看到上圖注意加上感歎號的字眼，是否有點奇怪？
上圖所見，就是張貼於旺角百老匯戲院的通告，先行提示觀看剛在星期四開畫電影《末世凶煞》(Cloverfield)的觀眾。
通告內容指電影以創新手法拍攝，場面極度逼真震撼，而且畫面會有搖晃效果，可能引致少數觀眾在觀影時感到不適。
電影《末世凶煞》於周四開畫，很多觀眾在沒準備情況下入場。雖然片場僅得八十五分鐘，但全片以家庭影片式方法拍攝。開首十五分鐘卻因為鏡頭出現嚴重的搖晃，準備不足的話，甚有機會看得頭昏腦漲，甚至頭暈眼花。情況比起同樣以手搖鏡拍攝的《愛鬥大》搖得更緊要，觀眾不習慣《末》片的話，真的有機會不舒服。
其實近年已有不少電影以手搖方法拍攝，不過要出到通告可算是首次。然而，通告的寫法卻是欲言又止，用上「以創新手法拍攝」及「場面極度逼真震撼」，似乎有點過於宣傳的味道。
Ryan
kam：認同給一點提示，因為此舉令觀眾有點準備，免得因為片中一些不及部份觀眾的情況而影響口碑。
實驗電影其實也需要看其觀眾接受程度，否則要獲得認同也不易了。
Ryan
KLY：其實很難講是否玩出火，不過倘若有唔少觀眾未必頂得住，給點告示提示倒是好事一樁。
Ryan
R：但亦有可能有部份觀眾沒準備下入場吧。
Ryan
董小玥：拍得長但拍得悶亦沒意思吧！
Ryan
星迷：用非傳統手法拍的電影，其實要評價更難。有時係咁，唔適合咪唔適合囉，有乜好介意呢？ 😛
Ryan
華仔：如果再長D，可能更多觀眾睇到頭暈。
Ryan
KK：的確，看這類電影真的要量力而為。
Ryan
9527：不過開畫首天唔見，到第二天才見。
Ryan
華仔：媽聲四起的原因，係根本同預期很不同。也許他們沒預期看主觀鏡手搖拍攝，入場後有感覺被騙之嫌。
Ryan
ferry：其實看得較辛苦的是首十五分鐘派對前的場面，搖晃程度亦較大。
Ryan
雲柏斯：很多人在開始片尾字幕時，對於這麼快完場也感到詫異。
Ryan
雲柏斯：真的要中招後才知道，不過部片外國未上，也難預料。
Ryan
星夢魂：所以入場預期是十分重要的。
Ryan
蓮媽: 其實另一個建議係，頂唔住就暫時唔望畫面，等對眼唔好咁辛苦。
Ryan
Kli: 只是來扮home video，其實這個也只是電影取向。試試另一款式，何不作嘗試?
Ryan
ferry: 其實這個正是觀眾搞不清入場預期而造成的後果。雖然或許觀眾看到另一類東西，但是先入為主的東西看不到，也許離場一刻仍感覺不好吧！
Ryan
Tuss：問題是很多人感覺「睇錯戲」，不過現在有了警告後，相信情況會一點吧！
Ryan
9527: 認同《末》片拍得聰明，懂得如何用有限資金拍像是大片的感覺。
Ryan
gear：相信不火朋友自《電影雙周刊》停刊後，已開始拍懂這個方法了。
Ryan
ferry：即使不習慣初段的朋友，從派對開始應看得較舒服的。
Ryan
9527：感覺類似，但當年大家預左，而家係沒預期的。
Ryan
gear：《死亡習作》好多人預左，但《末世凶煞》似乎很多人另有其他入場期望。
Ryan
ju：其實片長不等於要調整入場期望的。有時還要看其背後製作情況。
kam
哈哈!!!! 真係搞宣傳!!!!
不過始終人家都是比錢入場，都是Boss。
悶同惡心都話對身體冇害。
但令人作嘔都係在康城播《黑社會2》的一個老人家才發有。
今次差不多一半以上人看後作嘔都第一次。
實驗到玩出火。
KLY
我自己睇完就完全唔覺得頭暈同想嘔,依種第一身方式反而令身為觀眾既我的代入感大大提高.
邊有玩唔玩出火呀,講實話其實只係每個人既接受能力有唔同者.
R
個個都應該預左,所以無人敢坐前面既位
★董小玥★
套睇得88分鐘，好似短咗d。
星迷
的而且確係有人睇到暈，甚至嘔….電影係美國大獲好評(imbd:8.3/10)*，係香港就劣評如潮(yahoo:2/5)*….因此，絕唔能夠話導演無考慮觀眾接受程度…只可能講，睇慣傳統特技片，認為睇戲係種舒閑享受既香港人，唔係咁適合哩套戲….*分數當然唔能夠完全反映觀眾評價
華仔
套戲在第76分鐘出字幕了,字幕更接近9分鐘.
KK
真是”搖”得很厲害,我是在Grand Cinema看”末世凶煞”,相信大家都此院的座椅會隨著聲音而震動.我看了半場已有”震到飛起”的感覺.完場後,我看見有些觀眾要友人扶他離場,似乎是過分震動所致.所以,奉勸那些易”嘔”的人士,不要到Grand Cinema觀看”末”片.
此外,”末”片的片長約75分鐘(不包括出字幕的時間),有些人認為有”掠水”之嫌.話說回來,如果”末”片是兩小時的話,相信有更多人會”頂不順”.
9527
呢段野我係GH荷里活都見到……
華仔
本人在散場時聽到好多人對此戲媽聲四起.又話是睇過咁多戲之中最差的.平心而論.本人對此片評價不過不失.可能睇之前有晒心理準備.坐最後一排睇.同死亡習作一樣拍法.”搖”得很厲害,結尾會好突然.感覺就同早幾年睇的鯊海22小時一樣.以第一身去睇套片,身在其中會睇得特別投入的.
ferry
其實任何事情都有兩面，
色戒如何叫好叫座，
也總有人認為不外如是。
末世凶煞，
或許不比大部份人想像中好，
也不致淪落得劣評如潮，
情節緊湊有張力，
第一身拍攝手法對增加緊張氣氛方面應記一功。
老實說，
此片以「震機」方法拍攝其實不俗，
剛開始時或許不太習慣，
但後來到party時間已經穩定了許多，
觀眾亦會因第一身的角度很快就投入主角們的惶恐之中，
尤以片後段「那東西」與鏡頭後的觀眾對望那一刻最為震撼。
雲柏斯
其實有10分鐘字幕~實數75分鐘多~
雲柏斯
其實除了grand cinema 外, 尚有很多戲院發生同樣事件。而這一張告示是從片商派拉蒙那邊傳過來, 所以看起來很hard sell 。
雲柏斯
因為只是在星期四下午開始多人睇, 多人不適後, 才馬上聯絡發行加上告示。
星夢魂
我去睇果場..
完場時都係個個大聲罵–“
其實我睇番多數人睇套片都林住佢會好似明日之後咁樣,點知原來係哥斯拉-o-“
蓮媽
我睇果場, 前面有人怪獸未出已經起身離場~~
我既忠告係, 最好就唔好睇, 你死都唔聽, 係都要睇, 我會建議你有咁後坐咁後, 搖得冇咁勁之餘, 中途離場都離得輕鬆啲
Kli
要睇的話，睇碟。
睇home video，要咁大個銀幕做乜？
睇home video，得單聲道，要環迴立體聲音響做乜？
ferry
套戲係唔係真係大家口中所講咁差呢？
我不能苟同。
至少我在UA屯門看畢本片
(全院有一半以上入座率)
未有聽到任何「罵聲」
而我和一眾友人
的確，本片起首十數分鐘
畫面比較搖晃
但隨後已經好多了
正如我之前所述
第一身的拍攝角度極具真實感和恐懼感
用於此片最能引領觀眾情緒
若果純粹因為畫面不並穩定
或是「不如預期是明日之後一類的電影」
就全盤否定本片
會否有點那個…
或許激動了，請見諒。
Tuss
其實，這不就是平時我們去旅行、睇Youtube、婚禮DVD的攝影佬拍攝的影片一模一樣？蹤使我覺得搖，但很快被那種營造神秘的不安感掩蓋了。
老實說，如果唔好同人傾計（或者被傾計的人嘈），熄電話，早點投入集中情緒，就無咁易去到嘔的階段，你只會感到不適而已。
9527
我自己就覺得好好,著眼點唔係「拍什麼」,而係「怎樣拍」。講穿條橋其實咪即係美版果套哥斯拉,但係呢套戲好睇既地方係佢識點避重就輕,全用手提攝錄,跟住主角群既第一身去講呢個故事,咁套戲就可以唔「畫公仔畫出腸」,好多野都可以唔使交待,留返觀眾自己想像之餘,又可以慳好多資金,非常聰明。
gear
其實電影係網絡上製作好多相關既資料網站,可以自行去發掘,為電影作出一定程度的補完
ferry
同意9527所說，「怎樣拍」是本片的其中一個特點。我和朋友們看畢後都一致認為，從party開始，全片都讓人惶恐得透不過氣來的感覺，因為我們都好像跟在那四位主角身邊一樣。
亦正如gear所說，電影在網絡上製作了相關既資料網站，http://moviesoonhk.com/ 這個網誌有相關文章和連結。
9527
如果講handheld,死亡習作真係睇得辛苦好多。
gear
我未睇過死亡習作,不過我認識既好多人睇完死亡習作之後好似都對同為第一身視點既未世凶煞卻步.
ju
同意, 我家的雄性生物帶著看”哥斯拉”的心態去看, 看完後差點想割椅離場….
不過之前曾聽過一個觀點, 若一套西片, 不超過90分鐘的話, 可能要調教一下觀影的期望, 因為正常的荷里活大片都不會太短的……