 + 陳奕利首部作品做賣點…
    就連院商都覺得此片不適合港人口味而放映咁少場次….
    所以票房咁差都唔出奇…
    我諗投資此片的人都對此片大跌眼鏡呀..

  2. 天堂口在香港才第一星期上畫,我今日去看,以咁大的cast嚟講,竟然第一週已把此電影放在最小院裡上畫,看來電影真的給所有人負信心。

    不過事實上亦然,看完此電影後,四個字︰不知所謂﹗終於明白為何內地人看完此電影後都大罵不堪了﹗

  3. Nic: 可能一睇戲片已知乜事,但又唔可以唔發行,唯有咁做。

    Nic :
    雖然套戲有咁多stars + 吳宇森做監製 + 陳奕利首部作品做賣點…
    就連院商都覺得此片不適合港人口味而放映咁少場次….
    所以票房咁差都唔出奇…
    我諗投資此片的人都對此片大跌眼鏡呀..

  4. 董小玥:我同意劇本已害死部戲了

    ★董小玥★ :
    天堂口在香港才第一星期上畫,我今日去看,以咁大的cast嚟講,竟然第一週已把此電影放在最小院裡上畫,看來電影真的給所有人負信心。
    不過事實上亦然,看完此電影後,四個字︰不知所謂﹗終於明白為何內地人看完此電影後都大罵不堪了﹗

  5. 套戲有咩問題呢 ? 我都有打算去睇…我睇過個trailer,又唔似係咩爛片丫 ?

  6. 祁佳仕 :
    套戲有咩問題呢 ? 我都有打算去睇…我睇過個trailer,又唔似係咩爛片丫 ?

    睇trailer真係唔似架,但當你一路睇你就會明白的了,尤其是個結局,仲有好多好多地方都令你好想即刻離場。

  7. Frankie

    咁大鑊!重想去睇添,因為個故仔係我鍾意既類型(我好鍾意「喋血街頭」架)!

  8. ★董小玥★ :
    睇trailer真係唔似架,但當你一路睇你就會明白的了,尤其是個結局,仲有好多好多地方都令你好想即刻離場。

    –講d唔講d,真係引死人喇…^^

  9. 祁佳仕:預告片與電影,絕大部份時間都是兩回事來的。

    祁佳仕 :
    套戲有咩問題呢 ? 我都有打算去睇…我睇過個trailer,又唔似係咩爛片丫 ?

  10. 董小玥:同意,陳奕利將預告當MV來拍,當然好睇。九十多分鐘的mv,相信不易哽吧!

    ★董小玥★ :
    睇trailer真係唔似架,但當你一路睇你就會明白的了,尤其是個結局,仲有好多好多地方都令你好想即刻離場。

  11. Frankie: 咁去重睇,一定看得大罵。

    Frankie :
    咁大鑊!重想去睇添,因為個故仔係我鍾意既類型(我好鍾意「喋血街頭」架)!

  12. 祁佳仕:個結局根本係《喋血街頭》,但只係「懶型」,節奏慢,配樂亦唔多掂。

    祁佳仕 :
    –講d唔講d,真係引死人喇…^^

  13. 祁佳仕 :
    ★董小玥★ :睇trailer真係唔似架,但當你一路睇你就會明白的了,尤其是個結局,仲有好多好多地方都令你好想即刻離場。

    –講d唔講d,真係引死人喇…^^

    我驚係度講咗出嚟會俾人掟雞蛋喎。︰P

    其實我的BLOG有寫到,如果你有興趣的話可以去看看。^ ^

  14. Ryan :
    祁佳仕:個結局根本係《喋血街頭》,但只係「懶型」,節奏慢,配樂亦唔多掂。
    祁佳仕 :–講d唔講d,真係引死人喇…^^

    完全唔明嗰結局係想點,唔清唔楚,係咪之後本來應該係素珍變舞女嗰D戲份?

  15. 董小玥:多謝體諒。 ^ ^

    ★董小玥★ :
    我驚係度講咗出嚟會俾人掟雞蛋喎。︰P
    其實我的BLOG有寫到,如果你有興趣的話可以去看看。^ ^

  16. 董小玥:我諗係,但而家實在太「騎呢」

    ★董小玥★ :
    完全唔明嗰結局係想點,唔清唔楚,係咪之後本來應該係素珍變舞女嗰D戲份?

發佈留言

發佈留言必須填寫的電子郵件地址不會公開。 必填欄位標示為 *