講戲、鏟戲、片戲

UA戲院的票尾優惠

Picture

在賀農檔期過後及復活假期前,戲院大都安排不少奧斯卡提名電影上映,可是從票房收入角度或是一個淡季,戲院也要想想方法來吸引觀眾,當中娛藝旗下的UA院線便出了像上圖的招。
 

UA院線推出的優惠,憑今年一月至三月的票尾,於二月九日至三月三十一日期間正惠UA戲院,可同時享有正價戲票十元及小賣部套餐八元的優惠。

其實這個優惠,某程度上是為提高入座及增加競爭力而設。

正價戲票即使下調十元,但是仍不致蝕。至於小賣部方面,UA的那些套餐至少也廿多元,即使減價八元,仍然有相當可觀的利潤。其實日前百老匯於農曆年前也曾推出小賣部八元的優惠券,其實兩者作用相同。

到底UA今回出招又會否有助票房和整體收入呢?也許要多留意跟著的入座情況了。

Previous

戲院公然「賣四仔」?

Next

開畫票房:《奇幻逆緣》反勝

11 Comments

  1. 有著數

    對於我呢一類經常會睇戲o既人就梗係有著數啦!

  2. slient bob

    我好少排隊買飛,益唔到我 =_=

  3. Billy

    我今年一月無去過UA睇戲, 即係無我份啦. ^_^

  4. Joe

    我都係…
    人地有優惠我就無, 呢排如果去睇戲就未必揀UA喇…

    Billy :
    我今年一月無去過UA睇戲, 即係無我份啦. ^_^

  5. bbon99(穿囚衣的華爾基利救人七命乜都得行動)

    只是空有綽頭,問題是這張通告幾時張貼呢﹖又有幾多人受惠呢﹖如果是農曆新年後才張貼,有幾多人士保留票尾呢﹖加上小賣部套餐價錢在新年期間會稍稍調高,沒有多大的優惠。

  6. OlewaGundam

    條款多多, 早場以至中午場都不能用, 某些電影也可能不能用 (肯定包括Valkyrie).

  7. 這些優惠很明顯就是「做樣」,受惠者寥寥可數:有多少人會刻意保留上個月的票尾?假如院方是真心想推行優惠,便應該推出像「購買兩張不同場次的正價戲票便宜十元」般直接的優惠了。

  8. BB

    唔係bor…
    個日個票房姐姐話一月至三月底的票尾都用得架bor…
    我印象中佢張notice都好似係咁寫….
    睇黎要去調查下先…
    我上個月都係睇得一套咁大把……

  9. 有著數

    睇過晒全部條款,其實只要手持2009年o既票尾,購買星期一至五場次正價戲票【不包括早場及中午場戲票】就可享有$10票價折扣優惠。都算唔錯吖!而呢個優惠會做到直到3月31日,即係呢段時間內仲可以繼續保留票尾再攞優惠,咁睇多幾套戲,慳咗幾十蚊,咪即係等於請你睇戲!其實好多人都會有收集票尾留念o既習慣,今次仲可攞優惠,我就覺得唔錯嘞!

  10. 原來如此,那麼這個優惠便合理得多了。留言7的批評是根據正文提及「憑今年一月的票尾」而作出的,我現在收回有關批評。

    有著數 :
    睇過晒全部條款,其實只要手持2009年o既票尾,購買星期一至五場次正價戲票【不包括早場及中午場戲票】就可享有$10票價折扣優惠。都算唔錯吖!而呢個優惠會做到直到3月31日,即係呢段時間內仲可以繼續保留票尾再攞優惠,咁睇多幾套戲,慳咗幾十蚊,咪即係等於請你睇戲!其實好多人都會有收集票尾留念o既習慣,今次仲可攞優惠,我就覺得唔錯嘞!

  11. 無聊人

    如果係咁樣又ok喇,自己睇完戲, 之後又有番優惠, 個notice仲話全線通用架, 雖然早場同中午場唔用得, 但係d特價既票尾一樣用得架喎.
    即係例如係時代睇戲既票尾可以去朗豪坊用, 計落又真係唔錯.

發佈留言

發佈留言必須填寫的電子郵件地址不會公開。 必填欄位標示為 *