上圖所見,便是星期三晚午夜場觀塘Palace apm播放電影《精舞門》的入座情況。大家別以為該場次有四名觀眾。事實上,該場次並無任何觀眾觀看。
問題來了,何以有四個座位被標為「已售」?
其實這個情況並不算罕見。早期戲院仍是人手劃位時,有時手文之誤難免,結果間中出現同一座位被重劃。為免因為這類情況而令到觀眾不滿,故此舊式大型戲院會預留一行甚至兩行的座位,以便當出現重劃時,後來的觀眾仍有位可座觀賞電影。
不過,隨著電腦售票的推行,以往錯劃戲票的情況已大為減少,故此現在戲院預留的座位數目也有幅減少。就像上述的情況,也只是預留四個座位。故此,當大家觀看到入座情況時,也許也要同時留心沒售出戲票的場不一定會完全在電腦售票情況上反映出來的。
Ryan
晞: 有觀眾沒來觀看也會出現這個情況的。
Ryan
obi-den: 電影《陰陽路》劇情乎? :p
Ryan
Dony: 恐怕都係了 😛
Ryan
DOM: 不會了。
Ryan
Tim: 那些人留法是另一個方法來的。
Ryan
gear: 恐怕各間戲院做法不同吧。
Ryan
shtmanhk: 且看時間吧。
Ryan
MM: 有些則是尾場的話, 開場後無耐落閘。
Ryan
MM: 多謝補充。
Ryan
董小玥: 但亦不排除有人no show
Ryan
晞: 曾有十一間影院的戲院吧,反而其他傳聞有不少。
Ryan
維達: 多謝補充。
Ryan
bbon99: 該戲院是梯級設計,恐怕是希望方便出入同遷就戲院設計作的決定吧。
Ryan
維達: 這也是環保的做法吧。
Ryan
MM: 相信要看戲院運作吧。
Ryan
ka: 這點真的不清楚了。
Ryan
Someone: 且看大家較接受哪一套了。
Ryan
巴巴拉: 電影本身質素也不佳。
晞
曾有傳言, 那些位置跟靈異東西有關?
記得曾在bc觀影, 全院滿座偏偏鄰座幾個位置一直空空如也, 總有點心寒感 XD
obi-den
我細個果陣亦聽過係留畀d陀地睇!
Dony
我諗靈異世界那邊都冇興趣睇呢套戲……..
DOM
會唔會只係LOCK死左個位?
因為上網飛既時候, 有D人可能係選位之後
CANCEL左..
個係BC個SITE比較鈍..要好耐先放到個位出黎
Tim
你地錯哂喇~唔關網頁load 唔設/戲院lock位事~
你地只要留意百老匯任何一場網上預售~ 都有呢個情況出現~
因為每一院都有幾個最佳位置留比一些客人~
例如影評人, 信用卡超級鑽石VIP, 大老板, 明人等等…
當開場前1個鐘/幾個鐘前~呢班人仲係冇到~
咁就會放返出座位,比普通人係門市即場買飛睇戲~
gear
我比較有興趣知如果套戲真係0入座率,咁戲院方面會點做?
shtmanhk
Ryan:兩年前某戲院的’虛假’靈異事件,你會做報告嗎?
MM
如果套戲真係 0 入座率既咪叫放映員熄機~
通常戲院會跟番放映時間放o個套片,
但係如果過左十至十五分鐘都仲冇人即場買飛既就會 call 上機房熄機~
MM
唔關事,
基本上每間戲院都會 hold 幾個位真係 for 緊急之用,例如錯飛 etc.
至於你提及有D人選位後 cancel 左,
基本上如果個客有打去 BC hotline 既,
係會通知番有關戲院 cancel booking~
所以唔會話好耐先放到個位出黎~
當然如果個客唔黎拎飛而又唔講既,
就當 no show 照收 $
MM
幾個最佳位置留比一些客人呢個講法好肯定咁講係錯,亦都根本冇呢回事~
如果你話百老匯院線場場都 hold 最佳位置俾所謂既 VIP,
咁好坦白講,你睇番佢地 hold 既位唔會係中間,
而係走廊位,
唔通你認為走廊位係最佳位置?
同埋如果所謂既 VIP 佢真係要求 hold 位俾佢既,
都會 hold 另一o的位,
而唔會係現有 hold 左既位置~
(因為根本唔係最佳位置可言)
至於放 hold 位呢樣野就因應唔同戲院而定,
但大致上都係開左畫十至十五分鐘先會放 hold 位~
又或者係網上電話訂票既客人都拎哂飛,
開場後幾分鐘都冇任何錯飛等問題既就會放~
而唔係閣下所講 VIP 唔黎先放
Ohnus
多謝版主, 呢個題目都在早陣子問過你…
★董小玥★
原來有時明明見到有人買咗飛但入埸時個度又無人坐原來係咁樣既…
晞
某間位於火車站上蓋大型商場中的戲院?
我都是道聽途說, 不知詳情XD
維達
沒錯
雖然有人指是有關靈異東西影響
但事實上,假若該場次出現接近爆滿情況,亦有很大機會”解block”那些座位。
至於為何要block起那些位置,最重要是作一些緊急之用,例如網上售票甚至現場購票出現問題,又或者一些蠻不講理的客人買了第二場次卻臨開場要求坐下較早場次等等。
總之是緊急用途吧。
但不代表場次將爆滿便一定加開這些位置,是按情況而定。
另一方面,某些戲院的網上購票系統,若閣下只在網上觀看場次購買情況,而又停留於選擇座位之版面(而系統則隨機幫閣下選了座位),在票房亦會顯示了該座位已被選擇,造成錯覺。
bbon99(Good Girl Gone Bad)
有個問題想問下大家,你們覺得上面圖中的a行,四個輪椅位是否太近螢幕?會否會被投訴不公平?很多時很多影院將輪椅位安排在出入口,但是都是編排在最前或最後行數。
另外大家覺得影院哪裡是「最佳位置」呢?有人說是將影院平面圖劃成十字,中間交接點就是最好。另一個說法是全影院最中間行數後兩排是最好位置。再另一個說法是如果是超過一百人的影院,由最後數起第四排就是最好。本人喜歡坐行人道旁邊的位,去洗手間或離開會出入方便。
開場後幾分鍾放Block位出來賣,其實究竟有幾多戲院經理真的會實行呢?
最穩陣的Block位係block六個位,因為可以應付不同的觀眾組合,如2位x3、3位x2、4位x1+2位x1、5位1+1位x1。不過戲院經理為了省工作只block二至四個位及不是最好位置,費事成日睇住邊場開左要放位,如果戲院十幾間院沒空幹其他事情了。
維達
若開埸後才放block位的情況的確少之有少
比較多機會的都是開場前
至於假若出現0入座率
不同戲院有不同人做法
但大多都會設定若開場後某一時間內仍未有觀眾購買戲票,便會停止播放影片,亦會停止售賣該場次之戲票。
MM
放 hold 位呢個問題,
百老匯就睇個別戲院而定~
有o的戲院講真開場前放都唔會 full /頭幾行既咁實會o係開場前放哂 hold 位出黎,
但有o的戲院(好似 IFC、PP 呢o的比較多人睇既戲院),
就唔會o係開場前放 hold 位,
始終都係擔心有事上黎冇飛轉到~
ka
BC 是每場HOLD 16個位FOR INSIGHT,剛好是上下兩排的。……如果INSIGHT拿了其他位的話,是會放出來給人買的。
但最奇怪的是F3、4,總是有人買了,但沒人坐的。(因為我愛坐F2而留意到=v=)
Someone
有部份戲院係等D觀眾入到差唔多, 無特別事故先放hold位, 甚至有D戲院要問過帶位員先可以放,
我覺得後者做法好D, 始終hold位係比帶位員應急用, 如果擅自放哂hold位, 有乜事就麻煩啦
巴巴拉
又会差到 gum PK。 一个人都不去看。鬼也不看。
成个 theater 空空鱼也